Mateo 4:24 - ONUGBÙ NYƐNYÃ VUVƆ

²⁴ Be nu yɛ dɔ akana Siria petee, klɛ banɔa gbanɔ balɛ banyɛnya edidedi amɛna yɛ, banɔ teli nɛ ishutɛtã, beteli ɛfufɔɛkpã vua lɛ, beteli baa wɔlɛ ebho, klɛ beteli bagba klɛ ebeke balɛ banya nɛ petee.

Mateo 4:24 Referans Kwoze

Mateo 17:15

Klɛ aɖɔ asɛ, “Apalete, di mɛeyi nɛ eshutukubui.” “Aawɔlɛ ebho klɛ aatɔ tsutsɔmɔ tsɔmɔ. Ebe gelee adɔ ku kifu mɛ nɛ buni mɛ.

Mateo 8:6

Asɛ, “Apalete, mɛ axwɛdɛ teli awɔlɛdɔ klɛ agba eli mɛ bupa nɛm klɛ akpasɛ butɔm gɛganɛɛ.”

Luka 5:15

Pɔ ebui denɔ yɛ shu le yi gelee dɛ, so banɔɛza ba sɛ tɛ ba benu yɛ ebui nɛ tɛ akɔ balɛ shu bhui tɛ ebu banya nɛ balɛ shui mɛ.

Luka 2:2

(Kɛnɛ kɛlɛ dzi tɛkɛkla tɛtɔpu gɛ kɛ ba nɛ kɛlɛbe gɛ Kuirinusɛ edzi ɔmaekusi nɛ Siria.)

Mateo 17:18

Yesu anyɛna nɛ ɔfufɔɛkpã nɛa bha, klɛ lɔ fla okoeyi nɛ anuvɔ nɛ mɛ, klɛ yɛ bunya nɛ beke nɛ ɔɖɔ lɛlɛ nɛ mɛ.

Mateo 15:22

Kananaɛtɛ dzi teli gɛ ede kibé lɛ nɛ aba yɛ ɔkɔ, nɛ iyuyo asɛ, “Apalete, Daviti yɛ Eyi, di mɛ eshutukubui! Mɛ eyiadzɛ aatɔ tsutsɔmɔ tsɔmɔ nɛ ɔfufɔɛkpã gɛ otsri yɛa bha nɛ mɛ.”

Mateo 12:22

Ɔkɛlɛ ba gbanɔ anyɛ teli gɛ ɛfufɔɛkpã tsri yɛa bha gɛ akɔ sɛ eku omumu klɛ epu awɔ̃hũ tsyɛ amɛna yɛ, klɛ Yesu ebeke yɛ banya, pɛ akpa kaɖɔɔ ɖɔ klɛ akpa mɔ tsyɛ.

Axwɛwɛwa 10:38

Kana gɛ Kpaya asrabɔ akɔ Yesu Nazarɛtɛ eyi nɛ Ɔfufɔɛ Dzyɔgo anɛ kemi, anɛ kɛkana nɛ gɛ aga ka na nɛ ebui dzyɔgo tɛbhɛbhɛtɛ nɛ bagɛ za ɛfufɔɛ kpãesi nɛ banya tɛbibeke, alasɛ Kpaya aza plɛnɔ yɛ.

Axwɛwɛwa 15:23

Ɔyɛkɔ plɛnɔa lɛ ba sɛsɛ keplukpa sɛ: Bulɔ, banɔkpɛkpɛ anɛ beshishe nɛ, anɛ wɔnɔa dzyalɛ nɛ ɔkɔ, bu sɛnɛ nɔ bulɔ badzya nɛ petee gɛ be di nu Yuɖanɛ gɛ ba lɛ Antiɔkɛ, Siria anɛ Silisia.

Marko 2:3

Banyɛ tɛalɛ̃ teli be tuku anyɛ gɛ awɔesukpa ebe lu kɔ yɛ.

Marko 1:32

Nɛ owulago ɔlɛlɛ nɛ kiwidudɔe de ba gbanɔ banyɛnya nɛ petee anɛ bagɛ ɛfufɔɛkpã tsri balɛa bha nɛ amɛna Yesu.

Mateo 4:23

Yesu aga nyɔ ekoeyi nɛ Galelia, anɛ kɛdɔkɛkasɛ nɛ balɛ oxogokɔevu nɛm, kibui dzyɔgo nɛ tɛɖuɖɔ denɔ bukusiɔŋakɔ nɛ shu, klɛ ebeke banya nyaanya nɛ banɔ mɛ.

