Mateo 5:30 - ONUGBÙ NYƐNYÃ VUVƆ

³⁰ Klɛ onu wɔ kɛŋahwɛ nɔɔ kɔ sɛ ɔbhɛtɛ buzizi, bhui ɔlɛ tɛ ɔyɛkɔ tɛ̃. Apɛ kɔ wɔ sɛ tɛ wɔ shu nɛ ɔkɔ toli ɔtɛ za dɛ sɛ tɛ wɔ anɔosi nɛ petee ɔdɔ vɛ kifu gɛ tɛ baa ni di mɛ.

Mateo 5:30 Referans Kwoze

Marko 9:43

Onu gɛ wɔ ɔhwɛ toli ɔkɔ sɛ oku buzizi mɛ, bhui ɔlɛ ɔtɛɛ̃. Abɔ kɔ wɔ sɛ tɛ ɔhwɛ torikpo ɔza wɔ ahwɛ nɛ ɛkpã mɛ, ɔyɛkɔ dɛ sɛ tɛ ɔyɛkɔ ɛhwɛ tɛbha ɔvɛnɔ butsutsɔmɔ mɛ, nɛ ɔklɛ gɛ kifu tii ni.”

Mateo 5:29

Onu gɛ wɔ kɛŋamɛ wɔ̃hũ nɛ kɔ sɛ ɔbhɛtɛ buzizi, kpɛɛ lɛ obu tɛ ɔyɛkɔ tɛɛ̃. Kɛpɛ kɔ wɔ sɛ tɛ wɔ shu nɛ ɔkɔ toli ɔpɔ tɛ̃ dɛ sɛ tɛ ba yɛkɔ wɔ anɔosi nɛ petee ada tɛ̃a kpɛ kifu gɛ tɛ baa ni di mɛ.

1 Petro 2:8

klɛ, “Kɛklãgbu gɛ kɛkɔ banɔ ba bakpatanɔ klɛ kɛklãgbu gɛ kɛ ba kɔ alɛ doboe.” Badɔ oboe alasɛ ba dɛ bhɛtɛ atrɔ kibui ɖɛɖɔ nɛabha—kɛlɛ tsyɛ kɛnu kɛ gɛ ba pɛɛ kɔ alɛ.

1 Kɔrintioanɛ 8:13

Kɛlɛso, onugɛ kɛdɔnɔ gɛ ɛŋa gɛ kɛ bakɔ sɛ madzya aba wɔlɛ ku kibui zizi mɛ, ɛtɛa vla ŋa lɛ, sɛ tɛ kɛtɛ bakɔ yɛ awɔlɛ.

Luka 17:2

Kɛ ba pɛ̃ kɔ yɛ dɛ sɛ tɛ batsa buhɔ akpɛ yɛ oli tɛ ba yɛkɔ atɛ̃ akpɛ aƒu mɛ sɛ tɛ akɔ banuvɔ bhli anɛ teli ada bhɛtɛ buzizi.

Mateo 13:21

Pɔ gɛ kibui nɛ dɛ kpɛ igu nɛ yɛ mɛ so adɛ nyɛna kibui nɛm dzroɖoɖo. So onu gɛ bunuhu ɔdɔgɔsɛ tɛkpɛkpatɔnɔ tili nya ba nɛ kibui nɛ shu ko awɔlɛ ekoeyi.

Luka 12:5

Pɔ ɛbakasɛ nɔ ba gɛ balɛ nɔ bɔ sifu nɔ: Sifu nɛ agɛ eyi ishuidzya beke gɛ kemi alɛ yɛ ahwɛ gɛ aba yɛkɔ wɔ atɛ̃ akpɛ kifu nɛ gɛ tɛ ba ni mɛ. Ee, itsre nɔ sɛ, si yɛ fu.

Galatianɛ 5:11

Madzyalɛ, onugɛ ɛka ɖɔ bunyɛnyɛ bhubhui bui, kideso gɛ ba ka kpatɔnɔ mɛ? Nɛ kɛlɛmɛ buzizi bhɛbhɛtɛ nɛ butsiosi shu ba zukɔlɔ.

