Mateo 5:10 - ONUGBÙ NYƐNYÃ VUVƆ

¹⁰ Ba yula bagɛ ba kpatɔnɔ akpɛ tɛzɛza dzyɔgo so, alasɛ balɛ yɛ kɛlɛ nu bukusiɔŋakɔ nɛ owũsise.

Mateo 5:10 Referans Kwoze

Yakobo 1:12

Ba yula anɔ nɛ gɛ akpɛemi nɛ yɛ tɛfifekedi mɛ, alasɛ onu gɛ ana kɛlɛ nu za nɛɛ, aba yɛkɛ ɛkpã kikutu nɛ gɛ Kpaya aɖɔ asɛ aba kɔ bagɛ ba ɖɔ yɛ.

2 Kɔrintioanɛ 4:17

Alasɛ bulɔ butɔ bumapu klɛ bu lɛ kplita gɛ kɛ ba mɛna lɔ kabhaŋɛŋa mabeke gɛ kɛlupudɛ alɛ petee.

Mateo 5:3

“Ba yula bagɛ ba dɔɛtsyui nɛ ɔfufɔɛ mɛ, alasɛ balɛ yɛ kɛlɛ nu bukusiɔŋakɔ nɛ owũsise.

Luka 6:22

Bayula nɔ kɛbelɛlɛ nɛ gɛ banɔ egu nɔ, onugɛ bebunɔ nɛ balɛshi klɛ ba kula nɔ klɛ beklu wunɔe nyi anasɛ bezizi, alasɛ nɛ Anɔdzyrame yɛ Eyi nɛ shu.

2 Timotio 2:12

onu gɛ bu dzrɔ nɛ kɛlɛ shu, bu ba ŋa kabha nɛ yɛ tsyɛ. Onu gɛ bu shɛ̃nahwɛ yɛ shu, yɛ tsyɛ aba shɛ̃nahwɛ bulɔ shu;

Filipianɛ 1:28

kifu masimasi maza kɛlɛ mɛ nɛ kidzonyɛdzo abha anɛ bagɛ ba lɔɛ titi nɛ wɔnɔ shu. Kɛ nɛ kɛlɛ nu kɛdɔmumɔ kɔ alɛ sɛ ba be zi alɛ, pɔ sɛ ba be bhui nɔ ayɛkɛ—klɛ Kpaya aba kɔ nɔ ŋa kabha.

Luka 21:12

“Pɔ flogo gɛ anɛ nɛ petee aba ba, ba be vu nɔ klɛ ba ba yɛkɔ nɔ akpɛ ahwɛ. Ba ba yɛkɔ nɔ akɔ bebhuiklu nɛ oxogokɔvu nɛ mɛ klɛ la ba kpɛ nɔ vu, klɛ la ba gbanɛ nɔ vɛnɔ bekusi nɛ̀ ba mani nɛ ɔkɔ nɛ mɛ nyi nɛ tɔkpu.

Yohanɛsɛ 15:20

Nɔ baka kibui nɛ gɛ ɛɖɔ tsre nɔ: ‘Axwɛdɛ atɛ be triadɛ yɛ Apalete.’ Onugɛ ba kpatɔnɔ mɛ, ba ba kpatɔnɔ wunɔ tsyɛ. Onugɛ babhɛtɛ atrɔ mɛ kɛdɔkɛkasɛ nɛabha, ba ba bhɛtɛ atrɔ wunɔ yɛ tsyɛ abha.

Tɛbubukasɛ 2:10

Ti si kifu nɛ butɔ nɛ gɛ ɔbɔ mɔ. Itsre wɔ, ɔfufɔɛkpã nɛ ɔbɔ yɛkɔ wɔnɔ beteli ɔkpɛ buvu sɛ tɛ lo feke nɔ odi, klɛ nɔ bɔ tɔ nɛ tɛkpɛkpatɔnɔ mɛ nɛ ewi lɔfɔ mɛ. Nɔ za tɛyɛyɛkɛŋa mɛ, ɔyɛkɔ ɔdɔ nanɔ butsi fãa, klɛ mɛ ba kɔ wɔ ɛkpã kabhaŋɛŋa kikutu.

2 Timotio 3:11

tɛkpɛkpatɔnɔ, batɔ—ebui nɛɛ di gɛ aba mɛa bha nɛ Antiɔkɛ, Ikonio anɛ Listra, tɛkpɛkpatɔnɔ nɛ nu gɛ ɛza. Tsyɛ pɛ Apalete nɛ ebu mɛ nɛ alɛ nɛ petee mɛ.

