Mateo 5:22 - ONUGBÙ NYƐNYÃ VUVƆ

²² Pɔ itsre nɔ sɛ, anɔnyanɔ gɛ amɔ oblo nɛ yɛadzya be be kulu kebhui nɛ yɛ. Ɔyɛkɔplɛnɔ anɔnyanɔ gɛ ebe tsre yadzya sɛ, ‘Ɔmɛtã kɔ kɛdɔnyɛdɔ,’ ebe bu shu nu nɛ Bebhuiklu naa mɛ. Pɔ anɔ nɛ gɛ aaɖɔ sɛ, ‘Wɔ agã onu!’ ebe tsoku butɔm anɛ kifu mabeke mabekem.

Mateo 5:22 Referans Kwoze

1 Yohanɛsɛ 2:9

Anɔnyanɔ gɛ ayɛkɔ sɛ alɛ kanɔ bhubhui mɛ pɔ egu yɛ adzya akalɛ otumui mɛ.

Yakobo 3:6

Kɛnɛkɛ nɛ tsyɛ nu kifu, kanɔ mɛ butsutsɔmɔ anɛ ishuidzya nɛ bupɛ tuli. Kii zi anɔ osi nɛ petee, kɛɛ shɔ anɔ ɛkpã zɛza nɛ petee kifu, klɛ kɛlɛnahwɛ nɛ kɛɛ shɔ ishui fu ganɔ kifu mabeke mabekea bha.

Titusɛ 3:2

ba tɛ zi anɔnyanɔ shu, tɛ ba bhɛtɛ ishuyuyɔ anɛ anhũvuvu nɛ anɔ, tɛ ɔbhɛtɛ ishubububɔ kɛgbɛagba ɔvɛnɔ banɔ nɛ petee ɔkɔ.

Mateo 10:28

No ti si fu nɛ bagɛ be be yi nɔ pɛ ba tɛ ba na kɛtɔwi nɛ buyi. Pɔ no si fu nɛ agɛ aba na wɔ ɔfufɔɛ anɛ ishuidzya nu yi nɛ fu gɛ tɛ ba ni di mɛ.

Mateo 18:35

“Kana mɛ owũsise Aka nɛ aba bhɛtɛ nɛ wɔnɔ mɛayɛ kanyaka gɛ atɛ ba yɛkɔ kibui etsye yɛadzya edenɔ yɛ idzyi mɛ.”

1 Petro 3:9

Nɔ tɛ yɛkɔ kibui kpã ɔbuya kɛbhɛ kɔ kibui kpã bhɛbhɛtɛ pɛnɔ tɛkukla kɔ tɛkukla, pɔ nɛ̀ tɛ yuyula, alasɛ kɔ kɛnɛ be klu nɔ sɛ tɛ nɔ bɔ yɛkɛ tɛyuyula kededɔ.

Romanɛ 12:10

Nɔ mɔ ɔhwɛ kɔ ɔhayɛ nɛ kɛdzyam anɔ ɖuɖɔ. No kpɛ aglɔ nɛa bha dɛ wɔnɔ nahwɛ shu.

1 Petro 2:23

Gɛ ba sɛsɛ balɛ akulatu nɛ yɛ abha, adɛ tsodzi akula lɛ, onugbu gɛ amɔ butɔ, adɛ kpɛ anɔɛ fu. Nɛlɛɔzakɔ, ayɛ kɔ ishu atrɔ agɛ yɛ kluebhui dzyudzyɔ nɛabha.

Mateo 18:21

Ɔkɛlɛ Petro atɔnɔ Yesu aba klɛ ebisi yɛ asɛ, “Apalete, etsye tashɛ̃ mɛ ɛba yɛkɔ itsye madzya gɛ abhɛtɛ kibui kpã amɛna mɛ ɔkɔ? Ɔdɔ nanɔ etsye tegene dza?”

Yuɖa 1:9

Pɔ kpayaxwɛdɛgbla Mayɛkɛl tsyɛ, gɛ aza wũlankɛ bui nɛ ɔfufɔɛkpã denɔ Mose ishupi nɛ shu, adɛ bhɛtɛ edi asɛ ayɛkɔ ishuzizi kititilulɔ nɛ yɛ shu, pɔ aɖɔ asɛ, “Apalete nɛ etsrenɛ wɔ!”

1 Yohanɛsɛ 3:10

Kɛnɛ kɛlɛ kɔ bu ti bagɛ benu Kpaya yɛ yialɛ klɛ ganɛ̀ bagɛ benu ɔfufɔɛkpã yɛ yialɛ. Anɔnyanɔ gɛ adɛ bhɛtɛ kɛ gɛ nu kɛdzyɔgo edɛnu Kpaya yɛ yi, ɔdɔgɔsɛ adɛ dɛmɛnɔ nɛ yɛ adzya, edi nu Kpaya yɛ yi.

