Mateo 6:9 - ONUGBÙ NYƐNYÃ VUVƆ

⁹ “Ɔtsɔ̃, kanii, alɛ asɛ tɛ no zo klukpaya: “ ‘Bulɔ Aka nɛ owũsise, wɔɛ nyi la ba kpɛ nɛ abha,

Mateo 6:9 Referans Kwoze

Tɛbubukasɛ 4:11

“Wɔ kedziŋɛŋa kalɛ wɔ, bulɔ Apalete anɛ Kpaya, tɛ ɔyɛkɛ ishubhubhui anɛ kabhakpɛkpɛ anɛ kemi, alasɛ wɔ bhɛtɛ kɛdɔnyɛdɔ petee, klɛ ganɔ wɔ tɛdɛdɛmɛ mɛ la bhɛtɛ lɛ klɛ ba mɔ balɛ tɛzɛzam.”

Romanɛ 8:15

Alasɛ nɔ dɔɔ flɔ yɛkɛ ɔfufɔɛ nɛ gɛ ɔbhɛtɛ nɔ anɔdzidzi kɔ kifusisi, pɔ nɔ yɛkɛ eyidzidzi Ɔfufɔɛ. Klɛ ganɔ yɛa bha bu kpɛ ogugu sɛ, “Abba, Aka.”

Galatianɛ 4:6

Alasɛ bu nu beyi, Kpaya akpɛ yɛ Yi anɛ Ɔfufɔɛ nɛ bulɔ idzyi mɛ, Ɔfufɔɛ nɛ gɛ lɔ kpɛ ogugu sɛ “Aka, ma Ka.”

Tɛbubukasɛ 5:12

Nɛ ili mɛ gɛganɛɛ klɛ la zha ɛdzɛ asɛ: “Obhoshieyi nɛ gɛ beyi, kedziŋɛŋa lɛ ɔlɛ, sɛ tɛ lɔ yɛkɛ kemi anɛ kɛnɔmdɔ anɛ kibuinyinyi anɛ bugɛganɛ anɛ anɔdidi anɛ ishubhubhui anɛ kabhakpɛkpɛ!”

Mateo 7:11

Onu wɔnɔ, kɛlɛ lɛm sɛ nɔ tsɔmɔ pɔ, no ti kana gɛ nɔ bɔ yɛkɔ kɛdɔ dzyɔgo ɔkɔ wɔnɔ bunuvɔɛ, kɛlɛ ɔyɛkɔ dɛ wɔnɔ Aka nɛ owũsise nɛ ataa yɛkɔ kɛdɔ dzyɔgo akɔ bagɛ bee bisi yɛ!

Mateo 26:29

Itsre nɔ, ɛtɛa wɔɛ̃ wayɛ̃ eyuyua denɔ ɔtsɔ̃ ɔdɔ nanɔ kibe lɛ gɛ ɛba wɔɛ̃ yɛ avuvɔ nɛ nɔ nɛ Maka bukusiɔŋakɔ nɛ mɛ.”

Mateo 23:9

Klɛ no ti kulu anɔnyanɔ nɛ kesukpa nɛa bha sɛ, ‘aka,’ alasɛ Aka terikpo yɛ alɛ nɔ ahwɛ, klɛ yɛ alɛ owũsise.

Mateo 5:16

Kana kidzoɛ lɛ nɛa bha ke, nɔ kɔ wɔnɔ kifu nɛ deke nɛ banɔa mɛ, sɛ tɛ bamɔ wɔnɔ kibuigba bhɛbhɛtɛ klɛ tɛ ba kpɛ wɔnɔ Aka nɛa bha nɛ owũsise.

Luka 15:18

Ɛba tɔnɛ dzo ɛtsodzi vɛ mɛ aka kɔ tɛ ɛda tsre yɛ sɛ: Aka, ɛbhɛtɛ kɛbui kpã nɛ owũsise anɛ wɔ shu.

1 Petro 1:17

Kɛbɛlɛmɛ gɛ nɔ klu Aka gɛ eklubhui nɛ̀ anɔnyanɔ yɛ kɛxwɛwɛwa amɛ madimadi, nɔ za nɛ kpã anasɛ befu nɛ ɔkɛnɛ nɛ́ kifusisi mɛ.

