Mateo 8:17 - ONUGBÙ NYƐNYÃ VUVƆ

¹⁷ Kibui kɛ ba kɛlɛ mɛ sɛ tɛ ba yɛkɔ amɔ kɛgɛ baɖɔ aganɔ atɔnu Yezaya bha sɛ: “Ayɛkɔ bulɔ maza mazamɔ klɛ etuku bulɔ banya.”

Mateo 8:17 Referans Kwoze

1 Petro 2:24

Kristo nahwɛ ayɛkɔ bulɔ ebuizizi nɛ akpɛ ishuidzya mɛ nɛ osi nɛ shu, sɛ tɛ bu ba tsi kɔ kizizi klɛ bu za nɛ ɛkpã kɔ kɛdzyɔgo bhɛbhɛtɛ, yɛ apɔ la kɔ sɛ bunya koeyi nɛ bulɔ shuimɛ.

Mateo 1:22

Ebuia nɛ petee la ba kɛlɛ mɛ sɛ tɛ ba yɛkɔ mɔ Apalete nɛ ebui nɛ gɛ aɖɔ ganɔ atɔnu nɛa bha na asɛ:

Mateo 2:23

klɛ ada za ɔma toli gɛ bee kulu asɛ Nazarɛtɛ nɛm. Kana kɛda ba kɛlɛm anasɛ gɛ ba ɖɔɛ lɛ aganɔ batɔmu nɛa bha asɛ: “Be be kulu yɛ asɛ Nazarɛtɛeyi.”

Mateo 2:15

ɔkɛlɛ aza ɔdɔ nanɔ kibe lɛ gɛ Heroɖesɛ ebe tsi. Klɛ kɛ ba kɛlɛm anasɛ gɛ Apalete nɛ aɖɔ ganɔ atɔnu nɛa bha sɛ, “Nɛ Edzyibite mɛ ɛba kulu mɛ eyianyɛ nɛ denɔ.”

Marko 1:32

Nɛ owulago ɔlɛlɛ nɛ kiwidudɔe de ba gbanɔ banyɛnya nɛ petee anɛ bagɛ ɛfufɔɛkpã tsri balɛa bha nɛ amɛna Yesu.

Luka 4:40

Gɛ kiwui nɛ̀ dɔ, banɔ na mɛna Yesu banɔ nɛ gɛ bunya edidedi alɛ balɛ shu, klɛ atrɔ ɛhwɛ nɛ anɔnyanɔ abha, gɛ akɔ bunya koeyi nɛ balɛ mɛ.

2 Kɔrintioanɛ 12:10

Kɛlɛ nu sɛ, alasɛ Kristo so ɛdɛmɛ nɛ tɛbubotso, tɛkukula, butɔ mumɔ, tɛ kpɛkpatɔnɔ, nɛ ebui tɛtɛtrɔ anɔabha. Alasɛ kibe nɔ gɛ ebotso, kɛlɛ mɛ gɛganɛ.