Axwɛwɛwa 17:18

Epikuirianɛ anɛ Stoikanɛ bebuiti teli ba kpa kibui wlɔ̃akɛ nɛ yɛ. Beteli ebisi asɛ, “Kide anuvɔaɖɔ anɔa nɛ apɛa sɛ tɛ aɖɔ?” Banɔ bhlatɔ teli tsyɛa kpɛ onugbu nɛ klɛ mɛ asɛ, “Edzi ansɛ awlɔ̃akɛ amadi bhlatɔ mɛ ibuidi kɛtɔkpu.” Ba ɖɔ kana alasɛ Paolo aza ɖɔ kaɖɔ edenɔ kibui dzyɔgo nɛ Yesu anɛ yɛ tɛlulɔ denɔ butsi mɛ nɛ shu.

1 Tɛsolonianɛ 4:6

klɛ nɛ kibui nɛ mɛ anɔnyanɔ atɛ bhɛtɛ buzizi avɛnɔ yɛadzya ɔkɔ ɔdɔgɔsɛ amɔ kidzo nɛ yɛ shu. Apalete aba tɛta banɔ nɛ petee gɛ ba ba bhɛtɛ ebuizizi alɛlɛ nɛ di nɛ atɔ, ansɛ gɛ bu tɛ tsre nɔ klɛ bu kpɛ nɔ ɔshã.

Marko 14:55

Kpayaɔzakɔanɔ anɛ Bebhuiklu nɛ petee ba pɛɛ kibui nɔ nɛ gɛ la ba yɛkɔ ebhui Yesu nu nɔ pɛ le be yi yɛ, pɔ ba dɛ mɔ kibuinyɛbui.

Mateo 26:59

Kpayaɔzakɔanɔ anɛ Bebhuiklu nɛ baa pɛɛ oturo bunubhubhui nɔɔ nɛ gɛ ba ba yɛkɔ nɛ Yesu shu pɛ be be yi yɛ.

Yohanɛsɛ 11:47

Ɔkɛlɛ kpayaɔzakɔanɔ gbla anɛ Farisianɛ be kulu kɛtɔkpu tsyɛtsya nɛ Bamani. Be bisi asɛ “Kide lɔ ba bhɛtɛ?” “Anyɛ nɛ abhɛtɛ ebuiyinɔanɔ gelee.

Tɛbubukasɛ 20:14

Ɔkɛlɛ ba yɛkɔ butsi nɛ Bekpum atɛa kpɛ kifu kɛvɔ nɛ mɛ. Kifuivɔ nɛ kɛlɛ nu butsi bhla.

Axwɛwɛwa 7:37

Mose alɛlɛ nɛ naa gɛ etsre Izraɛlanɛ na sɛ, ‘Kpaya aba sɛsɛ nɔ ebuiɖɔlu ansɛ mɛ ana edenɔ wɔnɔ nahwɛ banɔm.

Luka 12:5

Pɔ ɛbakasɛ nɔ ba gɛ balɛ nɔ bɔ sifu nɔ: Sifu nɛ agɛ eyi ishuidzya beke gɛ kemi alɛ yɛ ahwɛ gɛ aba yɛkɔ wɔ atɛ̃ akpɛ kifu nɛ gɛ tɛ ba ni mɛ. Ee, itsre nɔ sɛ, si yɛ fu.

Mateo 5:44

Pɔ itsre nɔ sɛ, nɔ ɖɔ bagɛ ba taa pɛɛ wɔnɔ, tɛ no bisi kɛdzyɔgo kɔ bagɛ ba kpatɔnɔ wɔnɔ,

Mateo 5:34

Pɔ itsre wɔnɔ sɛ, Nɔ tɔɔ tanɔ kɛdɔ, eedzi sɛ owuũsise nɔɔ tanɔ tsyɛ o, alasɛ ɔlɛ onu Kpaya kegbu,

Mateo 3:17

Klɛ oli toli mɛ ode owũsise sɛ, “Meyi naa, gɛ ɛdɛmɛnɔ; yɛm mɛ mɔ awɔ̃kuku mɔmɔ.”