Romanɛ 9:33

Ansɛ gɛ ba ŋlɔmɛ elu: “Di, ilu kɛklãgbu nɛ Zayɔnɛ gɛ kɛ kpatanɔ anɔ nɛ kɛklãgbugbla gɛ kɔ sɛ banɔa wɔlɛ adɔ, klɛ anɔ nɛ gɛ ayɛkɛ yɛabha aŋa ba tɛ ba kpɛ yɛ kɛwɛ̃.”

Mateo 26:31

Ɔkɛlɛ Yesu etsre yɛ badɔkpasɛ nɛ asɛ, “Elishia nɛ mɛ, wɔnɔ petee no bo si ɔlɔ mɛ, alasɛ kɛŋlɔ̃mɛ li sɛ: “ ‘Ɛba hu ibhoshi agbɛgbanɔ nɛɛ dɔ, klɛ ibhoshiha nɛ petee ba hle.’

Mateo 22:13

“Ɔkɛlɛ Ekusi nɛ etsre bagɛ ba dɛ axwɛ nɛ asɛ, ‘Nɔ nya yɛ ɛtsrɛ anɛ ɛhwɛ, tɛ nɔ yɛkɔ yɛ ɔtɛ̃ɛ kpɛ ɔtɔ, nɛ otumu nɛ mɛ, ɔkɛlɛ gɛ iyuyo nɛ eletɛtã aba za.’

Mateo 25:20

Anyɛ nɛ gɛ ayɛkɛ Akpãteti nɛ ayɛkɔ teti bhlatɔ ata amɛna. Klɛ asɛ, ‘Apalete,’ ‘ɔkɔ mɛ Sidi Akpãteti. Di, Ɛmɔ teti trɔ yɛa bha.’

Mateo 16:23

Yesu etsyina klɛ etsre Petro asɛ, “Fla nɛ mɔ bha, Satana! Onu kɛklãgbu gɛ ɔkpatanɛ mɛ; Kpaya ebui nɛ ama wɔ kɛtɔkpu mɛ, banɔdzyrame ayɛ ala lɛ.”

Mateo 11:6

Ba yula aanɔ nɛ gɛ ataa wɔlɛ ekoeyi akpɛ mɛ so.”

Mateo 5:22

Pɔ itsre nɔ sɛ, anɔnyanɔ gɛ amɔ oblo nɛ yɛadzya be be kulu kebhui nɛ yɛ. Ɔyɛkɔplɛnɔ anɔnyanɔ gɛ ebe tsre yadzya sɛ, ‘Ɔmɛtã kɔ kɛdɔnyɛdɔ,’ ebe bu shu nu nɛ Bebhuiklu naa mɛ. Pɔ anɔ nɛ gɛ aaɖɔ sɛ, ‘Wɔ agã onu!’ ebe tsoku butɔm anɛ kifu mabeke mabekem.

Mateo 17:27

“Pɔ sɛ tɛ bu tɛ da nɛ balɛa bha, vɛ kɛvɔ nɛ mɛ tɛ ɔdɔ kpɛ wɔ ɖaɖuwɛ. Yɛkɔ kɛkpã tutɔpu nɛ gɛ obo bu, yaka kɛlɛ onugbu nɛ mɛ klɛ ɔbɔ mɔ kɔba tɛalɛ̃ kihoeyi tili. Yɛkɔɛ lɛ tɛ ɔdɔ kɔ kadzyɔ nɛ mɛ nɛ wɔnɔ nu.”

Mateo 18:8

Onu gɛ wɔ ɔhwɛ ɔdɔgɔsɛ wɔ ɔtsrɛ ɔbɔ kɔ sɛ odo ku buzizi mɛ, bhui ɔlɛ ɔtɛ̃. Aba pɛ kɔ wɔ sɛ tɛ otsoku ɛkpãm nɛ ɔtsrɛ bhubhui anɛ ɔhwɛ bhuibhui ɔkɔ dɛ sɛ ba yɛkɔ wɔ ada tɛ̃ akpɛ kifu manimani mɛ nɛ ɛhwɛ tɛbha anɛ ɛtsrɛ tɛbha.