Mateo 6:20 - ONUGBÙ NYƐNYÃ VUVƆ

²⁰ Pɔ nɔ bala wɔnɔ kɛkesrɔdɔ nɛ owũsise kɔ ishu, ɔkɛlɛ bugɛ anɛ budzyewule ma gɛ ba zi kɛ lɛ, bezi tsyɛa tɛ be tsoku ɔkɛlɛ pɛ be be zuru.

Mateo 6:20 Referans Kwoze

Luka 12:33

Dɛ wɔ kɛdɔnyɛdɔ tɛ ɔyɛkɔ kɔ betsyutsyuini. Nɔ bala akpɛtɛ gɛ la tɛ ba tsa kɔ ishu, bala wɔ ehoeyi nɛ owũsise gɛ kɛdɔ tɛ ba beke nɛ ɔlɛ mɛ di, ɔkɛlɛ gɛ bezi be ti be tsobunɔ nɛ gɛ bugɔɛ tɛ batã lɛ.

Mateo 19:21

Yesu asɛ, “Onu gɛ ɔpɛɛ sɛ tɛ ɔna, vɛ dɔ dɛ wɔ kɛnɔmɛdɔ nɛ gɛ lɛ wɔ ahwɛ tɛ ɔyɛkɔ ehoeyi nɛ ɔkɔ betsyutsyuini, klɛ kɛnɔmɛdɔ ba za wɔahwɛ nɛ owũsise. Tɛ otsodzi ɔba tɛ ɔbɔ za mɛe de.”

Yakobo 2:5

Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

1 Timotio 6:19

Ganɔ kidzoe nɛa bha la ba bala kɛdɔ kɔshu ansɛ kesikpɛkpɛ gɛganɛ kɔ kibe nɛ gɛ ba, sɛ tɛ ɛkpã nɛ gɛ nu ɛkpã gbɛagba nɛ ku balɛ ahwɛ.

Luka 18:22

Gɛ Yesu enu kibui nɛ, aɖɔ etsre yɛ asɛ, “Kɛdɔ tirikpo ka gɔ kɔ wɔ. Dɛ kɛdɔnyɛdɔ gɛ kɛ lɛ wɔ ahwɛ tɛ ɔyɛkɔ kɔ betsutsuini, klɛ ehoeyi ba za wɔ ahwɛ nɛ owũsise. Nɛlɛede ba bɔ za mɛede.”

Tɛbubukasɛ 2:9

Inyi ebui nɛ gɛ atrɔ wɔabha anɛ wɔ kitsyui—pɔ ehoeyi alɛ wɔahwɛ! Inyi bagɛ asɛ enu Yuɖanɛ flogo pɛ bedi nu, pɔ be nu Satana oxogokɔvu.

Hebriuanɛ 11:26

Adɛmɛ kɛwɔɛ̃ gɛ ba ba kpɛɛ yɛ nɛ Kristo tɔkpu dɛ kisiredɔ gɛ aba mɔ nɛ Egipte, alasɛ edi kɛdɔ gɛ aba mɔ nɛ otugba.

1 Timotio 6:17

Bu otsre behoeyielete nɛ kanɔa nɛ mɛ sɛ ba tɛ za nɛ butɔm gɛganɛ pɛ ɔdɔgɔsɛ ba yɛkɔ kidzoenudidi atrɔ balɛ kɛnɔmɛdɔ nɛa bha, gɛ ɔtɛ bɔ na awɔ̃ lu nɛ kɛlɛa bha, pɔ ba yɛkɔ balɛ kidzoenudidi nɛ atrɔ Kpaya bha, yɛ akɔlɔ kɛdɔnyɛdɔ gelee kɔ bulɔ same mumɔ.

1 Petro 1:4

klɛ bu di otugba kɔ kededɔŋɛŋa gɛ kɛtɛ ba tsi, kɛtɛbazi, pɛnɔ kɛbakpã—gɛ babala lu kɔ nɔ nɛ owũsise,

1 Petro 5:4

Klɛ kibenɔ gɛ Agbɛgbanɔ Ekusi ebe koɛyi, nɔ bɔ yɛ kɛ kabhaŋɛŋa kikutu gɛ kɛtɛ ba klo.

Hebriuanɛ 10:34

Eshutukubui kunɔ nɛ bagɛ bakpɛvu klɛ onugɛ ba yɛkɛ kɛdɔ gɛ kɛlɛ wɔnɔahwɛ nɔ yɛkɛ lɛ nɛ same, alasɛ wɔnɔ nahwɛ nɔ nyi sɛ kɛdɔ gɛ kɛbaza ɔvɛnɔ fãã lɛ wɔnɔahwɛ.

Mateo 6:19

“Nɔ tɛ bala wɔnɔ kɛkesrɔdɔ nɛ kesukpa nɛa bha, gɛ babɔ nɛ budzyewule lɛ gɛ ba zi kɛ lɛ, bezi tsyɛ be be zuruɛ kɛ lɛ.

Marko 10:21

Yesu edi yɛ klɛ yɛ kibui za yɛ buli. Klɛ asɛ, “Kibui tirikpo gɔ kɔ wɔ,” “Vɛ, dɔ dɛ kɛdɔnyɛdɔ gɛ lɛ wɔ ahwɛ tɛ ɔyɛkɔ kɔ betsyutsyuini, klɛ kɛba kɔ sɛ kɛnɔmɛdɔ kɛ ba za wɔ ahwɛ nɛ owũsise. Tɛ otsodzi ɔba tɛ ɔbɔ za mɛe de.”