Mateo 7:21 - ONUGBÙ NYƐNYÃ VUVƆ

²¹ “Ganɛ anɔnyanɔ gɛ eekulu mɛ asɛ, ‘Apalete, Apalete,’ yɛ ebe tsoku bukusi ɔŋakɔ nɛ owũsise, pɔ aanɔ nɛ gɛ aabhɛtɛ atrɔ mɛ Aka nɛ gɛ alɛ owũsise nɛ tɛpɛpɛa bha.

Mateo 7:21 Referans Kwoze

Romanɛ 2:13

Alasɛ ganɛ banɔ nɛ gɛ be nu ɔshã nɛ balɛ enu banɔnɛna nɛ Kpaya amɛ, pɔ ba gɛ balɛ abhɛtɛ atrɔ ɔshã nɛa bha balɛ la ba ɖɔ sɛ be nu banɔnɛna.

Luka 6:46

“Kɛde so gɛ nɔ klu mɛ sɛ, ‘Apalete, Apalete,’ klɛ nɔ tɔ bhɛtɛ kibui nɛ gɛ ɛɖɔ?

Yakobo 1:22

Nɔ tɛ ta batɔ nɛ kibui nɛ tite ko, sɛ tɛ nɔ wɛɛ shu. Nɔ bhɛtɛ kɛgɛ kibui nɛɛ ɖɔ.

Luka 11:28

Ebuilɛnu asɛ, “Bayula bagɛ be nu Kpaya bui klɛ ba bhɛtɛ atrɔ kɛlɛ abha.”

Titusɛ 1:16

Bee bu aɖɔa sɛ be nyi Kpaya, pɔ ganɔ balɛ ebui bhɛbhɛtɛ nɛ mɛ ba dɛ yɛkɛ yɛ. Be nu banɔ gɛ ba kpalɛɔha, ba ta taa tɔ klɛ ba dɛ na kɔ kibui dzyɔgo kanyaka tɛbhɛbhɛtɛ.

Hebriuanɛ 4:6

Kɛka tsri lɛabha sɛ beteli be tsoku bumone lɛlɛ nɛ mɛ, klɛ bagɛ ba be nu bui dzyɔgo putɔnɔ gɛ bedi tsoku lɛ mɛ, alasɛ ba lɛ batɔ matamata so.

Yohanɛsɛ 6:40

Alasɛ Maka yɛ tɛpɛpɛɛ kɛlɛ nu sɛ anɔnyanɔ gɛ edi Eyi klɛ ayɛkɛ yɛ abhaŋa aba mɔ ɛkpã gɛ tɛ ba beke, klɛ ɛba nyɛmɛ yɛ kpɛ kabha nɛ kiwui gugɔɛ nɛabha.”

Tɛbubukasɛ 3:5

Agɛ ya ŋɛabha, ansɛ balɛ, aba za kɛdɔ fufu mɛ. Ɛtɛ ba tsru yɛ kinyi nɛ bu nɛ ɛkpã keplukpa nɛ mɛ, pɔ ɛba kulu yɛ kinyi nɛ mɛ Aka anɛ yɛ baxwɛdɛ nɛ amɛ.

1 Petro 4:2

Nɛ kɛlɛso, ata za nɛ ɛkpã gugɔɛ nɛ kesukpaɛ abha ɛkpã kɔ anɔdzyrame buzizi tɛpɛpɛɛ, pɔ nɛ kɛlɛ ɔzakɔ yɛkɔ kɔ Kpaya tɛpɛpɛɛ.

Hebriuanɛ 13:21

akɔ nɔ kɛdɔ dzyɔgo nyɛdɔdzyɔgo kɔ yɛ tɛpɛpɛɛ, klɛ tɛ awaɛxwɛ nɛ bulɔ mɛ kɛgɛ ku yɛ awɔ̃, ɔganɔ Yesu Kristo abha, kɔ yɛ ishubhubhui mɛ denɔ mabeke ɔvɛnɔ mabeke mɛ. Tɛlɛbɛlɛmɛ.

Mateo 12:50

Alasɛ ananyanɔ gɛ abhɛtɛ Maka nɛ owũsise nɛ tɛpɛpɛɛ yɛ enu badzya, mada anɛ meni.”

Tɛbubukasɛ 22:14

“Bayula bagɛ be plu balɛ bawi, klɛ kidzoenu ba za kɔa lɛ nɛ ɛkpãosi nɛ shu klɛ ba ba ga budunu nɛ etsoku ɔmagbla nɛm.

Yohanɛsɛ 3:5

Yesu ebui lɛ nu asɛ, “Itsre wɔ kɛgbɛagba sɛ, anɔnyanɔ atɛ be tsoku Kpaya bukusiɔŋakɔ odɛ nu sɛ be ditsodzi yɛ amɔ nɛ́ buni nɛ̀ Ɔfufɔɛ.

Mateo 18:3

Klɛ aɖɔ asɛ: Itsre nɔ kɛgba sɛ, odɛ nu sɛ no tsyina klɛ nodzi ansɛ banuvɔ bhli, nɔ tɛ bɔ na owũsise bukusiɔŋakɔ nɛ mɛ tsoku odi.

