Mateo 5:16 - ONUGBÙ NYƐNYÃ VUVƆ

¹⁶ Kana kidzoɛ lɛ nɛa bha ke, nɔ kɔ wɔnɔ kifu nɛ deke nɛ banɔa mɛ, sɛ tɛ bamɔ wɔnɔ kibuigba bhɛbhɛtɛ klɛ tɛ ba kpɛ wɔnɔ Aka nɛa bha nɛ owũsise.

Mateo 5:16 Referans Kwoze

1 Petro 2:12

Nɔ za ɛkpã dzyɔgoe nɛdi nɛ ibuidielete, sɛ kɛlɛlɛmɛ ba be bu nɔɛ pɔ sɛ nɔ bhɛtɛ kizizi, ba ba ba mɔ ɛnɔ ebui dzyɔgo bhɛbhɛtɛ klɛ ba ba kpɛ Kpaya nɛabha nɛ kiwui nɛ gɛ aba ba bulɔ kɔ.

Titusɛ 2:7

Nɛ kibuinyɛbui mɛ, bhɛtɛ kibui dzyɔgo gɛ be be di abhɛtɛ. Nɛ wɔ kɛdɔkɛkasɛ mɛ, kasɛ ɔsɛ onu anɔ gɛ otoo hu otro, klɛ ɔtɔɔ wɔ buwɔfu

Yohanɛsɛ 15:8

Kɛnɛ kɛnu kɔ mɛ Aka nɛ kabhakpɛkpɛ, gɛ nɔ yu eyuyu gelee dɛ, gɛ nɔ kasɛ wunɔɛ shu sɛ nɔ nu mɛ badɔkpasɛ.

Efesoanɛ 5:8

Alasɛ kibe tili nɔ tɛ dzi otumu, pɔ ɔtsɔnɛ nɔ tã anasɛ kifu nɛ Apalete nɛ mɛ. Nɔ za anasɛ kifu mɛ beyi

1 Petro 3:16

wɔnɔ idzyi mɛ ebhui, sɛ tɛ bagɛ ba ɖɔ ebuikpã nɛ wũnɔ ɛkpã kɛdzyɔgo zɛza nɛ Kristo mɛ kɛwɔ̃ɛ ba kualɛ nɛ́ balɛ ebui ɖuɖɔ nɛ shu.

1 Petro 4:14

Onugɛ ba kula nɔ nɛ Kristo kinyi nɛ shu, ba yula nɔ, alasɛ Ɔfufɔɛ shu bhubhui anɛ̀ Kpaya kitsri wɔnɔ abha.

1 Petro 2:9

Pɔ wũnɔ nu banɔ kuklu, bukusiupa kpayazakɔanɔ, amɛbhubhui madi, anɔ gɛ enu Kpaya ayɛ, gɛ nɔ bɔ buɖɔ yɛ tɛkpɛkpɛ abha gɛ eklu nɔ denɔ otumu mɛ akpɛ yɛ kibui yinanɔ obhubhuikɔ.

Titusɛ 3:14

Alasɛ tɛ bulɔkɔayɛ nɛ bakpasɛ kana gɛ ba ba yɛkɔ ishu akɔ nɛ kɛdzyɔgo tɛbhɛbhɛtɛ mɛ, sɛ tɛ ba bhɛtɛ kiwinyɛwi kɛdɔ bhɛbhɛtɛ tɛ ba tɛ za nɛ ɛkpã nɛ gɛ kɛdɔnyɛdɔ tɛ ba de kɛlɛ mɛ koeyi.

1 Timotio 6:18

Bu otsre alɛ sɛ ba bhɛtɛ kɛdzyɔgo, tɛ kibui dzyɔgo ehoeyi aza balɛ ahwɛ, tɛ ba pɛ̃ ɛyam tɛ ba dɛmɛ akɔ kɛdɔ.

2 Kɔrintioanɛ 9:13

Alasɛ axwɛ nɛ gɛ ganɔ alɛ mɛ ɔyɛkɔ kasɛ wɔ shu nɔ, banɔ aba kpɛ Kpaya nɛa bha kɔ wɔ batɔtɛta nɛ gɛ aplɛnɔ wɔ idzyimɛ dɛdanɛ nɛ Kristo kibui nɛ mɛ, anɛ wɔ ɛyamyuyɔ nɛ kɛdɔ kukɔa lɛ anɛ nɛ anɔnyanɔ tsyɛ.

Efesoanɛ 2:10

Alasɛ bu nu Kpaya axwɛwɛwaɛdɔ, nɛ Kristo Yesu mɛ abhɛtɛ lɔ sɛ bu waɛxwɛ dzyɔgo gɛ Kpaya eti putɔ abhɛtɛ kɔ lɔ sɛ tɛ bu bhɛtɛ.

Hebriuanɛ 10:24

Klɛ nɔ kɔ lɔ di kɛgɛ buba bhɛtɛ kɔ agulɔ kɔ ishudɛdɛmɛ anɛ adzyɔgo bhɛbhɛtɛ.

1 Petro 4:11

Onugɛ anɔnyanɔ aba ɖɔ, abhɛtɛ lɛ anasɛ aɖɔ Kpaya ebui alɛlɛ, Onugɛ anɔnyanɔ adɛ axwɛ, abhɛtɛ lɛ nɛ̀ tɛgɛganɛ gɛ Kpaya akɔ yɛ, sɛ tɛ nɛ ebuinɛ petee mɛ ba bakpɛ Kpaya nyi nɛabha aganɔ Yesu Kristo abha. Kɔ yɛ kɛlɛ nu ishubhubhui anɛ̀ kemi denɔ mabeke ɔvɛnɔ mabeke. Tɛlɛbɛlɛm.

