Mateo 5:19 - ONUGBÙ NYƐNYÃ VUVƆ

¹⁹ Anɔnyanɔ gɛ ebule ɔshã nɛ obhliyi ɔkɔ toli klɛ akasɛ banɔ bhlatɔ tsyɛ asɛ ba bhɛtɛ ana, be be kulu yɛ ebhliyia dɛ nɛ bukusiɔŋakɔ nɛm nɛ owũsise, pɔ aanɔ nɛ gɛ aabhɛtɛ klɛ aakasɛ ɛshãɛ nɛɛ, be be kulu yɛ asɛ agbɛgbla nɛ owũsise bukusiɔŋakɔ.

Mateo 5:19 Referans Kwoze

Mateo 28:20

klɛ tɛ nɔ kasɛ dɔ sɛ anɔnyanɔ abhɛtɛ ansɛ gɛ ɛtrɔ kɔ nɔ. Klɛ kɛlɛ kɛlɛm sɛ ɛlɛ plɛnɔ nɔ kibenyɛbe, ɔkɔ dɔ nanɔ kanɔ nɛ tibibeke.”

Mateo 11:11

Itsre nɔ kɛgba sɛ: Nɛ banɔ nɛ gɛ badzɛ ba mɔ nɛ mɛ akanyaka aka vɛ otugba pɛ agbɛgbla dɛ Yohanɛsɛ Enikpɛ; pɔ agɛ enu ebhliyi nɛ owũsise bukusiɔŋakɔ agbɛgbla dɛ yɛ.

Titusɛ 3:8

Kibui nɛ nu kibuiɖuɖɔ gɛ ba ba yɛkɛ kɛlɛa bha aŋa. Klɛ ɛpɛɛ sɛ tɛ nɔ trɔ kɛklãgbu nɛ ebuia nɛa bha, sɛ tɛ bagɛ atɛ yɛkɛ Kpayabha aŋa nɛ be luawɔ̃ tɛ ba yɛkɔ ishu etsye nɛ kibui dzyɔgo tɛbhɛbhɛtɛ mɛ. Ebuia nɛ apɛ̃ezi klɛ le be dzi kɛdɔ kɔ anɔnyanɔ.

Tɛbubukasɛ 2:20

Pɔ, kibui lɛ mɛ ahwɛ nɛ wɔ: Adzɛ alɛlɛ Yezebɛl ɔkɔ yɛ amɛ, gɛ ekulu shu as enu adzɛ atɔnu. Ganɔ yɛ kɛdɔkɛkasɛ nɛ nu agbanɔ mɛ baxwɛdɛ ada kpɛ azhuzhɔlɛbui bhɛbhɛtɛ mɛ anɛ ibuidi dɔŋɛŋa mɛ.

Romanɛ 6:15

Kɛlɛso kide ɔtsɔ̃? Bu bhɛtɛ buzizi sɛ bu ma ɔshãesi pɔ eshutukubui didi esi lɔ kpasɛ? Kɛma kidzonyɛdzoa bha na!

1 Timotio 6:11

Pɔ wɔ, Kpayanɔ, siɔshɛ lɔ anɛ nɛɛdi petee, klɛ tɛ ɔpɛɛ tɛnɛnamɛzɛza, kpayamzɛza, tɛyɛyɛkɛŋa, anɔɖuɖɔ, tɛzɛza gɛganɛɛ anɛ tɛdɛdɔfɔ̃.

Romanɛ 6:1

Kide lɔ ba ɖɔ ɔtsɔ̃? Buzizi nɛa bha ko lɔ ba za sɛ tɛ eshutukubuididi nɛ eze wuabha?

1 Petro 5:4

Klɛ kibenɔ gɛ Agbɛgbanɔ Ekusi ebe koɛyi, nɔ bɔ yɛ kɛ kabhaŋɛŋa kikutu gɛ kɛtɛ ba klo.

Luka 11:42

“Butɔ kɔ wunɔ Farisianɛ, alasɛ nɔ kɔ Kpaya kɛdɔ tirikpo nɛ kɛfɔnɛmɛ nɛ wunɔ ehoeyi anɛ buya mɛdɔ, pɔ nɔ shɛnahwɛ kibui gbɛagba nɛ Kpaya bui dɛdɛmɛnɔ lu. Nɔ tɔ yɛkɔ kɛgɔgɔɛ nɛ ɔkpɛ tɛbhɛbhɛtɛmɛ tɛ nɔ tɛ shɛnahwɛ kɛ tɛtɔpu nɛ tsyɛ shu.

Mateo 19:28

Yesu etsrea la sɛ, “Itsre nɔ kɛgba nɛ sɛ, nɛ kibe lɛ gɛ bebe tsodzini kɛdɔnyɛdɔ abhɛtɛ kɛ vuvɔ, gɛ Anɔdzyrame yɛ Eyi nɛ ebe zhi aza yɛ bukusiegbu gɛ kalɛ shu adanɛ nɛa bha, Wɔnɔa gɛ ɔlɛ mɛe de tsyɛ obo za bukusigbu lɔfɔnɛtubha nɛa bha, ozo klu bubhui nɛ Izraɛl amadi lɔfɔntabha.

Romanɛ 3:8

Kide so pɛ nɔ tɔɔ ɖɔ— ansɛ gɛ bee zi bulɔ shu sɛ buu ɖɔ klɛ ansɛ gɛ beteli ebu aɖɔ asɛ bu ɖɔ sɛ— “Nɔ kɔ lɔ bhɛtɛ kizizi sɛ tɛ kɛdzyɔgo ba koeyi?” Ba lɛ kɔ kɛpɔbubu.

Axwɛwɛwa 1:1

Tiofilɔs Maɖɔyi, Nɛ mɛ keplukpa tutɔpu nɛ mɛɛ, ɛŋlɔmɛ kɛdɔ denɔ ebui nɛ petee gɛ Yesu akpɛ kesi pɛ abhɛtɛ klɛ aakasɛ

Luka 9:48

Kɛlɛ aɖɔ etsre alɛ sɛ, “Anɔ nɛ gɛ ayɛkɛ anuvɔ bhliyia nɛ mɛ nyi mɛ ayɛkɛ mɛ, klɛ anɔ nɛ gɛ ayɛkɛ mɛ, ayɛkɛ anɔ nɛ gɛ akpɛ mɛ. Alasɛ agɛ enu ebhliyidɛ nɛ wunɔ petee shi—ye nu agbɛgbladɛ.”

Luka 1:15

alasɛ ebe dzi agbɛgbla nɛ Apalete nɛ amɛ. Ama sɛ tɛ awɔɛ̃ bulu ɔdɔgɔsɛ kɛdɔ wuwɔɛ̃ gɛganɛ kanyakaɛ di, klɛ Ɔfufɔɛ Dzyɔgo kuratsyɛ lɔ bo yuku yɛ de nɔ yɛ tɛmumɔɛ mɛ.

Mateo 20:26

Kɛ ma kɔ wɔnɔ kana. Nɛ klɛ shu, aanɔ nɛ gɛ apɛɛ sɛ tɛ edzi agbɛgbla nɛ wɔnɔɛ shi ala sɛ tɛ edzi wɔnɔ axwɛdɛ,

1 Yohanɛsɛ 3:4

Anɔnyanɔ gɛ abhɛtɛ kibuikpã, ada ɔshã abha, kɛgbɛagba, kibuikpã nu ɔshɛ̃abhadɛda.