Mateo 27:54 - ONUGBÙ NYƐNYÃ VUVƆ

⁵⁴ Gɛ keyutugbani anɛ bepupo nɛ Yesu odzre nɛ shu ba mɔ kesukpahuhwa anɛ ebui nɛ petee gɛ aba kɛlɛ mɛ, kifu kua lɛ tsutsɔmɔ tsɔmɔ, klɛ be bu aɖɔ asɛ, “Kɛgbɛagba Kpaya yɛ Eyi edzi!”

Mateo 27:54 Referans Kwoze

Marko 15:39

Klɛ gɛ keyutugbani Ovuloaka, gɛ aza kititi nɛ Yesu otugba, nɛ enu yɛ ogugu klɛ amɔ kana gɛ etsi nɛɛ, aɖɔ asɛ, “Kɛlɛlɛm sɛ anyɛa nɛɛ enu Kpaya yɛ Eyi!”

Mateo 27:36

Klɛ bezhiedzi ɔkɛlɛ klɛ bee po yɛ.

Mateo 27:43

Ayɛkɛ Kpaya kabha ŋa. Kɔ Kpaya nɛ ebe bu yɛe onu gɛ apɛɛ yɛ, alasɛ aɖɔ asɛ, ‘Mɛ nu Kpaya yɛ Eyi.’ ”

Axwɛwɛwa 27:43

Pɔ balɛ akagbla nɛ apɛa sɛ tɛ ebu Paolo ɛkpã so nɛɛ adɛ dɛmɛ atrɔ tɛtutrɔɛ lɛ niabha kɔa lɛ. Akɔ sɛ tɛ balɛ aga ba na de nɛ betsoku keni nɛm eputɔnɔ tɛ be de ku obgigbe nɛa bha.

Axwɛwɛwa 27:1

Kibe lɛ gɛ ba trɔa sɛ bɔba za kenia bha vɛ Italia, Paolo nɛ bevuza nɛ teli ba yɛkɔa lɛ akpɛ ahwɛ kɔ behudugbani aka teli gɛ be klua sɛ Yuliusɛ, gɛ edi behudugbani nɛ gɛ epo Romanɛ Ekusigbla nɛ ɔmayɛ teli.

Axwɛwɛwa 23:23

Klɛ Apalete nɛ ebu yɛ banɔ shishe nɛ tɛabha, klɛ etsrea lɛ asɛ, “Nɔ bala kɔ behudugbani kɛfɔɛfɔ afɛtabha, sɔelete afɛtegene nɛ akpɛelete kɛfɔɛfɔ afɛtabha kɔ Sizeria tɛvɛvɛ elishia nɛ ɛɖɔ tizhitam.

Axwɛwɛwa 21:32

Nɛ kɛlɔ tili mɛ agbanɔ yɛ baxwɛwa anɛ behudugbani nɛ teli klɛ bakpa nɛ kisi avɛ ada tɔnɔ banɔɛza. Kibe lɛ gɛ banɔɛza na mɔ behudugbani aka anɛ yɛ banɔ nɛ ko klɛ bayɛlɔ Paolo tu.

Mateo 8:5

Kibe lɛ gɛ Yesu etsoku Kapenaum nɛɛ, keyutugbani teli atɔnɛ yɛ aba ebe bisi tɛpɛplɛnɔ.

Mateo 4:3

Ɔfufɔɛkpã nɛ ɔba yɛ ɔbha klɛ lɔ ɖɔ sɛ, “Onu gɛ onu Kpaya Yeyi, klɛ tɛ otsre aklãgbua nɛ tɛ le tsyina dzi kɛŋɛŋa.”

Tɛbubukasɛ 11:13

Nɛ ɔɖɔ lɛlɛ nɛ mɛ ɖɛɛ kesukpa gɛganɛ tieli ka ba hwa klɛ ɔmagbla nɛ kapɛ tierikpo nɛ bupɛ lɔfɔm na tsra. Banɔ akpã tegene balɛ etsi nɛ kesukpa huhwa nɛ mɛ, klɛ bagɛ ba gɔ nɛ si kifu zizi klɛ ba kɔ Kpaya nɛ owũsise nɛ kabhakpɛkpɛ.

Romanɛ 1:4

klɛ yɛ ganɔ ishubhubhui Ɔfufɔɛ mɛ be bu yɛ akasɛ nɛ kemi sɛ ebe dzi Kpaya Yɛeyi ganɔ yɛ tɛnyɛnyɛmɛ denɔ bekpum: Yɛ enu bulɔ Apalete Yesu Kristo.

Axwɛwɛwa 23:17

Ɛklɛ Paolo eklu behudugbani aka nɛ teli klɛ etsrea sɛ, “Gbanɔ anyɛnuvɔɛa nɛ ɔvɛnɔ wɔnɔ Apalete; evunɔ kibui tili asɛ etsre yɛ.”

Axwɛwɛwa 10:1

Nɛ Sizeria nɛɛ anyɛ teli aza gɛ be klua sɛ Kɔnelusɛ, gɛ edzi keyutugbani kɛfɔɛfɔ aka nɛ Italia keyu ovulo toli nu.

Axwɛwɛwa 2:37

Gɛ banɔ nɛ nu kibui nɛɛ, kibhui balɛ kite mɛ ohui klɛ baa ɖɔ tsre Petro anɛ Banɔkpɛkpɛ gɔgɔɛ nɛ asɛ, “Badzya mɔ, kide lɔ ba bhɛtɛ?”

Yohanɛsɛ 19:7

Yuɖanɛ baza ɖɔ sɛ, “Ɔshã lɛ bulɔ ahwɛ, klɛ nɛ ɔshã nɛ nu alasɛ tɛ etsi, alasɛ aɖɔ sɛ enu Kpaya yɛ Yi.”

Luka 22:70

Balɛ petee be bisi asɛ, “Kpaya ye Yi wɔ nu?” Ebuilɛnu asɛ, “Kɛgbɛagba nɔ ɖɔ sɛ Mɛ nu yɛ.”

Mateo 27:40

“Wɔ nɛ gɛ ɔsɛ ɔbɔ yɛ busɔlɛvu, klɛ obo tsodzini bulɛ ɔbhɔ nɛ ewi tata mɛ, bu wɔshue! Zhi ɔba nɛ butsiosi nɛ shue, onu gɛ onu Kpaya yɛ Eyi!”

Mateo 26:63

Pɔ Yesu adɛ fɔɛ nɛ alɛ. Kpayaɔzakɔanɔ nɛ etsre yɛ asɛ, “Ɛka atabu nɛ ɛkpã Kpaya nɛ nyi mɛ kɔ wɔ sɛ, Tsre lɔ onu gɛ wo nu Kristo, Kpaya yɛ Eyi.”

Mateo 27:51

Nɛ kibe lɛ nɛ mɛ, busɔlɛvu mɛ kɛpɔtɛ nɛ tsywɛ denɔ kabha ɔbɔ na nɔ kesi. Kesukpa nɛ ka hwa, klɛ aklãgbu gbɛgbla ayɛɛ.