1 Tɛsolonianɛ 2:12

balɛ kemikpɛkpɛ, ishumyuyɔ klɛ etsre nɔ asɛ tɛ nɔ za nɛ ɛkpã gɛ ku Kpaya awɔ̃, gɛ eekulu nɔ akpɛ yɛ bukusiɔŋakɔ nɛ ishubhubhui nɛ mɛ.

1 Petro 3:1

Banyɛdzini, nɛ kidzo lɛlɛ nɛabha nɔ zhinɔ ishuesi kɔ wɔnɔ nyine alɛ sɛ tɛ, onugɛ balɛ ma yɛ teli adɛ yɛkɛ kibui nɛabhaŋa tsyɛ, ba ba ŋa nɔabha gɛ kibui tɛ ba zɛ lɛ mɛ nɛ balɛ badzɛ nɛ ɛkpã zɛza nɛabha,

Axwɛwɛwa 9:36

Nɛ Yoppa adɔkpasɛ teli aza ɔkɛlɛ gɛ be klu asɛ Tabita (gɛ onu be bu kɛlɛesi nɛɛ, kinu sɛ Dɔkasɛ) gɛ kɛdzyɔgo ko aabhɛtɛ aplɛnɔ betsyutsyuini.

1 Timotio 5:25

Kana mɛ dzoe lɛ nɛa bha ke, ebui dzyɔgo nɛ tsyɛ awɛ̃ wee, klɛ agɛ ala taa wɛ̃ nɛ tsyɛ ba tɛ ba na alɛ kpu.

Mateo 5:45

sɛ tɛ nɔ bo dzi beyi kɔ wɔnɔ Aka nɛ owũsise. Yɛ akɔ sɛ yɛ kiwi nɛ yɛɛ kɔ ezizi nɛ adzyɔgo, klɛ aakɔ sɛ subha adɔ abalɛ adzyɔgo nɛ ezizi nɛa bha.

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

1 Timotio 5:10

klɛ be nyi yɛ mɔmɔ nɛ yɛ ebui dzyɔgo shu, ansɛ beyi nyunyunɔ, anɔkɔdidi, butsrukpɔ puplu kɔ banɔnɛna, tɛpɛplɛnɔ kukɔ bagɛ be ku butɔ mɛ klɛ ayɛkɔ yɛ shu akpɛ ebui dzyɔgo kanyaka tɛbhɛbhɛtɛ mɛ.

1 Timotio 2:10

pɔ nɛ ebui dzyɔgo bhɛbhɛtɛ, gɛ aba kɔ badzɛ gɛ ba yɛkɔ shu asɛ ba ba kpɛ kɛtɔkpuesi kɔ Kpaya.

Galatianɛ 1:24

Klɛ bakpɛ Kpaya nɛabha alasɛ mɛ so.

Titusɛ 3:4

Pɔ kibe lɛ gɛ Kpaya Agɛ ayɛkɛkɔlɔ nɛ ɛyamyuyɔ anɛ anɔ ɖuɖɔ nɛ awɛ̃,

1 Kɔrintioanɛ 14:25

klɛ ebui kpukpu gɛ lalɛ yɛ idzyi nɛ mɛ la be bu egelee akasɛ. Kɛlɛso aba ezhi akpla klɛ asɔlɛ kɔ Kpaya, gɛ aɖɔ sɛ, “Kɛgbɛagba Kpaya alɛ bulɔɛ shi!”

Luka 11:2

Aɖɔ tsre alɛ sɛ, “Onugɛ oklukpaya, ɖɔsɛ: “ ‘Aka, wɔe nyi mɛ bhui, wɔ bukusi ɔŋakɔ nɛ ɔba.

Mateo 9:8

Gɛ banɔɛza nɛ ba mɔ ebuia nɛɛ, kɛ bhɛtɛ balɛ bi, klɛ ba kpɛ Kpaya nɛa bha, agɛ yɛ akɔ banɔ kabhaŋɛŋɛa nɛɛ di.

Mateo 23:5

“Kɛdɔnyɛdɔ gɛ ba bhɛtɛ nɛɛ, ba bhɛtɛ kɛlɛ sɛ tɛ banɔ amɔ, Ba bhɛtɛ balɛ besebe nɛ gɛ ba ta shu nɛ bhlɛlɛlɛ klɛ balɛ bawi nɛ butɔ ihui nɛ dze dzroɖoɖo,

Mateo 6:16

“Onu gɛ nɔɔ sɛ tɛ nɔ nya onugbu, nɔ tɔɔ bhɛtɛ ishu ansɛ butɔ mɛ nɔ kpasɛ, ansɛ gɛɛ betroni na bhɛtɛ, alasɛ balɛ bee ɖuɖu amɛ nɛm sɛ tɛ ba wɛ̃ ansɛ banɔ gɛ baa nya inugbu. Itsre nɔ kɛgba sɛ, batɛ yɛkɛ bala abhɛ nɛ petee.

Mateo 23:9

Klɛ no ti kulu anɔnyanɔ nɛ kesukpa nɛa bha sɛ, ‘aka,’ alasɛ Aka terikpo yɛ alɛ nɔ ahwɛ, klɛ yɛ alɛ owũsise.

Mateo 6:9

“Ɔtsɔ̃, kanii, alɛ asɛ tɛ no zo klukpaya: “ ‘Bulɔ Aka nɛ owũsise, wɔɛ nyi la ba kpɛ nɛ abha,