1 Yohanɛsɛ 5:16

Onugɛ anɔ teli amɔ yɛ adzya abhɛtɛ kibui kpã gɛ kɛ tɛ ba gbanɛ yɛ kpɛ butsi mɛ, eklukpaya klɛ Kpaya aba kɔ yɛ ɛkpã. Ɛɖɔɛbui denɔ ba gɛ balɛ ebuikpã tɛ ba gbanɛ alɛ akpɛ butsi mɛ. Kibuikpã tili lɛ gɛ kɛ gbanɛ anɔ kpɛ butsi mɛ. Ɛtɛ ɖɔ sɛ èklukpaya kɔ alɛlɛ nɛɛ di.

Yakobo 2:20

Wɔ bugã anɔ, ɔpɛ sɛ tɛ ɔmɔ kibuimɔɖɔ sɛ tɛyɛyɛkɛŋa gɛ kɛxwɛwɛwa ma kɛlɛ shu nɛ ma kibuinyɛbuim?

Hebriuanɛ 12:25

Nɔ di lɛ ɔkɔ sɛ nɔ tɛshɛnahwɛ agɛ aɖɔaɖɔ nɛ shu. Onugɛ be di si ashɛ̃ nɛ kɛbelɛlɛ gɛ be gbe anɔ nɛ gɛ etsrenɛ alɛ nɛ kesukpa nɛabha, kɛlɛ bu ba zhiesi, onugɛ bulɔ tsyɛ bu shɛ̃ lɔ anɔ nɛ gɛ etsrenɔ lɔ denɔ owũsise?

Hebriuanɛ 5:9

klɛ ba za bhɛtɛ yɛ mɔmɔ, ebe dzi anɔ gɛ yɛabha ba ga gɛ ba mɔ tɛbhubhuiɔyɛkɛ mabeke mabeke kɔ balɛ petee gɛ ba ta yɛ atɔ

1 Kɔrintioanɛ 6:10

pɛnɔ buzi pɛnɔ kɛdɔ pɛpɛɛ pɛnɔ eluwɔ̃ɛ pɛnɔ kɛdɔkukula ba gɛ ba kulɛdɔ nɛ bezi ba tɛ ba mɔ Kpaya kusiɔŋa kɔ nɛ mɛ otsoku.

1 Kɔrintioanɛ 6:6

Pɔ kɛlɛmaza, adzya tɛli ayɛkɔ yɛ ɔhaglɔ avɛnɔ ɔshɛ̃ mɛ—klɛ kɛnɛ kɛlɛ bagɛ ba dɛ yɛkɛŋa nɛ amɛ!

Axwɛwɛwa 5:27

Gɛ ba gbanɔ banɔkpɛkpɛ nɛ amɛna, bakɔ sɛ ba wɛ̃ nɛ busɔlɛebhuiklu nɛ amɛ sɛ tɛ kpayanɔgbla nɛ bisi alɛ igbe.

Yohanɛsɛ 15:25

Pɔ kɛnɛ nɛ kɛlɛ nu sɛ tɛ kɛ bɛlɛmɛ kɛgɛ baŋlɔmɛ akpɛ balɛ ɛshã kɛkplukpa nɛ mɛ: ‘Be gu mɛ anɛ kibuinyɛbui shu so.’

Yohanɛsɛ 8:48

Yuɖanɛ be bui lɛ nu kɔ yɛ asɛ, “Bulɔɛ yɛ dɛ ŋa sɛ buu ɖɔ sɛ onu Samaria eyi klɛ ɔfufɔɛ zizi otsri wɔa bha?”

Yohanɛsɛ 7:20

Banɔeza baɖɔ sɛ, “ɔfufɔɛzizi lɔ kpasɛ wɔ mɛ.” “Ane yɛ apɛɛ asɛ tɛ eyi wɔ?”

Marko 15:1

Nɛ kɛvlɔ nɛ pinii, kpayaɔzakɔanɔ, anɛ ɛshãdɔkasɛ anɛ ɔhamɛ bebhuiklu afɛtegene nɛ petee na ba dɛmɛ atrɔ kibui tirikpoa bha. Banya Yesu, klɛ ba gbanɛ yɛ ada kpɛ ahwɛ akɔ Pilato.

Mateo 25:41

“Ɔkɛlɛ aba ɖɔ tsre bagɛ bedzi yɛ kɛbɛtɛkpɛ nɛ mɛ asɛ, ‘Nɔ shɛ nɛ mɛ ɔbha, wɔnɔa gɛ ba ɖɔɛ bui akpɛ, ayɛkɔ tɛ̃a kpɛ kifu gɛ tɛba ni di mɛ gɛ ba bala elu kɔ ɔfufɔɛkpã nɛ ɛlɛ baxwɛdɛ.

Mateo 23:33

“Wɔnɔ beblidzya! Wɔnɔ atagblashã ɛyamɛeyi! Kɛlɛ nɔ bɔ na sii lɔ kifumani manim zɛza kɛpɔ?

