Mateo 6:33 - ONUGBÙ NYƐNYÃ VUVƆ

³³ Pɔ pɛɛ yɛ bukusi ɔŋakɔ nɛ yɛ tɛnɛnamɛzɛza nɛ oputɔnɔ, klɛ la ba yɛkɔ kɛdɔɛ nɛ petee tsyɛ ata kɔ nɔ.

Mateo 6:33 Referans Kwoze

Luka 12:31

Pɔ pɛɛ yɛ bukusiɔŋakɔ, klɛ ba bayɛkɔ anɛ nɛtsyɛ akɔ wɔ.

Mateo 5:6

Ba yula bagɛ bubhɛ anɛ oniwɛ ɔɔta nɛ tɛzɛzam dzyɔgo shu so, alasɛ balɛ ebe xui.

Yohanɛsɛ 6:27

Nɔ tɔwa kɛxwɛ kɔ kɛŋɛŋa gɛ kɛ bazi, pɔ nɔ pɛɛ kɛdɔ ŋɛŋa gɛ kɛbakɔ ɛkpã mabeke gɛ Anɔdzyrame Yi aba kɔ nɔ. Nɛ yɛabha Aka Kpayɛa atrɔ ahwɛ.”

Romanɛ 14:17

Alasɛ Kpaya bukusiɔŋakɔ, ganɛ kɛdɔŋɛŋa anɛ kɛdɔwɛ̃wɛ bui, pɔ tɛnɛnamɛzɛza, ishuyuyɔ anɛ same nɛ Ɔfufɔɛ Dzyɔgo nɛ mɛ,

Mateo 19:29

Klɛ anɔnyanɔ gɛ atɛ shɛ alɔ bapa, yɛadzyalɛ, yɛadalɛ, yɛaka, yɛeni, yɛeyialɛ, yɛ kaya akpɛ mɛ so, aba yɛkɛ kɛdɔɛ lɛ nɛ ɛzakɔ kɛfɔɛfɔ klɛ aba mɔ ɛkpã gɛ ɛtɛ ba beke.

Romanɛ 8:31

Kɛlɛ, kide, lɔ ba ɖɔ yɛkɔ bu kibui nɛ nu? Onu gɛ Kpaya enu bulɔa yɛ, anee gɛ aba na kititi lɔ nɛ bulɔ shu?

1 Timotio 4:8

Alasɛ ishuidzyam hihe nɛ lɛ kedziŋɛŋa tieli mɛ, pɔ kpayamzɛza kedziŋɛŋa lɛ kɔ kɛlɛ nɛ ebui nɛ petee mɛ, ki vunɔ kidzoenudidi kɔ ɔtsɔ̃ nɛ ɛkpã anɛ ɛkpã nɛ gɛ ba tɛ ba.

2 Kɔrintioanɛ 5:21

Kpaya abhɛtɛ anɔ gɛ buzizima yɛ shu tɛ edzi ezizi kɔ lɔ, sɛ tɛ nɛ yɛ mɛ bu badzi banɔnɛna kɔ Kpaya.

Romanɛ 1:17

Alasɛ nɛ kibuidzyɔgo nɛ mɛ tɛzɛzam dzyɔgo denɔ Kpaya ɔkɔ nɛ bu kasɛ, tɛzɛzamdzyɔgo gɛ ganɔ tɛyɛyɛkɛŋam denɔ kesikpɛkpɛ ɔvɛnɔ obekekɔ, ansɛ gɛ kɛ ŋlɔmɛ li sɛ: “Anɔnɛna aba za ganɔ tɛyɛykɛŋam.”

Filipianɛ 3:9

klɛ tɛ ba mɔ mɛ nɛ yɛmɛ, tɛzɛzam dzyɔgo dɛ nu mɛyɛ gɛ kide ɔshã nɛ mɛ, pɔ kide Kristo tɛyɛkɛŋa nɛa bha nɛm— tɛzɛzam dzyɔgo nɛ gɛ de Kpaya ɔkɔ gɛ kɛlɛ nu kɛdzyɔgo denɔ Kpaya kɔ klɛ kide tɛyɛyɛkɛŋa nɛ ɔkɔ.

1 Kɔrintioanɛ 1:30

Alasɛ yɛ so gɛ nɔ lɛ Kristo Yesu mɛ, gɛ ebedzi kibuinyinyi gɛ de Kpaya ɔkɔ kɔlɔ—kɛlɛ nu, bulɔ tɛnɛna, ishubhubhui anɛ tɛbhubhuiyɛkɛ.

