50 Klɛ gɛ Yesu aza kpɛ ogugu nɛɛ, klɛ ebhui ɔfufɔɛ.
Gɛ ayɛkɛ bulu, Yesu aɖɔ sɛ, “Kɛ beke.” Ɔkɛlɛ abubɔɛ tɔkpu klɛ ayɛkɔ yɛ ɔfufɔɛ nɛ akɔ.
Yesu akpɛ ogugu nɛ olimɛ gɛganɛ sɛ, “Aka, wɔ ahwɛmɛ Ɛyɛkɔ mɛ ɔfufɔɛ nɛ kpɛ.” Gɛ aɖɔ kibuinɛ beke afɔɛ yɛ ɔfufɔɛ gugɔɛ.
Kɛlɛ kɛ zɛ ba za dɛana sɛ, Kristo dzyosu gɛ ganɔ Ɔfufɔɛ gɛ oti beke nɛa bha ayɛkɔ yɛnahwɛ shu gɛ kɛpɔ ma kɛlɛ shu kɔ Kpaya, pɛ kɛ plu bulɔ atɔkpu nɛ mɛ anɛ ebui nɛ gɛ akpɛ anɔ nɛ butsi mɛ, sɛ tɛ bu dɛ kɛxwɛ kɔ ɛkpã Kpaya!
Nɛ ogugu gɛganɛɛ, Yesu afɔɛ yɛ ɔfufɔɛ gɔgɔɛ.
anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”
anasɛ gɛ Aka nɛ nyi mɛ klɛ inyi Aka—klɛ ɛyɛkɔ mɛ kpã kɔ ibhoshi.
Mɛ nu ibhoshi agbɛgbanɔ dzyɔgo. Agbɛgbanɔ dzyɔgo ayɛkɔ yɛ kpã akɔ ibhoshi.
Gɛ ishuidzya anɛ dzyosu alɛ bunuvɔɛ nahwɛ, yɛtsyɛ ayɛkɔ tili nɛ balɛ anɔdzyrame tɛdzidzi mɛ sɛ ganɔ yɛ butsi mɛ tɛ ezi agɛ yɛ vunɔ butsi kemi—gɛ enu Abɔnsam—
Banɔ gɔgɔɛ na sɛ, “Nɔ shɛnahwɛ yɛ shu. Kɔlɔ di sɛ Eliya nɛ aba ba ebe bui yɛ dza.”
Kɛkplui nɛ bulu nyɛnyɛnya tuli za ɔkɛlɛ, so ba yɛkɔ ɔkɔɛsa akpɛ bu lɛ mɛ, ba yɛkɔ ɔkɔɛsa nɛ atrɔ hisopu osi ɔtɛtrɛ klɛ be feke atɔ Yesu onugbu.
Nɛ Yesu ɛkpã zɛza nɛ kesukpa nɛabha be, ayɛkɔ kpayakuklu anɛ tɛbibisi anɛ ogugu gɛganɛ anɛ ɛwɔ̃mɛ kɔ anɔ nɛ gɛ ebe bu yɛ denɔ butsi mɛ, klɛ be nu lɛ akɔ yɛ alasɛ nɛ́ yɛ́ ishu zhizhinɔ kɛtɔkpuesi kpɛkpɛ so.
