Mateo 28:19 - ONUGBÙ NYƐNYÃ VUVƆ

¹⁹ Kɛlɛ so, nɔ vɛ tɛ nɔ dɔ bhɛtɛ amadi nɛ petee tɛ le dzi badɔkpasɛ, tɛ nɔ kpɛ buni kɔ banɔ nɛ Aka anɛ Eyi nɛ nyi mɛ anɛ Ɔfufɔɛ dzyɔgo,

Mateo 28:19 Referans Kwoze

Axwɛwɛwa 1:8

Pɔ nɔ bɔ yɛkɛ kemi onu gɛ Ɔfufɔɛ Dzyɔgo nɛ ɔɔba wɔnɔa bha, klɛ no bo dzi mɛ bebuimɔɖɔ nɛ Yerusalɛm, klɛ nɛ Yuɖia petee anɛ Samaria, ɔyɛkɔ ɔdɔnanɔ kesukpa nɛ ibekekɔ.”

Galatianɛ 3:27

alasɛ wɔnɔ petee gɛ ba kpɛ buni kɔ nɛ Kristo mɛ wɔnɔ nahwɛ nɔ nyumu Kristo.

Romanɛ 10:18

Pɔ ibisi sɛ: Be di nu kibui? Kɛgba be nui lɛ asɛ: “Balɛ oli nɛm oti yi ɔvɛ kesukpa nɛa bha petee, balɛ ebuiɖuɖɔ la vɛ kanɔ nɛ ibekekɔ.”

Efesoanɛ 2:18

Alasɛ ganɛ yɛabha bulɔ edi tabha bumɔ kidzo vɛ Aka nɔ kɔ nɛ̀ Ɔfufɔɛ torikpo.

Axwɛwɛwa 28:28

“Kɛlɛ shu so nɛɛ ɛpɛ sɛ tɛ no ti sɛ Kpaya anɔbubu nɛ atɛ vɛ kɔ bagɛ be di nu Yuɖanɛ, klɛ balɛ ba ba ta atɔ!”

Axwɛwɛwa 2:41

Banɔ nɛ gɛ ba yɛkɛ kibui ba kpɛ buni akɔa lɛ, klɛ banɔ ansɛ akpãtata balɛ la za yɛkɔ ata tɛkpikpe nɛm kiwi lɛlɛ.

1 Petro 3:21

klɛ buni nɛ bu ba dzi bunikpɛkpɛ gɛ ɔtsɔnɛ bubhui nɔ tsyɛ ɔyɛkɛ—ganɛ kibo bubu nɛ ishuidzya shu pɔ tɛtɛtrɔ ɛkpã dzyɔgo zɛza kɔ Kpaya. Kɛ yɛkɛ kɔ nɔ ganɔ Yesu Kristo yɛ tɛnyɛnyɛmɛ denɔ bekpuimɛ,

1 Kɔrintioanɛ 15:29

Ɔtsɔnɛ onugɛ tɛnyɛnyɛmɛ denɔ bekpuimɛ ma, kide ba lɛlɛ nɛ ba babhɛtɛ be tsitsi gɛ bakpɛ buni kɔ? Onugɛ ba dɛ nyɛmɛ be tsitsi nɛ kura, kideso gɛ ba kpɛ buni kɔ alɛ?

Axwɛwɛwa 14:21

Baɖɔ kibui dzyɔgo nɛ ɔmagbla lɛ nɛm klɛ badɔkpasɛ nɛ tɛkpikpem gelee. Ɔkɛlɛ be tsodzi avɛ Listra, Ikonio nɛ Antiɔkɛ,

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

2 Kɔrintioanɛ 13:14

Kɔ Apalete Yesu Kristo ɛyamyuyɔ, anɛ Kpaya tɛdɛdɛmɛnɔ, anɛ Ɔfufɔɛ Dzyɔgo ɔhakpɛkpɛ lɔ za plɛnɔ wɔnɔ petee.

Axwɛwɛwa 9:18

Ɔkɛlɛ nɛ ko, kɛdɔ tili kpa ansɛ aklɔ awɔlɛ nɛ Saolo awɔ̃hũ nɛa bha, klɛ aza kpa mɔ. Evua lɔ klɛ ba kpɛ buni akɔɛ,

Mateo 13:52

Aɖɔ etsre alɛ asɛ, “Kɛlɛ so ɔshãdɔkasɛ kanyaka gɛ ba kasɛ dɔ edenɔ owũsise bukusiɔŋakɔ nɛ shu asɔnɔ ansɛ apalete gɛ ebu yɛ kɛkesrɔdɔ vuvɔ nɛ kɛkuku nɛ edenɔ yɛ kɛdɔ ɔbalakɔ.”

1 Yohanɛsɛ 5:7

Alasɛ kɛdɔ tɛta kɛlɛ ɖɔaɖɔ,

Mateo 25:32

Amadi nɛ petee le be xogo nɛ yɛ amɛ, klɛ aba tsya banɔ nɛ mɛ ansɛ gɛ ibhoshi agbɛgbanɔ aba tsya ibhoshi ebu nɛ bepidzya nɛɛ shi.

Axwɛwɛwa 1:2

ɔkɔ dɔ nanɔ kiwi lɛ nɛ gɛ ba yɛkɔ yɛ avɛnɔ owũsise, nɛ kibe lɛ nɛ gɛ aɖɔ kɛxwɛ nɛ gɛ ba baa wa nɛ ganɔ Ɔfufɔɛ Dzyɔgo nɛa bha nɛ etsre yɛ banɔkpɛkpɛ gɛ eklu.