Mateo 9:33 - ONUGBÙ NYƐNYÃ VUVƆ

³³ Klɛ gɛ akɛka ɔfufɔɛ nɛ ebu beke anyɛ nɛ akpa kaɖɔ ɖɔ. Kibui nɛ bhɛtɛ banɔɛza nɛ bi klɛ ba ɖɔ asɛ, “Kibuinyɛbui ana ka ba kɛlɛ mɛ di nɛ Izraɛl.”

Mateo 9:33 Referans Kwoze

Luka 11:14

Yesu àkɛka ɔfufɔɛkpã nɛ omumu toli mɛ. Gɛ ɔfufɔɛkpã nɛ koeyi ɔshɛ̃, anɔ nɛ gɛ eku omumuu nɛ aɖɔaɖɔ, klɛ kɛbhɛtɛ banɔɛza nɛ bi.

Luka 7:9

Gɛ Yesu enu kibui nɛ, ki yinɔ yɛ nɛ anɔ nɛ shu, klɛ etsyina tɔ banɔɛza gɛ balɛ yɛ ede, aɖɔ sɛ, “Itsre nɔ, ɛka mɔ tɛyɛyɛkɛŋa gɛganɛ nɛɛ di nɛ Izraɛl kuratsyɛ.”

Marko 2:12

Evu alɔ, ayɛkɔ yɛ oputso klɛ aga ekoeyi ashɛ nɛ banɔ petee amɛ. Yesu bui nɛ gɛ abhɛtɛ nɛ yinɔ anɔnyanɔ klɛ banɔnyanɔ nɛ ɔkɛlɛ ba kpɛ Kpaya nɛa bha. Klɛ baa ɖɔ asɛ, “Bu ka mɔ kibui nɛ di dí!”

Mateo 8:10

Gɛ Yesu enu ebuia nɛ, le yinɔ yɛ klɛ aɖɔ etsre bagɛ ba lɛ yɛede nɛ asɛ, “Itsre wɔnɔ kɛgba sɛ, ɛka mɔ anyɛnyanyɛ ana di nɛ Izraɛl gɛ tɛyɛyɛkɛŋa gbɛgbla nɛɛ di lɛ yɛ ahwɛ.

Mateo 9:32

Gɛ bee koeyi nɛ ɔkɔlɛ, ba yɛkɔ anyɛ teli gɛ ɔfufɔɛkpã otsri yɛa bha pɛɛ ataa na kaɖɔ ɖɔ nɛ amɛna Yesu.