Mateo 26:64 - ONUGBÙ NYƐNYÃ VUVƆ

⁶⁴ Yesu ebu aɖɔ asɛ, “Ee, kɛlɛ ansɛ gɛ ɔɖɔ, pɔ itsre nɔ petee sɛ: Nɛ otugba mɛ nɔ bɔ mɔ Anɔdzyrame yɛ Eyi nɛ gɛ ezhidzi Agbɛgbladɛ nɛ kɛŋa mɛ gɛ aga ɔmunɔm aaba denɔ owũsise.”

Mateo 26:64 Referans Kwoze

Marko 14:62

Yesu ebui lɛ bunu asɛ, “Mɛnu Kristo.” “Klɛ nɔ bɔ mɔ Anɔdzyrame yɛ Eyi nɛ gɛ ezhiedzi Agbɛgbladɛ nɛ kɛŋam gɛ aaba denɔ ɔmunɔ nɛ mɛ nɛ owũsise.”

Hebriuanɛ 1:3

Eyi yɛ nu kɛfutɛtã kɔ Kpaya otugbavɛvɛ klɛ ayɛkɔ Kpaya tɛzɛzɛmɛ, abhɛtɛ kɛdɔnyɛdɔ nɛ yɛ bupu kibui ɖuɖɔɛ mɛ. Gɛ akɔ ebuizizi tipuplu beke, ada za Ɔgbɛgblakɔ kɛŋamɛ nɛ owũsise.

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

Luka 21:27

Nɛ kibelɛlɛ nɛ mɛ ba ba mɔ Anɔdzyrame Yi gɛ àba nɛ ɔmunɔ nɛ mɛ, nɛ́ kemi nɛ̀ ishudɛdanɛ gbɛgbla mɛ.

Mateo 24:30

“Nɛ kibe lɛ nɛ mɛ Anɔdzyrame yɛ Eyi nɛ kɛdɔmumɔ nɛ ba wɛ̃ nɛ owũsise, klɛ amadi petee nɛ kesukpa nɛa bha na be tsishu. Ba ba mɔ Anɔdzyrame yɛ Eyi nɛ ɔmunɔ nɛ mɛ gɛ ede owũsise nɛ aaba, nɛ kemi anɛ ishubhubhui gbɛgbla mɛ.

Mateo 26:25

Ɔkɛlɛ Yuɖasɛ nɛ gɛ abaa ga yɛesi na ɖɔ asɛ, “Kɛlɛ ganɛ mɛ, Adɔkasɛ?” Yesu ebu lɛ nu asɛ, “Ee, wɔ bɔ ga mɛesi.”

Mateo 25:31

“Onu gɛ Anɔdzyrame yɛ Eyi nɛ aaba nɛ yɛ ishu bhuibhui mɛ, pɛ yɛ baxwɛdɛ nɛ peteea lɛ aplɛnɔ yɛ, ebe zhiza yɛ bukusiegbu nɛa bha nɛ owũsise nɛ ishu bhuibhui mɛ.

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Tɛbubukasɛ 20:11

Ɔkɛlɛ mɛ mɔ kekeusigbu gbɛgbla fufu tieli anɛ anɔ nɛ gɛ edzia lɛa bha. Kesukpa anɛ owũsise ɔshɛ nɛ yɛ amɛ, klɛ ɔkɔnyɔkɔ ɔdɔɔ za kɔa lɛ.

1 Tɛsolonianɛ 4:16

Alasɛ Apalete nɛ nahwɛ ebe zhi ede owũsise aba, nɛ tɛxũxlɔ̃nɔ gɛganɛ, nɛ axwɛdɛgbla ogugu anɛ Kpaya kɛdɔkuklua xũlɛ̃, klɛ bagɛ be tsi nɛ Kristo mɛ be be bhuso lɔ.

Axwɛwɛwa 1:11

Banɔ nɛ asɛ, “Galelianɛ mɔ, kide no li kititi nɛ ɔkɛŋ pɛ no zoo di kɛlɛm ana? Yesua nɛ gɛ ba yɛkɔ ashɛ̃nɔ avɛnɔ owũsise nɛ wɔnɔ ɔbha, ebe tsodzi aba ansɛ kana gɛ nɔ mɔ yɛ gɛ ashɛ̃ avɛ owũsise.”

Yohanɛsɛ 18:37

Pilato ebisi asɛ, “Kɛlɛso ekusi wɔ nu?” Yesu ebushunu asɛ, “Kibui gbɛagba wɔɖɔ Ɛnu ekusi. Kɛgbɛagba kɛlɛso gɛ bamɔ mɛ, nɛ kɛlɛso gɛ ɛba kanɔ nɛ mɛ, sɛ tɛ ibu kɛgbɛagba nɛ kasɛ. Anɔnyanɔ gɛ alɛ kibui gbɛagba nɛede ata mɛatɔ.”

Luka 22:70

Balɛ petee be bisi asɛ, “Kpaya ye Yi wɔ nu?” Ebuilɛnu asɛ, “Kɛgbɛagba nɔ ɖɔ sɛ Mɛ nu yɛ.”

Mateo 27:11

Nɛ kɛlɛ mɛ Yesu eli kititi nɛ ɔma ekusigbla nɛ amɛ, klɛ ebisi yɛ asɛ, “Wo nu Yuɖanɛ ekusi?” Yesu ebui lɛ nu asɛ, “Ee, kɛlɛ ansɛ gɛ ɔɖɔɛ lɛ.”

Romanɛ 14:10

Kɛlɛ, wɔ, kide so pɛ okulu kebhui nɛ wadzya? Ɔdɔgɔsɛ obu wadzya bha ɔgɔ? Alasɛ bulɔ petee ba lɔ Kpaya kebhuiegbu nɛ amɛ.

Mateo 8:20

Yesu ebu lɛ nu sɛ, “Ayakpamkudzɔgɛ nɛ mɔ ɛlɛ okukɔ klɛ kɛlɛɛm buzhuɔɛ nɛ tsyɛ mɔ bulɛ evu, pɔ Anɔdzyrame yɛ Eyi nɛ aka mɔ ɔkɛlɛ gɛ ebe lu yɛ tɔkpu.”

Mateo 16:28

Itsre nɔ kɛgba, banɔ teli gɛ be lii titi nɛ ɔkɛ̃ be ti be mini butsi flogo pɛ ba ba mɔ Anɔdzyrame yɛ Eyi nɛ aaba nɛ yɛ bukusi mɛ.”

Mateo 22:44

“ ‘Apalete nɛ tsre mɛ Apalete nɛ asɛ: “Za mɛ kɛŋam ɔdɔnanɔ kibe lɛ gɛ ɛyɛkɔ wɔ bagɛ ba dɛ pɛɛ wɔ nɛ ɛkpɛ wɔ butrukpɔe si.” ’

Mateo 28:18

Ɔkɛlɛ Yesu aba balɛ ɔbha klɛ asɛ, “Kabhaŋɛŋa petee anɛ owũsise anɛ kesukpa, ba tɛ yɛkɔ akpɛ mɛ ahwɛ.

Luka 22:69

Pɔ denɔ ɔtsɔ ɔvɛnɔ, Anɔdzyrame Yi aba za Kpaya gbɛgbla nɛ kɛŋa nɛ mɛ.”