Yohanɛsɛ 7:17

Onugɛ anɔ teli apɛɛ asɛ tɛ abhɛtɛ Kpaya tɛpɛpɛɛ, aba pɛa sɛ tɛ eti asɛ mɛ̀ kɛdɔkɛkasɛ nɛ de Kpaya kɔ, pɛnɔɔ kɛ nu sɛ mɛ nahwɛ kaɖɔ mɛ ɖɔ.

Romanɛ 12:2

Nɔ tɔɔ yɛkɔ wɔnɔ shu nɛ ɔkpɛ kanɔ nɛ tɛzɛza mɛ ɔtsɔlɛ, pɔ no dzi banɔ gɛ otsyina ganɔ wɔnɔ atɔkpum vuvɔ bhɛbhɛtɛ. Kɛlɛmɛ nɔ bɔ na Kpaya tɛpɛpɛ nu fekedi pɛ nɔ bɔ trɔahwɛ yɛ tɛpɛpɛ nɛa bha—yɛ tɛpɛ̃pɛ, kɛku awɔ̃ klɛ kɛna.

Marko 3:35

Anɔnyanɔ gɛ aabhɛtɛ Kpaya tɛpɛpɛɛ nɛɛ yɛ enu mɛadzya anɛ mɛada anɛ meni.”

1 Tɛsolonianɛ 5:18

hu ahwɛ nɛ tɛzɛza kanyakaɛ di mɛ, alasɛ kɛɛ nɛ kɛlɛ nu Kpaya tɛpɛpɛɛ kɔ nɔ nɛ Kristo Yesu mɛ.

Efesoanɛ 6:6

Nɔ talɛ atɔ ganɛ sɛ tɛ bayɛkɛ wɔnɔabhaŋa nɛ kibelɛlɛ gɛ balɛ awɔ̃hu tsri ɛnɔabha, pɔ anasɛ Kristo banɔ dzidzi, gɛ nɔ bhɛtɛ Kpaya tɛpɛpɛɛ denɔ wɔnɔ idzyi mɛ.

1 Petro 2:15

Alasɛ kɛ nu Kpaya tɛ pɛpɛɛ sɛ nɔ bhɛtɛ kɛdzyɔgo nɔ bɔ zukɔlɔ bugã matimati banɔ kaɖɔ ɖɛɖɔ.

Mateo 25:21

Yɛ apalete nɛ asɛ, ‘Wɔ naa bhɛtɛ, axwɛdɛ dzyɔgo gɛ ba ba yɛkɛ wɔa bha ŋa! Ɔza tɛyɛyɛkɛ ŋa mɛ nɛ kɛdɔ bhli nɛ gɛ ɛkɔ wɔ, ɛba yɛkɔ wɔ idzu ebui anɛ kɛdɔ gelee nu. Ba tɛ ɔbɔ mɔ same ɔplɛnɔ wɔ apalete!’

1 Tɛsolonianɛ 4:3

Kinu Kpaya tɛpɛpɛɛ sɛ tɛ ba danɛ wɔnɔ shu, sɛ tɛ no shɛ̃nahwɛ azhuzhɔlɛbui shu,

Koloseanɛ 4:12

Epafra, gɛ enu wɔnɔmɛayɛ teli nɛ Yesu Kristo axwɛdɛ, asɛnɛ nɔ asɛsɛ. Awlãnkɛ eklukpaya kibenyɛbe nɛ wɔnɔɛ tɔkpu, sɛ tɛ nɔ za gɛganɛ nɛ́ Kpaya tɛpɛpɛɛ petee mɛ, nɔ she tɛ nɔ bhɛtɛ yɛ ebui tɛ la na.

Luka 13:25

Kibelɛlɛ gɛ buvu elete alɔ klɛ ada kedunu, nɔ bɔ lɔ kititi nɛ ɔtɔ nɔ zɔ bho opupu klɛ nɔ bɔ zɔ kpɛtɔkpuesi sɛ, ‘Apalete, danɛ buvu nɛ ɔkɔ lɔ.’ “Pɔ ebe tsre nɔ sɛ, ‘Ɛtɛ nyi nɔ ɔdɔgɔsɛ ɔkɛlɛ gɛ nɔ de.’

Axwɛwɛwa 14:22

nɛ bugɛganɛ kpɛkpɛ badɔkpasɛ anɛ kemi zɛza sɛ tɛ ba nyɛna kabhayɛyɛkɛŋa nɛm nɛ kɛgba. Baɖɔ sɛ, “Kɛ lɛ sɛ tɛ bu ga ebui gɛganɛ mɛ fla sɛ tɛ bu tsoku Kpaya bukusi ɔŋakɔ nɛm.”

Luka 18:25

Kɛgbɛagba kɛ ba za bubɔɛ kɔ kipuaga tɛ aga kɛtsa ozimɛ okoeyi, dɛ ehuelete te etsoku Kpaya bukusŋakɔ.”