Mateo 25:34

“Ɔkɛlɛ Ekusi nɛ ebe tsre ɛgɛ li kɛŋa nɛ mɛ asɛ, ‘Nɔ ba, wɔnɔ bagɛ mɛ Aka nɛ atɛ yula, nɔ yɛkɔ wɔnɔ ɔŋakɔ, gɛ bukusiɔŋakɔ nɛ gɛ ba bala lu kɔ nɔ denɔ kanɔ nɛ kesikpɛkpɛ.

Marko 10:30

pɛ ata yɛkɛ kɛdɔ gelee adɛ nɛ kɛfɔɛfɔ mɛ nɛ ɛkpã nɛ mɛ, (bapa, badzya, bada, beni, beyi nɛ kaya kapɛ mɛ— klɛ ɔyɛkɔ plɛnɔ alɛ kititilulɔ) klɛ nɛ agɔ gɛ aba tɛ ba nɛ mɛ, ɛkpã gɛ tɛba beke ba za.

Luka 6:20

Yesu gɛ edi yɛ badɔkpasɛ, aɖɔ sɛ: “Bayula wunɔ agɛ nɔ dɔɛ tsyui, alasɛ wunɔɛyɛ klɛ nu Kpaya kusiŋakɔ

Mateo 10:23

Kibe lɛ gɛ bakpatɔnɔ nɔ nɛ ɔkɔtoli, no si ɔvɛ ɔkɔ bhlatɔ. Itsre nɔ kɛgba sɛ, nɔ tɛ bɔ ga Izraɛl ɛma nɛ mɛ beke flogo pɛ Anɔdzyrame yɛ Eyi nɛ aba ba.

1 Yohanɛsɛ 3:12

Nɔ tɛ za anasɛ Kain, gɛ edzi ɔfufɔɛkpã ayɛ klɛ eyi yɛ adzya. Klɛ kideso gɛ eyi yɛ? Alasɛ yɛnahwɛ ebui bhɛbhɛtɛ nɛ dzi kizizi klɛ yɛ adzya yɛ edzi kɛdzyɔgo.

Axwɛwɛwa 8:1

Klɛ Saolo aza ɔkɛlɛ, atrɔahwɛ yɛ tɛyiyi nɛa bha. Nɛ kiwi lɛ nɛa bha klɛ kititi lulɔ gbla koeyi nɛ Ɔha nɛ shu nɛ Yerusalɛm, klɛ banɔkpɛkpɛ nɛ mazɛlɛ mɛ banɔ gɔgɔɛ nɛ petee ba kɛka ganɔ Yuɖea anɛ Samaria.

Axwɛwɛwa 5:40

Anyɛ nɛ kaɖɔ na wa kɛxwɛ nɛ balɛ shu. Be klu banɔkpɛkpɛ nɛ amɛna klɛ le tua lɛ nɛ eshi. Klɛ la kpɛa lɛ ɔshã sɛ ba ta ɖɔaɖɔ nɛ Yesu kinyim, klɛ la shɛnahwɛ balɛ shu pɛ ba shɛ.

Mateo 19:14

Yesu asɛ, “Nɔ kɔ bunuvɔɛ bhli na ba mɔkɔ, nɔ tɛ kɔ sɛ ba tɛ ba, alasɛ owũsise bukusi nɛ nu baa lɛ nɛɛ di nu yɛ.”

Marko 10:14

Gɛ Yesu amɔ kibui nɛ, amɔ obulo. So etsre balɛ asɛ “Nɔ kɔ bunuvɔɛbhli na ba mɛ ɔbha, klɛ nɔ tɔɔ kɛka lɛ, alasɛ banɛ nɛɛ di nɛ ɔzakɔ ɔlɛ nu Kpaya bukusiɔŋakɔ.

Luka 22:29

Klɛ eshɛnahwɛ bukisiɔŋakɔ kɔ nɔ anasɛ gɛ mɛ Aka tsyɛ ashɛ̃nahwɛ tuli shu atrɔ mɛabha,

Yakobo 5:11

Ansɛ gɛ no nyi, bu di banɔ nɛ gɛ be tsianyɛ sɛ ba tɛ yuyula lɛ. No ti nu Yobɛ kanyɛtsitsi klɛ nɔ tɛ mɔ kɛdɔnɔ nɛ gɛ Apalete nɛ abhɛtɛ nɛ kɛlɛ shu gɔgɔɛ. Apalete nɛ eyuku nɛ eyampɛpɛ̃ anɛ eshutukubui didi.