Mateo 26:58 - ONUGBÙ NYƐNYÃ VUVƆ

⁵⁸ Pɔ Petro yɛa za yɛe de nɛ tɛdzidze tilim, ede ku bubhui oklukɔ. Etsoku klɛ ezhiaza kesi nɛ bepupo nɛ ɔbha sɛ tɛ amɔ kɛdɔnɔ nɛ gɛ ba de koeyi nɛ kɛlɛ mɛ.

Mateo 26:58 Referans Kwoze

Yohanɛsɛ 7:32

Farisianɛ benu ebui nɛ di gɛ banɔ nɛ aɖɔ hunihuni denɔ yɛ shu. Ɔkɛlɛ kpayazakɔanɔ gbla anɛ Farisianɛ na kpɛ kpayavu bepupo sɛ tɛ bede vu yɛ.

Yohanɛsɛ 18:25

Simɔn Petro eli ɔkɛlɛ aŋanɛ fu, klɛ bebisi yɛ asɛ, “Wɔ anɛ Yesu badɔkpasɛ teli wɔ nu?” Adɛɛada, aɖɔ sɛ, “Ganɛ mɛ.”

Yohanɛsɛ 7:45

Gugɔɛ kpayavu bepupo be tsodzi avɛ kpayaɔzakɔanɔ gbla anɛ Farisianɛ nɔ kɔ, gɛ bebisi bepupo nɛ asɛ, “Kideso gɛ nɔ dɛ gbanɛ yɛ ɔmɛna?”

Mateo 5:25

“Wũse wɔnɔ nɛ bagɛ ba yɛkɔɛ bui nɛ wɔ nɛe bhui nɛ shi zia. Bhɛtɛ kishi wũwũse nɛ kibe lɛ gɛ wɔnɔ nɛ yɛ oko tsri dzoa bha, flogo tɛ aba yɛkɔ wɔa kɔ ebhuiklu, tɛ ebhuiklu nɛ aba yɛkɔ wɔa kpɛ ahwɛ kɔ ɔshãelete, klɛ aba yɛkɔ wɔ ada tɛ̃a kpɛ vu.

Mateo 26:3

Klɛ kpayaɔzakɔanɔ gbla anɛ balɛ banɔ shishe nɛ exogo nɛ Kayafasɛ gɛ enu kpayanɔgbla nɛ teli bupa mɛ,

Luka 22:54

Be vu Yesu, ba gbanɛ yɛ ashɛ̃nɔ klɛ bayɛkɔ yɛ avɛnɔ kpayaɔzakɔanɔ ɖɛɖama nɛ bupa mɛ. Petro atɔnɔ alɛ nɛ odzroɖokɔ.

Yohanɛsɛ 19:6

Gɛ kpayaɔzakɔanɔ ekusi nɛ̀ baxwɛwa nɛ amɔ yɛ ba kpɛ ogugu sɛ, “Kplayɛɔsɔ! Kplayɛɔsɔ!” Pɔ Pilato ebushunu asɛ, “Wunɔ nɔ yɛkɔ yɛ klɛ tɛ nɔ kplayɛ. Mɛ xũ nɛ, ɛdɛmɔ ɔzakɔ kɔ kibui nɛ gɛ nɔ yɛkɔ nɛ yɛ shu.”

Axwɛwɛwa 5:22

Pɔ gɛ bede ku buvuɔkpɛkɔ nɛɛ, bagɛ balɛ nu bebhuiklu na dɛ mɔa lɛ nɛ ɔkɛlɛ. So be tsodzi avɛ ede tsre baga kpa lɛ,

Axwɛwɛwa 5:26

Nɛ kɛlɛ shu, evupoaka anɛ yɛ baxwɛwa na vɛ klɛ bada gbanɔ banɔkpɛkpɛ nɛ amɛna. Ba dɛ yɛkɔ kanya na lɛ, alasɛ be si kifu asɛ banɔ ne be hua lɛ aklãgbu.