Mateo 6:25 - ONUGBÙ NYƐNYÃ VUVƆ

²⁵ “So, itsre nɔ, nɔ tɛ ga nɛ awɔ̃ nɛ wɔnɔ ɛkpãm, kɛ gɛ nɔ bɔ ŋa pɛ nɔ bɔ wɛ̃, ɔdɔgɔsɛ kɛpɔtɛ gɛ no bo nyumu nɛ shu. Ɛkpã nɛ dɛ zhã dɛ kɛŋɛŋa, klɛ anɔosi nɛ tsyɛ ɔdɛ zhã dɛ kɛpɔtɛ?

Mateo 6:25 Referans Kwoze

Filipianɛ 4:6

Tɛ kɔ wɔnɔ idzyi ahwa nɛ kɛdɔnyɛdɔ shu, pɔ nɛ kibuinyɛbui mɛ, kpayakuklu anɛ tɛbibisi, anɛ ahwɛhuhu, kɔ wɔɛdɔ bibisi vɛ Kpaya kɔ.

1 Petro 5:7

Nɔ yɛkɔ wũnɔ butɔ petee ɔtrɔ yɛ abha alasɛ yɛ di wũnɔ abha.

Romanɛ 8:32

Agɛ adɛ da ahwɛ akpɛ yɛ nɛahwɛ Yeyi, pɔ ayɛkɔ yɛ akpɛahwɛ nɛ lɔɛ tɔkpu, klɛ tsyɛ ataa yɛkɔ aplɛnɔ yɛ, nɛ eshutukubuididi mɛ akɔ lɔ kɛdɔnyɛdɔɛdi?

Mateo 6:31

So nɔ tɔɔ ganɛ awɔ̃, tɛ nɔ zɔɔ ɖɔ sɛ, ‘Kide lɔ ba ŋa?’ ɔdɔgɔsɛ ‘Kide lɔ ba wɛ̃?’ pɛ ‘Kide lɔ ba nyumu?’

Marko 4:19

pɔ kanɔa nɛ mɛ butɔ, ehoeyi anɔ wɛwɛɛ, nɛ kɛnɔmɛdɔ tɛpɛpɛ she da kibui nɛ balɛ mɛ, gɛ kɛ kɔ sɛ kibui nɛ dɛ yu.

Mateo 10:19

Pɔ onu gɛ bee vu nɔ, nɔ tɛ ga nɛ awɔ̃ nɛ kibui nɔ nɛ gɛ nɔ bɔ ɖɔ ɔdɔgɔsɛ kana gɛ nɔ bɔ ɖɔɛ lɛ. Ɔɖɔ lɛlɛ nɛ mɛ ba ba kɔ nɔ kibui nɔ nɛ gɛ nɔ bɔ ɖɔ,

1 Kɔrintioanɛ 7:32

Ɛba pɛɛ kɔ nɔ sɛ nɔ tɔ vɛ kɛtɔkpu mɛ fãã nɛ kanɔmɛ ebui shu. Anyɛ agbalɛgba yɛ tɔkpu mɛ lɛ Apalete nɛ kibui shu—kana gɛ aba kɔ yɛ bui za Apalete nu li.

Mateo 6:34

So tɛ ganɛ awɔ̃ nɛ kivu shu, alasɛ kivu nahwɛ ba ganɛ kɛlɛ shu awɔ̃. Kiwinyɛɛwi kɛ lɛ nɛ kɛlɛ nahwɛ tibui.

2 Timotio 2:4

Anɔ nɛ gɛ enu keyutugbani nɛ atɛ yɛkɔ yɛ shu akpɛ ɔmamɛanɛ nɛ ebui mɛ, apɛa sɛ tɛ eku yɛ keyutugbani akagbla nɛ awɔ̃.

Luka 8:14

Eyi nɛ gɛ la dɔ ewui nɛ mɛ alɛ nu bagɛ be nu bui, pɔ gɛ ba vɛ balɛ dzo abha kanɔɛmɛ butɔ, ehoeyi anɛ̀ same kpãwũkpãwũ mumɔ na kpaka lɛ, klɛ la dɛ ba she.

Mateo 13:22

Eyii nɛ gɛ adɔ ewi mɛ alɛ nu anɔ gɛ enu kibui, pɔ ɛkpã nɛ mɛ butɔ nɛ kɛnɔmɛdɔ anɔwuwɔɛ eshe ada yɛ so kibui nɛ dɛ yu eyuyu nɛ yɛ mɛ.

Luka 12:11

“Onugɛ ba mɛna nɔ nɛ́ ɛxogokɔvu nɛ mɛ, bekusi anɛ́ ɛshãlete ɔkɔ, nɔ tɛganawɔ̃ nɛ kana gɛ nɔ bɔ bushunu ɔdɔgɔsɛ kɛ gɛ nɔ bɔ ɖɔ,

Marko 13:11

Kibe nɔɔ nɛ gɛ be vu wɔnɔ avɛnɔ kebhui nɛ, nɔ tɛ ganɛ awɔ̃ oputɔnɔ nɛ kibui nɔɔ nɛ gɛ nɔ bɔ ɖɔ. Nɔ ɖɔ kibui nɔɔ nɛ gɛ ba kpɛ wɔnɔ nu nɛ kibee lɛ nɛ mɛ, alasɛ ganɛ wɔnɔ ɖɔ kaɖɔ, Ɔfufɔɛ Dzyɔgo ɔlɛ ɔɖɔ.