Mateo 5:9 - ONUGBÙ NYƐNYÃ VUVƆ

⁹ Ba yula beboevu, alasɛ balɛ le be kulu asɛ Kpaya yeyialɛ.

Mateo 5:9 Referans Kwoze

Hebriuanɛ 12:14

Nɔ kpɛemi tɛ nɔ za ishuyuyɔɛmɛ nɛ banɔ petee nɛ tɛ wɔnɔ shubhui, ishu bhuibhui mazɛlɛ mɛ anɔnyanɔ atɛ ba mɔ Apalete.

Romanɛ 12:18

Kɛɛ baza bubuɔɛbɔɛ, nɛ kɛ lɛ nɛ gɛ kɛ lɛ nɛ wɔkɔ, za ishuyuyɔm nɛ anɔnyanɔ.

Galatianɛ 5:22

Pɔ Ɔfufɔɛ nɛ eyuyu ɔlɛ nu tɛdɛdɛmɛ nɛ anɔ, same, ishuyuyɔ, tɛdɛdɔfɔ̃, ɛyɛmɛyɛyɔ, kɛdzyɔgo bhɛbhɛtɛ tɛyɛyɛkɛŋa,

Romanɛ 8:14

alasɛ bagɛ Kpaya Ɔfufɔɛ nɛ ɔɔgbanɔ be nu Kpaya yeyialɛ.

Luka 6:35

Pɔ dɛmɛ nɛ bagɛ ba dɛ pɛɛ́ wɔɛ bui, bhɛtɛ kɛdzyɔgo kɔ alɛ, klɛ pa kɛdɔ kɔ alɛ tɛ ɔtɔdi dzoɛnu sɛ ɔbɔ tsodzi ɔyɛkɛ kɛdɔnyɛdɔ nɛ ba lɛ ahwɛ. Ɔkɛlɛ wɔɛ bhɛ tri, klɛ nɔ bodzi Owũsise Apaletedɛ yɛ yialɛ, alasɛ yɛ yɛyamɛyɔ kɔ ba gɛ betehuahwɛ nɛ bagɛ balɛ kɛtɔkpumɛ gɛganɛ.

2 Kɔrintioanɛ 13:11

Gugɔɛ, badzya, nɔ za mɔ. Nɔ za ɛkpã dzyɔgo, nɔ nu mɛ ebui nɛ gɛ ɛkpɛ nɔ kɔ, nɔ za nɛ kɛtɔkpui mɛ terikpo, nɔ za nɛ ishuyuyɔ mɛ. Klɛ Kpaya tɛdɛdɛmɛnɔ anɛ ishuyuyɔ lɛ ba za plɛnɛ nɔ.

Koloseanɛ 3:13

Nɔ bhɛtɛ terikpo nɛ aglɔ klɛ nɔ yɛkɔ tsye kibuinyɛbui di gɛ kɛba za wɔ ahwɛ nɛ ɔhaglɔ. Yɛkɔ tsye anasɛ gɛ Apalete nɛ ayɛkɔ etsye nɔ.

Mateo 5:48

Nɔ za nɛ tɛnɛna mɛ, ansɛ gɛ wɔnɔ Owũsise Aka nɛ alɛ nɛ tɛnɛna mɛ.

2 Kɔrintioanɛ 5:20

Kɛlɛso bu nu Kristo ɔzakɔanɔ kpɛkpɛ, anasɛ kɛlɛlɛmɛ sɛ Kpaya ábhɛtɛ yɛ dɔ bibisi ganɔ bulɔ abha. Bu kpɛ kɛtɔkpuesi kɔ nɔ ganɔ Kristo abha: Kɔlɔ bhɛtɛ terikpo nɛ Kpaya.

Axwɛwɛwa 7:26

Nɛ kiwi bhla nɛa bha Mose aba tsyanɔ Izraɛlanɛ tɛabha teli gɛ be dzi ata ekpli. Etsyina ahwɛ sɛ tɛ akpalɛ terikpo ganɔ kaɖɔ ɖuɖɔ sɛ, ‘Banyɛ mɔ, badzya no nu, kide so pɛ nɔ pɛ sɛ tɛ nɔ kpɛ ɔhaglɔ apɔ?’

Mateo 5:45

sɛ tɛ nɔ bo dzi beyi kɔ wɔnɔ Aka nɛ owũsise. Yɛ akɔ sɛ yɛ kiwi nɛ yɛɛ kɔ ezizi nɛ adzyɔgo, klɛ aakɔ sɛ subha adɔ abalɛ adzyɔgo nɛ ezizi nɛa bha.

1 Kɔrintioanɛ 6:6

Pɔ kɛlɛmaza, adzya tɛli ayɛkɔ yɛ ɔhaglɔ avɛnɔ ɔshɛ̃ mɛ—klɛ kɛnɛ kɛlɛ bagɛ ba dɛ yɛkɛŋa nɛ amɛ!

Filipianɛ 4:2

Ɛkpɛtɔpuesi kɔ nɔ Ewudia klɛ ɛkpɛtɔkpuesi kɔ Sintitsyi tɛ nɔ dɛmɛ nɛ ɔhaglɔ anɛ́ Apalete nɛ mɛ.

Luka 20:36

klɛ be tie tsi, alasɛ bedzi anasɛ axwɛdɛ. Be nu Kpaya ye yialɛ, nɛ kibe lɛlɛ gɛ be dzi banɔ nyɛnyɛmɛ denɔ bekpui mɛ.

Efesoanɛ 4:1

Anasɛ evuza kɔ Apalete, ɔkɛlɛ, ɛpɛɛ denɔ wɔnɔ kɔ sɛ tɛ nɔ za nɛ ɛkpã gɛ sɔnɔ tɛkuklu nɛ gɛ nɔ tɛ yɛkɛ.

Romanɛ 8:16

Ɔfufɔɛ nɛ nahwɛ obu ɔɖɔ plɛnɔ bulɔ ɔfufɔɛ nɛ ɔsɛ bu nu Kpaya yɛeyialɛ.

Romanɛ 8:19

Kanɔ nɛ mɛ kepo nɛ kidzoenu didi gɛganɛ kɔ Kpaya yɛeyialɛ nɛ tɛbubukasɛ.