1 Timotio 6:16

gɛ yɛ ko yɛ enu agɛ etee tsi klɛ akpasɛ kifu gɛ ba tɛ ba na hebunɔ mɛ, gɛ anɔnyanɔ aka mɔ edi ɔdɔgɔsɛ aba mɔ. Yɛ tɛkpɛkpɛ nɛa bha nɛ bupu lɛ kɔ ɔyɛkɔ vɛnɔ. Tɛlɛbɛlɛm.

Luka 15:21

“Eyi nɛ etsre yɛ aka nɛ asɛ, ‘Maka, ebhɛtɛ kɛbuikpã nɛ́ owũsise nɛ̀ wɔ shu. Ɛdaka dzyenɔ sɛ tɛ bɛ klu mɛ asɛ wɔ eyi.’

Luka 2:14

“Ishubhubhui kɔ Kpaya nɛ kabha, klɛ nɛ kesukpa ishuyɛyɔ kɔ banɔ nɛ gɛ yɛ tɛpɛplɛnɔ lɛ kɔ.”

Mateo 6:14

Alasɛ onu gɛ ɔyɛkɔ tsye bagɛ ba bhɛtɛ buzizi amɛna wɔ kɔ, wɔ Owũsise Aka nɛ tsyɛ aba yɛkɔ etsye wɔ.

Mateo 6:6

Pɔ onu gɛ no bo kulu Kpaya, no tsoku wɔnɔ bee vu nɛ mɛ, tɛ nɔ da opupu tɛ no kulu wɔnɔ Aka nɛ gɛ ba taa mɔ. Klɛ wɔnɔ Aka, gɛ aamɔ kibuinyɛbui gɛ ba bhɛtɛ nɛ tikpukpu mɛ, aba buya kɛlɛ kɛbhɛ akɔ nɔ.

Mateo 5:48

Nɔ za nɛ tɛnɛna mɛ, ansɛ gɛ wɔnɔ Owũsise Aka nɛ alɛ nɛ tɛnɛna mɛ.

Galatianɛ 1:1

Mɛ Paulo anɔkpɛkpɛ, ganɛ denɔ banɔ kɔ ɔdɔgɔsɛ anɔ ɔkɔ, pɔ Yesu Kristo anɛ Aka Kpaya, gɛ anyɛmɛ yɛ denɔ betsitsi nɛ shi—

Yohanɛsɛ 20:17

Yesu aɖɔ sɛ, “Tɛ nyɛna mɛ, alasɛ ɛka tsodzi vɛ Aka nɔ kɔ. Kɛlɛɔzakɔ, vɛ madzya lɛ nɛ ɔkɔ tɛ otsre alɛ sɛ, ‘Itsodzi vɛ́ mɛ Aka anɛ̀ wunɔ Aka, mɛ̀ Kpaya anɛ̀ wunɔ Kpaya nɔ kɔ.’ ”

Mateo 26:42

Aza shɛ bubhla avɛ klɛ ede kulukpaya sɛ, “Maka, onu gɛ kɛɛ ta ba kɛlɛ mɛ sɛ tɛ kantsea nɛ kafla mɛ nu, pɛ kɛlɛ sɛ tɛ ɛwɔɛ̃a lɛ, kɛlɛ kɔ la bhɛtɛ wɔ tɛpɛpɛɛ.”

Romanɛ 1:7

Kɔ banɔ nɛ petee anɛ Roma gɛ Kpaya aɖɔ klɛ eklu sɛ be be dzi banɔnɛna: Eshutukubui didi nɛ ishyuyɔ kɔnɔ denɔ Kpaya bulɔ Aka anɛ Apalete Yesu Kristo ɔkɔ.

Mateo 10:29

Anɛ buyɛ̃kpakpɛ tɔbha ba dɛ kaple ko? Tsyɛ pɛ tierikpo nɛ bulɛ shi atɛ ba wɔlɛ adɔ kesukpa gɛ odi nu Aka nɛ tɛ pɛpɛɛ.