Mateo 28:6 - ONUGBÙ NYƐNYÃ VUVƆ

⁶ Avama ɔkɛ, atɛ lɔ, ansɛ gɛ aɖɔ aba fla nɔ. Nɔ ba tɛ no bo di ɔkɛlɛ gɛ awũsɔ.

Mateo 28:6 Referans Kwoze

Marko 16:6

Anyɛnuvɔɛ nɛ asɛ, “Nɔ tɛ ganɛ awɔ̃,” “Nɔɔ pɛɛ Yesu Nazarɛtɛ eyi, gɛ ba kplasɔ. Atɛ lɔ ekoeyi! Ava ma ɔkɛ̃. No di ɔkɛlɛ gɛ be lu yɛ.

Mateo 12:40

Alasɛ kana gɛ Yona aza kɛkpãgbla nɛ ɛya mɛ ewi tata nɛ itumu tɛta, kana Anɔdzyrame Yeyi nɛ tsyɛ aba za tisim ewi tata nɛ itumu tɛta.

Mateo 16:21

Denɔ kibe lɛ nɛ mɛ Yesu etenɔ ebuie si bu kɔ yɛ badɔkpasɛ nɛ asɛ alasɛ tɛ avɛ Yerusalɛm tɛ ada tɔ nɛ ebui gelee mɛ nɛ beshishe nɛ ahwɛ mɛ, kpayaɔzakɔanɔ anɛ ɛshãdɔkasɛ, klɛ kɛ ba za sɛ tɛ be yi yɛ klɛ nɛ kiwi tramɛ ebe tsodzi anyɛmɛ aba ɛkpãm.

Luka 24:23

pɔ ba dɛ mɔ anɔ tsitsi. Ba ba klɛ be tsre lɔ asɛ ba damɔ kibuiyinɔanɔ baxwɛdɛ gɛ ba ɖɔ se alɛ nɛ kpɛ̃.

Luka 24:44

Etsre alɛ sɛ, “Kibui nɛ mɛ tsre nɔ kɛlɛbe nɛ gɛ ɛza wunɔ bha: Kɛkanyaka gɛ ba ŋlɔmɛ elu denɔ mɛ shu alasɛtɛ kɛbɛlɛmɛ nɛ Mose Ɛshã, Batɔnu anɛ Ɛdzɛeplukpa.”

Mateo 27:63

Klɛ bede tsre yɛ asɛ, “Aka, ” “bu baka sɛ kibe lɛ nɛ gɛ aka lɛ nɛ ɛkpã etronia lɛlɛ na aɖɔ asɛ, ‘Nɛ ewi tata ede ɛba tsodzi lɔ.’

Yohanɛsɛ 2:19

Yesu ebuilɛnu akɔ alɛ sɛ, “Nɔ yɛ kpayavu, klɛ ɛba tsodzi feke lɛ dzu kititi nɛ ewui tata mɛ.”

Marko 8:31

Ɔkɛlɛ akpa kɛdɔ kasɛ balɛ asɛ, Anɔdzyrame yɛ Eyi alasɛ tɛ atɔ nɛ ebui gelee mɛ klɛ beshishe na tɛ ba yɛkɛ yɛ, kpayaɔzakɔanɔ anɛ ɛshãdɔkasɛ, klɛ kɛba za sɛ tɛ be yi yɛ klɛ nɛ ewi tataede ebe tsodzi alɔ.

Yohanɛsɛ 10:17

Kibui nɔ nɛ so gɛ ma Aka adɛmɛ mɛ bui kɛlɛ nu sɛ ɛshɛnahwɛ mɛ kpã shu—tɛ ɛtsodzi ɛlɛ ayɛkɔ ko.

Luka 24:12

Pɔ, Petro, aba lɔ klɛ akpa nɛ kisi avɛ odzre nɛ ɔbha. Gɛ akpãwɔ̃di ɔlɛ mɛ, amɔ apɔtɛ tsyutsyuɛ̃ gɛ le li ɔkɛlɛ nɛ alɛ shuahwɛ klɛ ashɛ̃, ede bisi shu asɛ kide kɛlɛ ba.

Mateo 20:19

klɛ ba ba yɛkɔ yɛ akpɛ bagɛ be di nu Yuɖanɛ nahwɛ gɛ la ba kpɛ butsɔ klɛ be be tu yɛ klɛ la ba kplayɛasɔ butsiosi shu. Nɛ kiwi tramɛ nɛa bha be be tsodzini yɛ anyɛmɛ amɛna ɛkpã mɛ!”

Mateo 17:23

Be be yi yɛ, klɛ nɛ kiwi tramɛ nɛa bha ebe tsodzi alɔ aba ɛkpãm.” Klɛ badɔkpasɛ nɛ be yuku nɛ same mamɔmamɔ.

Mateo 17:9

Gɛ be zhi butu nɛ aaba, Yesu akpɛ alɛ ɔshã sɛ, “Nɔ tɛ ɖɔ tɛ anɔnyanɔ enu kɛdɔnɔ gɛ nɔ dɔ mɔ, ɔdɔ nanɔ kibe lɛ gɛ be feke Anɔdzyrame yɛ Eyi nɛ edenɔ bekpum.”

Axwɛwɛwa 2:24

Pɔ Kpaya anyɛmɛ yɛ edenɔ butsi mɛ, klɛ ebule yɛ edenɔ butsi butɔ ahwɛmɛ, alasɛ kɛdɛ bhɛtɛ sɛ tɛ butsi nyɛna yɛ kpɛ bulɛ ahwɛmɛ.