Mateo 5:48 - ONUGBÙ NYƐNYÃ VUVƆ

⁴⁸ Nɔ za nɛ tɛnɛna mɛ, ansɛ gɛ wɔnɔ Owũsise Aka nɛ alɛ nɛ tɛnɛna mɛ.

Mateo 5:48 Referans Kwoze

Yakobo 1:4

Kanyɛtsitsi alasɛ tɛ ka wa kalɛ kɛxwɛ nɛ beke sɛ tɛ no she tɛ nɔna, nɔ tɛ za sɛ kɛdɔ tili ma wɔnɔ ahwɛ.

Luka 6:36

Di anɔ eshutukubui, anasɛ gɛ wɔ Aka edi anɔ eshutukubui.

Koloseanɛ 1:28

Bu ɖɔ yɛ kibui kana, butsrenɔ klɛ bukasɛ anɔnyanɔ kɛdɔ nɛ kibuinyinyi petee mɛ, sɛ tɛ bu ba kɔ anɔnyanɔ tɛ edzi adzyɔgo nɛ Kristo mɛ.

1 Yohanɛsɛ 3:3

Anɔnyanɔ gɛ kidzoenudidi nɛ lɛ yɛ mɛ yɛnahwɛ eplu shu, anasɛ gɛ yɛ shu bhui.

2 Kɔrintioanɛ 7:1

Mɛ ɛbhɛalɛ, Nɛ kibelɛlɛ gɛ atɔnu alɛ bulɔ ahwɛ, mɛ ɔbhɛya lɛ mumɔa, nɔ kɔ lɔ plu bulɔnahwɛshu denɔ kɛdɔnyɛdɔ gɛ kɛba tutru lɔ shuidzya anɛ ɔfufɔɛ, sɛ tɛ bu za amɛ bhubhui mɛ kɔ Kpaya.

Luka 6:40

Adɔkpasɛ adɛ dɛ yɛ adɔkasɛ, pɔ anɔnyanɔ gɛ bakasɛ yɛ dɔ beke aba za anasɛ yɛ adɔkasɛ.

Mateo 5:16

Kana kidzoɛ lɛ nɛa bha ke, nɔ kɔ wɔnɔ kifu nɛ deke nɛ banɔa mɛ, sɛ tɛ bamɔ wɔnɔ kibuigba bhɛbhɛtɛ klɛ tɛ ba kpɛ wɔnɔ Aka nɛa bha nɛ owũsise.

Mateo 5:45

sɛ tɛ nɔ bo dzi beyi kɔ wɔnɔ Aka nɛ owũsise. Yɛ akɔ sɛ yɛ kiwi nɛ yɛɛ kɔ ezizi nɛ adzyɔgo, klɛ aakɔ sɛ subha adɔ abalɛ adzyɔgo nɛ ezizi nɛa bha.

Koloseanɛ 4:12

Epafra, gɛ enu wɔnɔmɛayɛ teli nɛ Yesu Kristo axwɛdɛ, asɛnɛ nɔ asɛsɛ. Awlãnkɛ eklukpaya kibenyɛbe nɛ wɔnɔɛ tɔkpu, sɛ tɛ nɔ za gɛganɛ nɛ́ Kpaya tɛpɛpɛɛ petee mɛ, nɔ she tɛ nɔ bhɛtɛ yɛ ebui tɛ la na.

2 Kɔrintioanɛ 13:9

Same ku lɔ kibenyɛbe gɛ bu botso pɔ wunɔ xũ nɛ nɔ gɛganɛ, klɛ bulɔ kpayakuklu ki nu kɔ wunɔ tɛpɛpɛ̃.

2 Kɔrintioanɛ 13:11

Gugɔɛ, badzya, nɔ za mɔ. Nɔ za ɛkpã dzyɔgo, nɔ nu mɛ ebui nɛ gɛ ɛkpɛ nɔ kɔ, nɔ za nɛ kɛtɔkpui mɛ terikpo, nɔ za nɛ ishuyuyɔ mɛ. Klɛ Kpaya tɛdɛdɛmɛnɔ anɛ ishuyuyɔ lɛ ba za plɛnɛ nɔ.

Efesoanɛ 3:1

Kibui nɛ so Mɛ, Paulo, anɔ gɛ bakpɛ buvu nɛ Kristo Yesu kɛtɔkpu kɔ wɔnɔa gɛ no di nu Yuɖanɛ.

Mateo 5:47

Klɛ onu gɛ ɔɔsɛnɔ wadzyalɛ tite ko, kide kinu sɛ ɔɔbhɛtɛ dɛ bagɔgɔɛ? Sɛ bagɛ ba kpɛ kɛtɔkpuesi kɔ kɛdɔ bhlatɔ nɛ tsyɛ baa bhɛtɛ kana?