Mateo 6:30 - ONUGBÙ NYƐNYÃ VUVƆ

³⁰ Onu gɛ kana Kpaya eenyumuɛ dɔ kɔ tɛwa nɛ ayakpa mɛ, gɛ kɛ lɛ ɔkɛ̃ nɛ oboo klɛ kivu pɛ ba ba yɛkɔ atɛ̃a kpɛ kifu mɛ, kide so pɛ Kpaya etee nyumu kɛdɔ kɔ nɔ adɛ, O tɛyɛyɛkɛŋa bhli anɔ?

Mateo 6:30 Referans Kwoze

Luka 12:28

Onugɛ kana Kpaya enyumuɛ dɔ akɔ tɛwa nɛ ayakpaɛ mɛ, gɛ kɛlɛ ɔkɛnɛ obonɛ, klɛ kivu ayikɔɛ lɛ akpɛ kifui mɛ, kɛlɛ lɛ ba za gelee dɛ sɛ ebe nyumui dɔ kɔnɔ, O wɔ tɛyɛyɛkɛŋa bhli elete!

Mateo 14:31

Ɔkɛlɛ nɛ ko, Yesu ebu ɔhwɛ klɛ anyɛna yɛ. Aɖɔ asɛ, “Wɔ tɛyɛyɛkɛŋa bhli anɔ, kide so pɛ ɔdɛ yɛkɛ ɔŋa!”

1 Petro 1:24

Alasɛ, “Banɔ petee bedzi anasɛ tɛwa, klɛ balɛ ishukpɛkpɛ abha petee edzi anasɛ osifufu nɛ́ ayakpamɛ, tɛwa nɛ yɛrɔ klɛ efufu na wɔlɛ,

Mateo 16:8

Gɛ enyi kibui nɔɔ nɛ gɛ baa nyɛna so, Yesu ebisi asɛ, “Wɔnɔ tɛyɛyɛkɛŋa bhli banɔ, kide pɛɛ kɛŋɛŋa maza maza wɔnɔ ahwɛ bui nɔɔ ɖɔ?

Mateo 8:26

Klɛ etsre alɛ sɛ, “wɔnɔ tɛyɛyɛkɛŋa bhli elete, kide so pɛ noo si kifu ana?” Klɛ evualɔ klɛ akpɛ ɔshã kɔ kɛlɛɛ anɛ buni, klɛ ɔkɔnyɔkɔ dɔ sɛ̃ɛ.

Yohanɛsɛ 20:27

Ɔkɛlɛ ɛtsre Toma asɛ, “Yɛ kɔ wɔ awɔɛ nɛ kpɛ ɔkɛnɛ, di mɛ ekpli nɛ mɛ. Mɛna wɔ ɔhwɛ tɛ ɔyɛkɔ kpɛ mɛ ɔwã nɛ mɛ. Zɛkɔlɔ tɛmayɛkɛŋa mayɛkɛŋa klɛ tɛ ɔyɛkɛŋa.”

Marko 4:40

Etsre yɛ badɔkpasɛ nɛ asɛ, “Kidee so pɛ no si kifu kana? So tɛyɛyɛkɛŋa ka za wɔnɔ ahwɛ nɛ ɔtsɔ̃ nɛɛ dza?”

Hebriuanɛ 3:12

Badzya mɔ, nɔ di mɔ sɛ, ebuizizi, mayɛkɛŋa dzyi atɛza wɔnɔmɛayɛ nyɛmayɛ ahwɛ tɛ etsyinaede nɛ ɛkpã Kpaya shu.

Luka 9:41

Yesu aɖɔ sɛ, “O kabha mayɛkɛ mayɛkɛŋa anɛ tɛmumɔ tsutsɔmɔɛ nɛ mɛ banɔ, ewui tashɛ̃ ɛba za wunɔ bha klɛ ɛba za kplɛnɔ nɔ? Gbanɔ wɔ eyi nɛ mɛna ɔkɛ̃.”

Marko 9:19

Yesu ebui lɛ nu asɛ, “O ɔtsɔ̃ nɛ banɔ nɛ gɛ tɛyɛyɛkɛŋa ma balɛ mɛ,” “ɔdɔ na nɛ kibe ɖueɖu mɛ ɛba za wɔnɔ bha? Klɛɛ za mɛ ba za wɔnɔ ɔbha da tɔnɔ? Gbanɔ anyɛnuvɔɛ nɛ ɔmɛna mɛ.”

Mateo 17:17

Yesu ebui lɛ nu asɛ, “Ao banɔ gɛ ba dɛ pɛ̃ klɛ tɛyɛyɛkɛŋa ma nɔ ahwɛ,” “kɛlɛ za mɛ ɛba za wɔnɔ bha ɔdɔnanɔ? Kɛlɛ za mɛ ɛba za plɛnɔ wɔnɔ ɔdɔnanɔ? Yɛkɔ anuvɔ nɛ ɔmɛna mɛ nɛ ɔkɛ̃.”