Mateo 3:7 - ONUGBÙ NYƐNYÃ VUVƆ

⁷ Pɔ gɛ amɔ Farisianɛ anɛ Sarusianɛ gɛ baa ba ɔkɛlɛ gɛ aakpɛ buni, etsre alɛ asɛ, “Wɔnɔ atagblashã yam banɔ! Anee ye tsre nɔ sɛ no si ɔlɔ butɔ nɛ gɛɛ ba?

Mateo 3:7 Referans Kwoze

Mateo 12:34

Wɔnɔ atagblashã tɛzɛzam banɔ, kɛlɛ wɔnɔ banɔ nɛ gɛ ɔtsɔmɔ nɔ bɔ ɖɔ kibui dzyɔgo tii li? Alasɛ kibui nɛ kɛɛ dɛ idzyi klɛ onugbu nɛ ɔɔɖɔaɖɔ.

1 Tɛsolonianɛ 1:10

tɛ no po Yɛeyi nɛ gɛ ede owũsise, gɛ anyɛmɛ edenɔ bekpu mɛ—Yesu, nɛ gɛ ebe bu lɔ edenɔ obulo nɛ gɛ ɔba nɛ mɛ.

Romanɛ 1:18

Be bu Kpaya obulo nɛ akasɛ denɔ owũsise gɛ ɔlɔ kititi nɛ banɔ nɛ gɛ ba ma nɛ kpaya klɛ ba lɛ nɛ kɛtɔkpum gɛganɛ pɛ be tii kɛgba nɛ akpɛesi ganɔ balɛ atɔkpum gɛganɛ nɛm,

Mateo 23:33

“Wɔnɔ beblidzya! Wɔnɔ atagblashã ɛyamɛeyi! Kɛlɛ nɔ bɔ na sii lɔ kifumani manim zɛza kɛpɔ?

Romanɛ 5:9

Ɔtsɔ̃ nɛ gɛ ba tɛ danɛ lɔ shu ganɔ yɛ dzyosu nɛ mɛ, kɛlɛ kɛ zɛ ba za sɛ be tee bulɔ edenɔ Kpaya obulo nɛ mɛ ganɔ yɛa bha!

Mateo 22:23

Nɛ kiwi lɛlɛ nɛ tutuutu Sarusianɛ, gɛ baa ɖɔ sɛ tɛ nyɛnyɛmɛ denɔ butsi mɛ ma, ba ba tɔnɔ Yesu nɛ tɛbibisi.

Mateo 16:6

Yesu etsre balɛ asɛ, “No dii mɔ.” “No lu awɔ̃ nɛ Farisianɛ anɛ Zaɖusianɛ anɛ bunayekedɔ nɛ shu.”

1 Yohanɛsɛ 3:10

Kɛnɛ kɛlɛ kɔ bu ti bagɛ benu Kpaya yɛ yialɛ klɛ ganɛ̀ bagɛ benu ɔfufɔɛkpã yɛ yialɛ. Anɔnyanɔ gɛ adɛ bhɛtɛ kɛ gɛ nu kɛdzyɔgo edɛnu Kpaya yɛ yi, ɔdɔgɔsɛ adɛ dɛmɛnɔ nɛ yɛ adzya, edi nu Kpaya yɛ yi.

Yohanɛsɛ 9:40

Farisianɛ be teli gɛ ba lɛ yɛ ɔbha gɛ be nu sɛ aɖɔ kibui nɛ, klɛ be bisi, “Kide? Bulɔ tsyɛ bu pu awɔ̃hu?”

Hebriuanɛ 11:7

Ganɔ tɛyɛyɛkɛŋa abha Nowa, gɛ betsrɛnɔ denɔ ebui nɛ gɛ ba ka mɔ, nɛ kifu sisi bhubhui mɛ afatɛ kɛniabha opupu sɛ tɛ ebu yɛ bupa. Nɛ yɛ tɛyɛyɛkɛŋa nɛ mɛ ebu kanɔ nɛ mɛ pɔ klɛ ebe dzi balɛ kɛdɔ dzyɔgo nɛ kusi gɛ kɛ ba ganɔ tɛyɛyɛkɛŋa bha.

Axwɛwɛwa 26:5

Be ti tim kukuku kibe dzidze nɛɛ klɛ ba ba na, onu gɛ ba pɛɛ, baɖɔaɖɔ nɛ mɛ shu, sɛ nɛ bulɔ busɔlɛ nɛ kidzogɛganɛ kapɛ mɛ, ɛza ansɛ Farisieyi ana.