Axwɛwɛwa 15:41

Aga Siria anɛ Silisia ekoeyi, klɛ akpɛ busɔlɛha nɛ bugɛganɛ.

Luka 4:14

Yesu etsodzi avɛ Galelia nɛ Ɔfufɔɛ nɛ kemi nɛ mɛ, klɛ ebui denɔ yɛ shu nɛ yi kana amadi petee mɛ.

Marko 1:28

Be nu Yesu dɔ zia nɛ Galelia kesukpa nɛa bha petee.

Mateo 14:1

Nɛ kibe lɛ gɛ Heroɖesɛ kɛtɔkpum gɛganɛ elete nɛ enu Yesui dɔ,

Yohanɛsɛ 10:21

Pɔ babhlatɔ asɛ, “Kaɖɔa nɛ ke di nu anɔ nɛ gɛ ɔfufɔɛzizi lo tsri yɛabha nɛa yɛ. Ɔfufɔɛzizi lɔ bɔ na awɔ̃hũ danɛ kɔ anhũpu?”

Mateo 9:35

Yesu aga ɛma anɛ ɛmabhli nɛ petee mɛ, aakasɛ dɔ nɛ ixogokɔevu nɛ mɛ, klɛ aaɖɔ kibui dzyɔgo nɛ edenɔ bukusiɔŋakɔ nɛ shu klɛ eebeke banyanyanya nɛ banɔ mɛ.

Mateo 9:26

Yɛ tɛnyɛnyɛmɛ nɛ yi kana nɛ kibee lɛ nɛ petee.

Mateo 8:28

Gɛɛ ede ku kedea pɛ nɛ Gadarenisɛ kɛdɔ nɛ mɛ, ɛfufɔɛkpã banyɛ tiabha teli be koeyi denɔ idzre nɛ shi aba tsyanɛ yɛ. Baa nyagba nɛ anɔ nɛ ɔkɛlɛ gɛ kɛkɔ sɛ anɔnyanɔ ataa naa fla nɛ ɔkɛlɛ.

Mateo 8:33

Bagɛ balɛ agbanɛ bahɛha nɛ si ashɛ̃ avɛ ɔma nɛ mɛ ada ɖɔ kana gɛ ebui nɛ aba za kɔ ɛfufɔɛkpã elete.

Marko 2:4

Banɔ nɛ be kpe so ba dɛ na Yesu nanɔ, so be de wu buvu klɛ be de pu ovutɔ klɛ be zhinɔ anyɛnya anɛ oputso nɛ akpɛ Yesu abha.

Marko 2:9

Kiɖue gɛ lɛ bɔbɔɛbɔɛ dɛ sɛ, tɛ be tsre anɔ gɛ awɔesukpa nɛ asɛ, ‘Ba yɛkɔ wɔ ebuizizi nɛ etsye wɔ,’ anɛ, ‘Lɔ, yɛkɔ wɔ oputso tɛ ɔga?’

Luka 4:38

Yesu ashɛ̃ nɛ oxogokɔvu nɛ mɛ klɛ avɛ Simɔn bupa nɛ mɛ. Nɛ ɔkɛlɛ buwui gɛganɛ tuli ku Simɔn yɛ andze, klɛ be tsre Yesu asɛ aplɛnɔ yɛ.

Luka 5:24

Pɔ sɛ tɛ nɔ ti sɛ Anɔdzyrame Yi kabhaŋɛŋa lɛ yɛ ahwɛ nɛ kesukpa nɛabha sɛ tɛ ayɛkɔ ebuizizi etsye anɔ....” Yesu etsre anɔ nɛ gɛ agba nɛ asɛ, “Ɛtsre wɔ, lɔ, yɛkɔ wɔ oputso tɛ ɔvɛ kepi.”

Axwɛwɛwa 8:7

Ganɔ igugu kpɛkpɛ mɛ ɛfufɔɛkpã koeyi nɛ banɔ geleem, klɛ bagɛ bagba nɛ akpatanɛ banya ne beke.

Luka 7:17

Yesu bui bhɛbhɛtɛ nɛ kɛka ganɔ Yuɖea anɛ̀ ɛma nɛ gɛ lɛ kɛkpo nɛ mɛ.

Axwɛwɛwa 28:9

Gɛ kɛ ba kɛlɛ mɛ ana beke nɛɛ, ba nyɛnya gugɔɛ nɛ kesukpa bhlia lɛ nɛa bha petee ba tɔnɔ aba klɛ balɛ banya ne beke.