Marko 9:47

Klɛ onu gɛ wɔ kɛwɔ̃hũ tili kɔ sɛ ɔbhɛtɛ kibuikpã, kpa kɛlɛ obu. Kɛpɛ kɔ wɔ sɛ tɛ otsoku Kpaya bukusi ɔŋakɔ nɛ kɛwɔ̃hũ tirikpo ɔyɛkɔ dɛ sɛ tɛ awɔ̃hũ tabha aza wɔ ahwɛ tɛ ba yɛkɔ wɔ ada tɛɛ̃ akpɛ kifu gɛ tɛ ba ni di mɛ.

Mateo 19:24

Ɛkaa tsre nɔ sɛ, kɛ lɛ bubɔɛbɔɛ kɔ kipuaga sɛ tɛ aga kɛtsa ozim ɔyɛkɔ dɛ sɛ tɛ ehoeyielete etsoku Kpaya bukusiɔŋakɔ nɛ mɛ.”

Mateo 18:35

“Kana mɛ owũsise Aka nɛ aba bhɛtɛ nɛ wɔnɔ mɛayɛ kanyaka gɛ atɛ ba yɛkɔ kibui etsye yɛadzya edenɔ yɛ idzyi mɛ.”

Yohanɛsɛ 15:23

Anɔ gɛ egu mɛ egu mɛ Aka nɛ tsyɛ aplɛnɔ.

Mateo 26:42

Aza shɛ bubhla avɛ klɛ ede kulukpaya sɛ, “Maka, onu gɛ kɛɛ ta ba kɛlɛ mɛ sɛ tɛ kantsea nɛ kafla mɛ nu, pɛ kɛlɛ sɛ tɛ ɛwɔɛ̃a lɛ, kɛlɛ kɔ la bhɛtɛ wɔ tɛpɛpɛɛ.”

Mateo 16:17

Yesu ebu lɛ nu asɛ, “Ba yula wɔ, Simɔnɛ Yona yɛeyi, alasɛ ganɛ anɔdzyrame yɛ bu kibui nɛ akasɛ wɔ, pɔ mɛ Aka nɛ owũsise yɛ bui lɛ akasɛ wɔ.

Tɛbubukasɛ 2:27

‘Aba ŋa balɛa bha nɛ ɔɖa dzyamgbɛ; aba yɛalɛ akpɛ bupɛpɛpɛ mɛ ansɛ budzrepe’ ansɛ gɛ ɛtɛ yɛkɛ kabhaŋɛŋa denɔ Maka ɔkɔ.

Yohanɛsɛ 14:7

Onugɛ nɔ nyi mɛ kɛgbɛagba, nɔ bɔ ti mɛ Aka nɛ tsyɛ. Denɔ ɔtsɔnɛ ɔvɛnɔ, nɔ nyi yɛ klɛ nɔ mɔ yɛ.”

Yohanɛsɛ 5:17

Yesu etsre alɛ asɛ, “Ma Aka awa yɛ xwɛ kibenyɛbe ɔdɔtɔnɔ oboe wui, klɛ mɛ, tsyɛ, ɛwa me yɛ.”

Mateo 26:39

Gɛ aza ga vɛ otugba kɛbɔɛ, awɔlɛ adɔ klɛ ayɛkɔ amɛnɛmɛ ekumuesi klɛ ekulukpaya sɛ, “Maka, onu gɛ kɛɛ ba za tɛbhɛbhɛtɛ mɛ, kɛlɛ tɛ ɔkɔ kantsea nɛ kafla mɛ nu. Pɔ ganɛ kana gɛ mɛ ɛpɛɛ, kana gɛ wɔ ɔpɛɛ kɛlɛ ba ba kɛlɛ mɛ.”

Mateo 18:10

“Di kɛlɛ ɔkɔ sɛ no ti di bunuvɔɛ bhlia nɛ ɔmɛayɛ kanyaka bhliyii. Alasɛ itsre nɔ sɛ balɛ baxwɛdɛ nɛ owũsise naa mɔ mɛ Aka nɛ owũsise nɛ amɛ kibenyɛbe.

Mateo 18:19

“Ɛkaa ɖɔ sɛ, onu wɔnɔ tɛabha teli nɛ kesukpa nɛa bha nɔ dɛmɛ ɔtrɔ kɛdɔnyɛdɔa bha pɛ no bisi, mɛ Aka nɛ owũsise aba bhɛtɛ kɛlɛ akɔ nɔ.

Mateo 25:10

“Pɔ gɛ be tsodzi atɔ nɔ kidzo avɛ bubɔ nɛ obu kɔ, ko klɛ adzɛenyine nɛ ebe ku. Bubite nyinyibui nɛ gɛ balɛ ba bala kɔ ishu nɛ bubɔ mɛ nɛ xũ na tsyanɔ adzɛenyine klɛ la ga vɛ adzɛ nɛ ɔgbanɔkɔ nɛ buvugbla nɛ mɛ. Klɛ ba da opupu.