Axwɛwɛwa 20:31

Kɛlɛ so nɔ za nɛ awɔ̃! Nɔ baka sɛ agɔ tata naa ɛka zukɔlɔ wɔnɔ mayɛ kanyaka tsre elishi anɛ kemuze anɛ iyuyo.

Axwɛwɛwa 15:5

Ɔkɛlɛ bagɛ bayɛkɛaŋa nɛ teli gɛ be nu Farisianɛ ɔha mɛ elete nɛ vu alɔ klɛ la ɖɔ asɛ, “Alasɛ tɛ be bhui bunyɛnyɛ akɔ bagɛ edi nu Yuɖanɛ tɛ ba bhɛtɛ atrɔ Mose ɛshã nɛa bha.”

Axwɛwɛwa 5:17

Ɔkɛlɛ kpayanɔgbla anɛ yɛ ɔhayɛalɛ, gɛ bakpasɛ Sarusianɛ ɔha nɛm, ne yuku nɛ kawɔ̃kpɛ.

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

Yohanɛsɛ 1:24

Ɔtsyɔnɛ Farisianɛ teli gɛ ba kpɛ

Luka 18:11

Farisi eyi alɔɛ titi klɛ eklukpaya kɔ ishu sɛ, ‘Kpaya! ɛhu wɔ ahwɛ sɛ, etidzi anasɛ banɔ bhlatɔ—bezi, ebuikpãbhɛtɛ, ɔmamɛadɛdɛ—pɛnɔ anasɛ adɔdzyɔ anɛ di.

Luka 16:14

Farisianɛ, gɛ ba dɛmɛ kɔba ebui, benu ebuianɛ petee klɛ bakpɛ onugbuesi kɔ Yesu.

Luka 7:30

Pɔ Farisianɛ anɛ̀ ɛshã lete ba shɛnahwɛ Kpaya tɛtɛtrɔ kɔ balɛ nahwɛ, alasɛ anɛ Yohanɛsɛ yɛ akpɛ buni kɔ alɛ.)

Marko 12:18

Ɔkɛlɛ Sarusianɛ, gɛ baa ɖɔ sɛ tɛlulɔ ma, na ba tɔnɔ yɛ nɛ tɛbibisi.

Marko 12:13

Klɛe de nɛ ba kpɛ Farisianɛ anɛ Heroɖesɛanɛ teli sɛ tɛ be de vu Yesu aganɔ yɛ ebui ɖuɖɔ shu.

Marko 8:15

Yesu etsre alɛ asɛ, “Nɔ dii mɔ.” “No vu awɔ̃hũ nɛ Farisianɛ anɛ Heroɖesɛ bunɛyekedɔ.”

Mateo 22:34

Gɛ Farisianɛ nɛ be nu asɛ Yesu ehu Sarusianɛ nɛesi, be de xogo.

Mateo 22:15

Ɔkɛlɛ Farisianɛ ne koeyi avɛ ada nya nɛ yɛ shu kana gɛ ba ba ga pɛ be be vu yɛ ganɔ yɛnahwɛ ebui ɖuɖɔ mɛ.

Mateo 12:24

Pɔ gɛ Farisianɛ be nu ana, ba ɖɔ asɛ, “Ganɔ ɛfufɔɛkpã ekusieyi nɛa bha anɔa nɛ aakɛka ɛfufɔɛkpã nɛ ebu.”

Mateo 5:20

Alasɛ itsre wɔnɔ sɛ odi nu sɛ wɔnɔ tɛzɛzadzyɔgo nɛ pɛ̃ dɛ Farisianɛ anɛ ɛshãdɔkasɛ nɛɛ, kɛlɛ lɛm sɛ nɔ tɛ bo tsoku owũsise bukusiɔŋakɔ nɛm.

Hebriuanɛ 6:18

Kpaya abhɛtɛ kibui nɛ asɛ tɛ, ganɔ ebui tabha gɛ eti be tsyina mɛ gɛ kɛ tɛ ba za sɛ Kpaya ana otro hu, tɛ bulɔa gɛ tɛ fla da nyɛna kidzoenudidi nɛ mɛ gɛ ba kɔ lɔ nɛ vunɔ bu mɔ kemi gbɛgbla.

Mateo 15:12

Ɔkɛlɛ yɛ badɔkpasɛ nɛ aba yɛ ɔbha klɛ be bisi asɛ, “No nyi sɛ gɛ Farisianɛ nɛ enu kibui nɛ kɛ lɔɛ titi nɛ balɛ shu xãa?”

Mateo 16:1

Farisianɛ anɛ Sarusianɛ na tɔnɔ Yesu aba klɛ le be feke yɛ edi ganɔ tibibisim sɛ abhɛtɛ kɛdɔmumɔ tili gɛ kide owũsise tɛ be di.