Mateo 5:39 - ONUGBÙ NYƐNYÃ VUVƆ

³⁹ Pɔ itsre wɔnɔ sɛ, Nɔ tɛ wɔ̃lãkɛ kibui nɛ anɔ kpã. Onu gɛ anɔ teli abɔ wɔ kɛdɔ nɛ kɛŋa ɔgla, tsyina kɛbɛtɛkpɛ mɛ ɔyɛ tsyɛ ɔkɔ yɛ tɛ abɔ.

Mateo 5:39 Referans Kwoze

1 Tɛsolonianɛ 5:15

No di kɛlɛ ɔkɔ sɛ anɔnyanɔ adɛ buya butsutsɔmɔ kɛbhɛ akɔ butsutsɔmɔ, pɔ nɔ yɛkɔ ɔtrɔ shu tɛ nɔ pɛ̃ ɛyam nɛ ɔhaglɔ anɛ anɔnyanɔɛ di.

1 Petro 3:9

Nɔ tɛ yɛkɔ kibui kpã ɔbuya kɛbhɛ kɔ kibui kpã bhɛbhɛtɛ pɛnɔ tɛkukla kɔ tɛkukla, pɔ nɛ̀ tɛ yuyula, alasɛ kɔ kɛnɛ be klu nɔ sɛ tɛ nɔ bɔ yɛkɛ tɛyuyula kededɔ.

1 Kɔrintioanɛ 6:7

Kɛgbɛgba lɛ nu sɛ bubhui kukluibui lɛ wunɔ shi kɛ kasɛ sɛ ba tɛŋa nɔabha beke petee. Kɛdeso gɛ bɔ ta ŋa pɔ? Kɛdeso gɛ ba te zuru nɔ?

Yakobo 5:6

No ti bu bagɛ ba dɛ bhɛtɛ kɛdɔnyɛdɔ nɛ kɛpɔ klɛ no yia lɛ, gɛ ba dɛ lɔ kititi nɛ wɔnɔ shu.

Hebriuanɛ 12:4

Nɛ wɔnɔ keyu tɛta sɛ tɛ nɔ tɛ tsoku kizizi mɛ, nɔ kɔ wlãnkɛ shu ɔtɔnɔ kibe gɛ ba beyi nɔ.

Luka 22:64

Ba nya yɛ amɛ klɛ be bisi denɔ yɛ ɔkɔ sɛ, “Ɖɔdi! Ane yɛ hu wɔɛdɔ?”

Mateo 5:40

Klɛ onu gɛ anɔ teli asama wɔ akɔ wɔ kesi awi nɛ, yɛkɔ kabha yɛ nɛ tsyɛ ɔta kɔ yɛ.

Luka 6:7

Farisianɛ anɛ̀ ɛshãdɔkasɛ baa pɛ kɛdzo sɛ tɛ be bu buzizi akɔ Yesu, kɛlɛso be di yɛ mɔmɔ sɛ abakɔ anɔ nɛ shu bhui nɛ Kimuenewi nɛabha.

Yohanɛsɛ 18:23

Yesu ebu ishu nu asɛ, “Onugɛ kibuizizi mɛ ɖɔ, bu kizizi gɛ kɛkpasɛ lɛmɛ ɔɖɔ tsiɖe banɔ petee. Pɔ onugɛ kibui gbɛagba mɛ ɖɔ, kɛlɛalɛ kɛdɛso gɛ ohu mɛ dɔ?”