Mateo 7:24 - ONUGBÙ NYƐNYÃ VUVƆ

²⁴ “Kɛlɛ so anɔnyanɔ gɛ enu mɛ ebuia nɛ, klɛ ayɛkɔ alɛ akpɛ tɛbhɛbhɛtɛ mɛ asɔnɔ anɔ nyinyibui gɛ edzu buvu atrɔ kɛklãgbua bha.

Mateo 7:24 Referans Kwoze

Yohanɛsɛ 13:17

Ɔtsyɔnɛ gɛ nɔ nyi ebuia nɛ, nɔ bɔ yɛkɛ tɛyuyula onugɛ nɔ bhɛtɛ alɛ.

Luka 11:28

Ebuilɛnu asɛ, “Bayula bagɛ be nu Kpaya bui klɛ ba bhɛtɛ atrɔ kɛlɛ abha.”

1 Yohanɛsɛ 2:3

Bu nyi sɛ bu ba sɛ tɛ bu ti yɛ onugɛ bu bhɛtɛ trɔ yɛ ɛshã nɛabha.

Yohanɛsɛ 14:15

“Onugɛ nɔ dɛmɛnɔ nɛ mɛ, nɔ bɔ bhɛtɛ ɔtrɔ mɛ ɛshã nɛabha.

Yohanɛsɛ 15:14

Nɔ nu mɛ ɛbhɛya onugɛ nɔ bhɛtɛ trɔ ɛshã gɛ ɛkɔ nɔ nɛabha.

Yohanɛsɛ 15:10

Onugɛ nɔ bhɛtɛ trɔ mɛ ɛshã nɛabha, nɔ bɔ wɔ mɛ tɛdɛdɛmɛnɔ mɛ, anasɛ gɛ ɛbhɛtɛ trɔ mɛ Aka nɛ ɛshã nɛabha klɛ ɛwɔ́ yɛ tɛdɛdɛmɛnɔ mɛ.

Mateo 12:50

Alasɛ ananyanɔ gɛ abhɛtɛ Maka nɛ owũsise nɛ tɛpɛpɛɛ yɛ enu badzya, mada anɛ meni.”

Mateo 7:25

Subha aba dɔ, nɛ budekeni, klɛ kɛlɛɛ ba fu hunɔ buvu; tsyɛ bɔdɛ kpa, alasɛ buvu nɛ bu denɔ bɔlɛ kesikpɛkpɛ nɛ kɛklãgbua bha.

Mateo 7:26

Pɔ anɔnyanɔ gɛ enu mɛ ebuia klɛ adɛ yɛkɔ kpɛ tɛbhɛbhɛtɛ mɛ asɔnɔ agã gɛ edzu buvu atrɔ anyɛsɛa bha.

Mateo 16:18

Klɛ mɛ itsre wɔ sɛ wonu Petro, klɛ nɛ kɛklãgbui nɛa bha mɛ ba bhɔ mɛ busɔlɛɔha nɛ ɛtrɔ, klɛ butsi tsyɛ tɛ ba ŋa ɔlɛa bha.

Mateo 24:45

“Kɛlɛ anee yɛ enu axwɛdɛ gɛ tɛyɛyɛkɛŋa lɛ yɛahwɛ klɛ enyi bui, gɛ yɛahwɛ apalete nɛ ayɛkɔ baxwɛdɛ nɛ akpɛ nɛ yɛ bupa nɛ mɛ sɛ tɛ aza kɔa lɛ kɛŋɛŋa nɛ ɔɖɔ dzyɔgo nɛ mɛ?

Mateo 25:2

Batieti edzi bagã klɛ tieti edzi bebuinyi.

Mateo 25:4

Bagɛ be nyibui, nɛ xũ, ba yɛkɔ bubɔ akpɛ epulim evunɔ plɛnɔ balɛ bakanɛgbɛ.

Mateo 25:9

Bubite nyinyibui nɛ asɛ, “ ‘Ao,’ ‘bulɔ bubɔ nɛ dɛ kpe kɔɔ lɔ pɛ bu zɛ ba na wɔnɔ tsyɛ. No tsodzi ɔvɛ, agɛ aadɛ nɛ ɔkɔ tɛ no do bu tuli ɔkɔ shu.’

Romanɛ 2:13

Alasɛ ganɛ banɔ nɛ gɛ be nu ɔshã nɛ balɛ enu banɔnɛna nɛ Kpaya amɛ, pɔ ba gɛ balɛ abhɛtɛ atrɔ ɔshã nɛa bha balɛ la ba ɖɔ sɛ be nu banɔnɛna.