Mateo 4:17

Denɔ kibe lɛ nɛ mɛ ɔvɛnɔ klɛ Yesu etenɔ Kpayɛbui nɛ ɖɔ, “Tsyinɛtem, alasɛ owũsise bukusiɔŋakɔ nɛ tɛ tsu ba.”

Mateo 3:2

klɛ aaɖɔ asɛ, “Tsyinaɛtem, alasɛ owũsise bukusiɔŋakɔ nɛ otsobunɔ.”

2 Tɛsolonianɛ 1:5

Ebuianɛ petee enu tɛmumɔɖɔ sɛ Kpaya kebhuikuklu nɛ kana, klɛ nɛ kɛlɛ shu so ba ba kla nɔ sɛ nɔ na kɔ Kpaya bukusiɔŋakɔ, gɛ bulɛ shu nɔɔ tɔ.

Romanɛ 10:3

Gɛ kɛ lɛ kɛlɛm sɛ be tinyi tɛnɛnamɛzɛza nɛ gɛ de Kpaya ɔkɔ klɛ la lɛ kɛlɛe de sɛ tɛ be dzu balɛ nahwɛ yɛesi, ba dɛ kpɛ kɛtɔkpuesi kɔ Kpaya tɛnɛnamɛzɛza.

Axwɛwɛwa 28:31

Ganɔ kitekpɛkpɛ anɛ kide madimadi mɛ aɖɔ kaɖɔ edenɔ Kpaya bukusi ɔŋakɔ nɛ shu klɛ akasɛ kɛdɔ denɔ Apalete Yesu Kristo shu.

2 Petro 1:11

klɛ nɔ bɔ yɛkɛ kedziŋɛŋa tɛyɛyɛkɛ ɔkpɛ bukusiɔŋakɔ mabekemabeke nɛ́ bulɔ Apalete anɛ Yesu Kristo gɛ ebhulɔayɛkɛ.

2 Petro 1:1

Mɛ Simɔn Petro, Yesu Kristo axwɛdɛ anɛ̀ anɔkpɛkpɛ, Ɛŋlɔmɛ keplukpa anɛ akɔ bagɛ ɔganɔ kɛdzyɔgo bhɛbhɛtɛ bulɔ Kpaya anɛ Yesu Kristo gɛ ebhulɔayɛkɛ atɛ mɔ tɛyɛyɛkɛŋa ŋɛŋaedzi anasɛ bulɔ yɛ.

Luka 1:6

Banɔ edi tabha nɛ dzi banɔ dzyɔgo nɛ Kpaya amɛ, ba bhɛtɛ atrɔ Apalete nɛ ɛshã nɛ tɛtɛtrɔ nɛabha amɛ makamaka.

1 Kɔrintioanɛ 3:22

kɛ nu Paolo pɛnɔ Apolo pɛnɔ Kefas pɛnɔ kanɔ nɛ pɛnɔ ɛkpã pɛnɔ butsi pɛnɔ ɔtsɔtsyɔ̃ pɛnɔ kibe gɛ tɛ ba— alɛ petee le nu wunɔ ayɛ,

Axwɛwɛwa 20:25

“Ɔtsɔ̃ nɛɛ, inyi sɛ wɔnɔ mɛayɛ nyɔmɛayɛ gɛ ɛɖɔ bukusi ɔŋakɔ kibui nɛ tsre na za ba mɔm.

Mateo 19:28

Yesu etsrea la sɛ, “Itsre nɔ kɛgba nɛ sɛ, nɛ kibe lɛ gɛ bebe tsodzini kɛdɔnyɛdɔ abhɛtɛ kɛ vuvɔ, gɛ Anɔdzyrame yɛ Eyi nɛ ebe zhi aza yɛ bukusiegbu gɛ kalɛ shu adanɛ nɛa bha, Wɔnɔa gɛ ɔlɛ mɛe de tsyɛ obo za bukusigbu lɔfɔnɛtubha nɛa bha, ozo klu bubhui nɛ Izraɛl amadi lɔfɔntabha.

Yohanɛsɛ 5:4

Denɔ kibe ɔvɛnɔ kibe Apalete axwɛdɛ aba be zhiku klɛ aba hwanɛ beni nɛ mɛ. Anɔ tɛtɔpu nɛ gɛ ebetsoku kɛvɔ nɛ mɛ gɛ ba hwanɛ lɛ aba lɔ nɛ bunyã nɛ mɛ.