Mateo 27:4 - ONUGBÙ NYƐNYÃ VUVƆ

⁴ Klɛ aɖɔ asɛ, “Ɛbhɛtɛ buzizi, ” “alasɛ ɛga dzyosu gɛ adɛ bhɛtɛ buzizi kanyaka nɛe si.” Banɔ nɛ be bisi Yuɖasɛ asɛ, “Bulɔ pɔ, kide kibui lɛ nɛ nu kɔlɔ?” “Wɔ nahwɛ kibui nɛɛ lɛlɛ.”

Mateo 27:4 Referans Kwoze

1 Yohanɛsɛ 3:12

Nɔ tɛ za anasɛ Kain, gɛ edzi ɔfufɔɛkpã ayɛ klɛ eyi yɛ adzya. Klɛ kideso gɛ eyi yɛ? Alasɛ yɛnahwɛ ebui bhɛbhɛtɛ nɛ dzi kizizi klɛ yɛ adzya yɛ edzi kɛdzyɔgo.

1 Petro 1:19

Pɔ nɛ Kristo dzyosu ŋɛŋaɛdzi, obhoshieyi gɛ kɛpɔ ɔdɔgɔsɛ ozizikɔ ma ɔlɛ shu.

Hebriuanɛ 7:26

Kpayazakɔanɔ ɖɛɖama nɛdi atsyanɔ bulɔ kɛdɔ pɛpɛɛ—agɛ yɛ shu bhui, kɛpɔ ma yɛ shu, ana, alɛ ɔtɔ nɛ banɔ zizi shi, klɛ bakpɛ yɛ nɛabha adɔ flanɔ owũsise.

Titusɛ 1:16

Bee bu aɖɔa sɛ be nyi Kpaya, pɔ ganɔ balɛ ebui bhɛbhɛtɛ nɛ mɛ ba dɛ yɛkɛ yɛ. Be nu banɔ gɛ ba kpalɛɔha, ba ta taa tɔ klɛ ba dɛ na kɔ kibui dzyɔgo kanyaka tɛbhɛbhɛtɛ.

1 Timotio 4:2

Kɛdɔkɛkasɛ nɛɛ di nɛ de anɛkɛtabha betroni nɛ ɔkɔ, gɛ balɛ idzyi nɛ mɛ edzi ansɛ ba pɔɛ yɛ nɛ ɔɖakpɛkpɛ.

Romanɛ 3:19

Ɔtsɔ̃ bu nyi sɛ kibuinyɛbui gɛ ɔshã nɛ ɔɔɖɔ, lɔɔ ɖɔ tsre bagɛ ba kpasɛ ɔlɛesi, sɛ tɛ onugbu kanyaka ba da ɔlɛ klɛ kanɔ nɛ petee ke be bu ishunu nɛ Kpaya amɛ.

Axwɛwɛwa 13:28

Kɛza na sɛ ba dɛ mɔ ɔtsre odzukɔ kanyaka kɔ butsipɔ bubu yɛ, pɔ be bisi edenɔ Pilato ahwɛ sɛ akɔ le yi yɛ.

Yohanɛsɛ 19:7

Yuɖanɛ baza ɖɔ sɛ, “Ɔshã lɛ bulɔ ahwɛ, klɛ nɛ ɔshã nɛ nu alasɛ tɛ etsi, alasɛ aɖɔ sɛ enu Kpaya yɛ Yi.”

Luka 23:47

Keyutugbani anɔ gbɛgbla, gɛ amɔ ebui gɛ la ba ba, akpɛ Kpaya kɛtɔkpu nɛabha klɛ aɖɔ sɛ, “Kɛgbɛagba anɔ dzyɔgo yɛ edzi.”

Luka 23:41

Ba tɛta lɔ batɔ nɛ kidzo dzyɔgo abha, alasɛ bu yɛkɛ kɛgɛ bulɔ ebui bhɛbhɛtɛ nɛ ebisi. Pɔ anyɛa nɛ adɛ bhɛtɛ kibui zizi.”

Luka 23:22

Bu tramɛ aɖɔaɖɔ etsre alɛ: “Kideso? Kibuikpã ɖuweɖu anɔa nɛ abhɛtɛ? Ɛdɛ mɔ kɛ gɛ kɛlɛ shu le be bu yɛ butsi pɔ. Kɛlɛso ɛba kɔ la tɛta yɛa tɔ klɛ ɛba shɛnahwɛ yɛ shu.”

Mateo 27:54

Gɛ keyutugbani anɛ bepupo nɛ Yesu odzre nɛ shu ba mɔ kesukpahuhwa anɛ ebui nɛ petee gɛ aba kɛlɛ mɛ, kifu kua lɛ tsutsɔmɔ tsɔmɔ, klɛ be bu aɖɔ asɛ, “Kɛgbɛagba Kpaya yɛ Eyi edzi!”

Mateo 27:19

Nɛ kibe lɛ mɛ gɛ Pilatio ezhiedzi yɛ kebhuiegbu nɛa bha, yedzini nɛ asɛsɛ yɛ ɔklasɔ toli asɛ, “Kibuinyɛbui kɛ tɛ za wɔ ahwɛ kɔ anyaa nɛ gɛ buzizi kanyaka ma yɛ shu, alasɛ ɛmɔ butɔ tsutsɔmɔ nɛ yɛ shu nɛ bulɛla mɛ obo.”

Tɛbubukasɛ 11:10

Bagɛ balɛ kesukpa nɛabha na ba dɔa lɛ afla klɛ la ba ŋa kiwi ganɔ kɛdɔ kukɔ ɔhayɛ, alasɛ batɔnu tɛabha na tɛ nyagbã nɛ bagɛ balɛ kesukpa nɛabha.