Mateo 23:15

“Butɔ kɔ wɔnɔ, ɛshãdɔkasɛ anɛ Farisianɛ, wɔnɔ betroni! Nɔɔ ga kidzo nɛ kesukpa anɛ aƒu abha sɛ tɛ no tsyina anɔ terikpo, klɛ onu gɛ eedzi wɔnɔ mɛayɛ teli beke, nɔ bɔ bhɛtɛ yɛ aba tsɔmɔ ɛzakɔ tɛbha dɛ ansɛ kifu mabeke mabeke mɛ eyi nɛ gɛ no nu.

Mateo 17:5

Nɛ kibe lɛ gɛ Petro ekedza ɖɔ kaɖɔ, ɔmunɔ fufu toli ɔbɔ kana balɛ ɔtsya, klɛ olim toli oyi denɔ ɔlɛ mɛ sɛ, “Meyi naa, gɛ ɛdɛmɛ yɛ bui; yɛmɛ mɛ mɔ amɛ zhizhiesi. Nɔta yɛa tɔ!”

Mateo 12:24

Pɔ gɛ Farisianɛ be nu ana, ba ɖɔ asɛ, “Ganɔ ɛfufɔɛkpã ekusieyi nɛa bha anɔa nɛ aakɛka ɛfufɔɛkpã nɛ ebu.”

Mateo 10:17

“Nɔ lu awɔ̃ nɛ banɔdzyrame, be be vu nɔ ayɛkɔ akpɛ ahwɛ kɔ bamani klɛ ba ba mɛna nɔɛ dɔ nɛ balɛ ixogokɔevu nɛ mɛ.

Luka 22:66

Nɛ kelizɛzamɛ, bamani, beditabha kpayazakɔanɔ ekusi nɛ̀, Eshã adɔkasɛ, bexogo klɛ bagbanɔ Yesu amɛna balɛ amɛ.

Axwɛwɛwa 4:15

So bakɔ Petro anɛ Yohanɛsɛ ashɛ̃ nɛ bebhuiklu nɛ ɔbha tɛ bamɔ kɛtɔkpu mɛ bu.

Axwɛwɛwa 5:21

Nɛ keli zɛza nɛ mɛ, ansɛ gɛ be tsrea lɛ, be de tsoku busolɛvu nɛm klɛ ba kpa banɔ kɛdɔ kasɛ. Gɛ kpayanɔgbla anɛ yɛ ɔhayɛalɛ nɛ be ku, be klu Busɔlɛebhuiklu nɛ exogo, nɛ Izraɛlanɛ beshishe nɛ balɛ tɛxuxogom petee, klɛ ba yɛkɔalɛ sɛsɛ buvuɔkpɛkɔ kɔ banɔkpɛkpɛ.

Axwɛwɛwa 6:12

So be de feke banɔ nɛ beshishe anɛ ɛshãdɔkasɛ nɛ idzyi edzu. Be vu Stefano klɛ la yɛkɔɛ mɛna bebhuiklu nɛ amɛ.

Axwɛwɛwa 6:15

Banɔ nɛ petee ge dzi kebhui nɛ mɛ nee di Stefano amɛ nɛm kpraraara, klɛ bamɔ sɛ yɛ amɛ nɛmɛ aawɔɛ ansɛ Kpaya axwɛdɛ amɛ.

Axwɛwɛwa 22:30

Nɛ kiwi bhla nɛ mɛ, gɛ behudugbani Apalete nɛ apɛa sɛ tɛ eti kɛdɔnɔ nɛ shu so pɛ Yuɖanɛ na yɛkɔ kibui nɛ Paolo nɛɛ, ashɛ̃nahwɛ yɛ shu gbɔ, klɛ eklu kpayanɔ anɛ bebhuiklu nɛ exogo. Klɛ agbanɔ Paolo amɛna balɛ amɛ.

Axwɛwɛwa 23:1

Paolo edi bebhuiklu nɛ amɛ klɛ aɖɔ sɛ, “Madzyalɛ mɔ, ɛtɛ wa mɛ kɛxwɛ nɛ gɛ Kpaya atrɔ kɔ mɛ nɛ mɛ idzyi petee ɔbɔ tɔnɔ obo wi.”

Axwɛwɛwa 24:20

Ɔdɔgɔsɛ bagɛ ba lɛ ɔkɛ̃ nɛ ba ɖɔ buzizi nɔ nɛ gɛ ba mɔ nɛ mɛ mɛ nɛ kibe lɛ gɛ ili kititi nɛ bebhuiklu na mɛ—