Mateo 26:28 - ONUGBÙ NYƐNYÃ VUVƆ

²⁸ Mɛ dzyosu nɛ naa nɛ onugbunyɛnya mɛ nɛ wɔnɔ, gɛ ba yɛkɔ balɛ esi kɔ banɔ gelee kɔ balɛ buzizi tɛyɛyɛkɔ tsye.

Mateo 26:28 Referans Kwoze

Mateo 20:28

anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Tɛbubukasɛ 7:14

Ibui lɛ nu asɛ, “Apalete, onyi.” Klɛ aɖɔ asɛ, “Banɛ balɛ nu bagɛ de ekoeyi nɛ butɔ gbla nɛ mɛ; be ti plu balɛ bawidzidze klɛ ba bhɛtɛ alɛ le fuli nɛ Obhoshieyi nɛ dzyosu mɛ.

1 Kɔrintioanɛ 11:25

Kana ke, nɛ ɔwulago dɔ ŋaŋa nɛede, ayɛkɔ kantsye, aɖɔ sɛ, “Kantse anɛ kale nu onugbu nyɛnya vuvɔ nɛ mɛ dzyosu mɛ, nɔ bhɛtɛ kedɔɛ nɛ, kibenɔ gɛ nɔ wɔɛ̃ lɛ, kɔ mɛ tɛbɛbaka.”

1 Yohanɛsɛ 2:2

Yɛ ayɛkɔ ishu etsye kɔ bulɔ ebuizizi, klɛ ganɛ bulɔ tite pɔ kɔ kanɔ nɛ petee buzizi.

Hebriuanɛ 13:20

Kɔ ishuyuyɔ Kpaya, gɛ ɔganɛ dzyosu onugbunyɛnya mabeke agɛ anyɛmɛ bulɔ Apalete Yesu, ibhoshi Agbɛgbanɔ gbɛgbla,

Hebriuanɛ 9:28

so Kristo akɔ yɛ be yi yɛ bu yi trukpo sɛ tɛ ebu banɔ gelee ebuizizi nalɛ shu, klɛ azia ba bubhla, ganɛ sɛ tɛ aba bhɛtɛ kibuinyɛbui denɔ ebuizizi shu, pɔ amɛna ishu bhubhuiyɛkɛ kɔ bagɛ be po yɛ.

Efesoanɛ 1:7

Nɛ yɛ mɛ bu mɔ tɛbhubhuiyɛkɛ ganɔ yɛ dzyosu nɛ mɛ, ebuikpã tsyitsye, anɛ Kpaya kedziŋɛŋa kɛdɔkukɔ mɛ

Koloseanɛ 1:14

yɛ mɛ bu mɔ tɛbhubhuiyɛkɛ, ebuikpã tsyitsye.

Luka 22:19

Klɛ ayɛkɔ gbɛgbɛvu, ehuahwɛ, klɛ ayɛ yɛmɛ klɛ aɖɔ sɛ, “ Kɛɛ nɛ klɛ nu mɛ shuidzya gɛ ba kɔ nɔ, nɔ bhɛtɛ kana tɛ nɔ yɛkɔ zɔ baka mɛ bui.”

Koloseanɛ 1:20

klɛ ɔganɔ yɛabha tɛ abhɛtɛ terikpo nɛ kɛdɔnyɛdɔ kɔ yɛnahwɛ, kinu kesukpa abha dɔ pɛnɔ kɛdɔ nɛ́ owũsise, gɛ kɛ bhɛtɛ ishuyuyɔ ganɔ yɛ dzyosu abha, gɛ abalɛesi nɛ́ butsiosi nɛ shu.

Romanɛ 5:19

Alasɛ ansɛ gɛ ganɔ anɔ terikpo batɔ matamata mɛ pɛ banɔ gelee be dzi buzizi abhɛtɛ, kana tsyɛ ke ganɔ anɔ terikpo batɔtɛta mɛ banɔ gelee ba ba bhɛtɛ alɛ be dzi banɔnɛna.

Marko 14:24

Etsre alɛ asɛ, “Mɛ onugbu nyɛnya dzyosu nɛ naa, gɛ be bu abalɛ lu kɔ banɔ gelee.”

Tɛbubukasɛ 7:9

Kɛɛ nɛ nɛede idi klɛ nɛ mɛ amɛ banɔɛha gbla tili za gɛ anɔnyanɔ atɛ ba na banɔ nu kla, denɔ amadiha, kɛmadi, banɔ anɛ benuhu, be li kititi nɛ bukusiegbu nɛ amɛ anɛ Obhoshieyi nɛ otugba. Ba kpɛ bawidzidze fufu klɛ be vunɔ trɛwã nɛ balɛ ahwɛ mɛ.

Romanɛ 5:15

Pɔ kɛdɔkukɔ nɛ tɛ dzi ansɛ buzizi. Alasɛ onu gɛ, banɔ gelee be ti tsi akpɛ anɔ terikpo teli buzizi, kɛlɛ lɛ taa za sɛ Kpaya ɛyamyuyɔ anɛ kɛdɔkukɔ nɛ gɛ ba, ganɔ anɔ terikpo, Yesu Kristoa bha, pɛ kɛ da kpɛ vɛ banɔ gelee ɔkɔ!

Marko 1:4

Klɛ so Yohanɛsɛ aba nɛ bunikpɛkpɛ denɔ ayakpa nɛ mɛ be, klɛ aɖɔ kitem tsyitsyina bunikpɛkpɛ bui kɔ buzizi tɛyɛyɛkɔ tsye.

Mateo 6:12

Yɛkɔ bulɔ buzizi nɛ otsye lɔ, ansɛ gɛ bulɔ tsyɛ bu yɛkɔ buzizi tsye bagɛ ba bhɛtɛ buzizi amɛna bulɔ kɔ.

Mateo 26:27

Ɔkɛlɛ ayɛkɔ kantse, ehu ahwɛ klɛ ayɛkɔ kɔa lɛ, klɛ aɖɔ asɛ, “Nɔ wɔɛ̃ kɛdɔ nɛ kalɛm, wɔnɔ petee.

Mateo 26:29

Itsre nɔ, ɛtɛa wɔɛ̃ wayɛ̃ eyuyua denɔ ɔtsɔ̃ ɔdɔ nanɔ kibe lɛ gɛ ɛba wɔɛ̃ yɛ avuvɔ nɛ nɔ nɛ Maka bukusiɔŋakɔ nɛ mɛ.”

Luka 22:20

Nɛ kidzoe lɛlɛ nɛabha ke, nɛ ɔwlago kɛdɔŋɛŋa nɛe de, ayɛkɔ kantse, klɛ aɖɔsɛ, “Kantsea nɛɛ kalɛ enu mɛ onugbu nyɛnya vuvɔ nɛ mɛ dzyosu mɛ, gɛ ba balɛ elu kɔ nɔ.

Hebriuanɛ 10:29

Kɛlɛ lɛ nu anɔ teli etiti ɔtsɛrɛ nɛ Kpaya yɛ Yi abha, gɛ amɔ onugbunyɛnya dzyosu gɛ lɔ plu yɛ shu anasɛ kɛdɔ gɛ kɛlɛ shu dɛbhui, gɛ akula ɛyɛmɛyuyɔ anɔ Ɔfufɔɛ kideso gɛ bata tɛta yɛ batɔ gɛganɛ?