Mateo 26:24 - ONUGBÙ NYƐNYÃ VUVƆ

²⁴ Anɔdzyrame yɛ Eyi nɛ aba shɛ ansɛ gɛ ba ŋlɔmɛ elu nɛ yɛ shu. Pɔ butɔ kɔ anɔɔ nɛ gɛ yɛ aba ga Anɔdzyrame yɛ Eyi nɛe si! Anɔa lɛlɛ ba dɛ mɔ yɛ tsyɛ ata pɛ̃ kɔ yɛ adɛ.”

Mateo 26:24 Referans Kwoze

Luka 24:46

Etsre alɛ sɛ, “Kibui nɛ la ŋlɔmɛ elu: Kristo aba mɔ butɔ klɛ aba nyɛmɛ denɔ betsitsi nɛ shi nɛ́ kiwui tramɛ nɛabha,

Mateo 18:7

“Butɔ kɔ kanɔ alasɛ ebui nɛ gɛ alɛ ka lɛ mɛ gɛ etii banɔ akpɛ buzizi mɛ nɛ so! Ebui alɛlɛ nɛ di alasɛ tɛ la ba, pɔ butɔ kɔ anɔɔ nɛa bha gɛ la ba ga aba!

1 Kɔrintioanɛ 15:3

Alasɛ kɛgɛ ɛyɛkɛ ɛshɛnahwɛ kɛ lɛ shu kɔ nɔ anasɛ kɛ tɛtɔpu gɛ kɛŋaedzi, sɛ Kristo etsi nɛ bulɔɛ tɔkpu nɛ Kpayaeplukpa nɛ nu,

Yohanɛsɛ 17:12

Kɛbelɛlɛ gɛ ɛlɛ ba lɛ ɔbha ɛkpɛ buka kpɛ alɛ klɛ idi ba lɛabha mɔmɔ ganɔ kɛ nyi gɛ ɔkɔ mɛ nɛabha. Anɔnyanɔ adɛ lɛla ɔdɛ nu agɛ yɛ ba trɔ sɛ tɛ alɛla nɛ sɛ tɛ be bu Kpayaplukpa mɛ ebui nɛ akasɛ.

Luka 22:22

Anɔdzyrame Yi aba shɛ̃ anasɛ gɛ ba kpɛ elu, pɔ butɔ kɔ anɔ nɛ gɛ aba yɛ kɔ yɛ akpɛahwɛ.”

Marko 14:21

Anɔdzyrame yɛ Eyi nɛ aba shɛ ansɛ gɛ ba ŋlɔmɛ elu nɛ yɛ shu. Pɔ butɔ kɔ aanɔ nɛ gɛ yɛ aba kpɛ Anɔdzyrame yɛ Eyi nɛ ahwɛ! Aba pɛ̃ kɔ anɔa lɛlɛ nɛ adɛ onu gɛ ba dɛ mɔɛ.”

Mateo 26:54

Pɔ kɛlɛ kɛba za pɛ kibui nɛ ba bhɛtɛ ansɛ gɛ ba ŋlɔ̃mɛ lɛ elu nɛ Kpayɛbui keplukpa nɛ mɛ?”

Marko 9:12

Yesu asɛ, “Tɛ bu ka nɛ klɛa bha nɛ, kɛ lɛ sɛ tɛ Eliya aba eputɔnɔ, kɔ kɛdɔnyɛdɔ tɛŋuŋuse. Klɛ kidee so pɛ ba za ŋlɔmɛ elu asɛ Anɔdzyrame yɛ Eyi nɛ alasɛ tɛ aba tɔ gelee tsyɛ tɛ batɛ yɛkɛ yɛ?

Mateo 26:56

Pɔ ebuia nɛ petee aba kɛlɛ mɛ sɛ tɛ batɔnu nɛ kɛdɔ nɛ gɛ ba ŋlɔ̃mɛ elu nɛ aba kɛlɛ mɛ.” Kibe lɛ nɛ mɛ badɔkpasɛ nɛ petee atɛ pɔɛhle alɔ yɛ.

Axwɛwɛwa 28:23

Banɔ na ba trɔ kiwi tili sɛ tɛ ba ba tsyanɔ Paolo, klɛ la ba ba nɛ tɛkpikpe gblam nɛ ɔkɛlɛ gɛ aza. Denɔ kɛvulɔ ɔdɔnanɔ owluago nɛɛ, ebu ebuim kɔ banɔ, klɛ ebu aɖɔa etsrea lɛ denɔ Kpaya bukusiɔŋakɔ nɛ shu, klɛ etsyina ahwɛ sɛ tɛ be nu Yesu kibui nɛ denɔ Mose Ɔshã nɛ denɔ Batɔnu nɛ ɔkɔ.

Axwɛwɛwa 4:28

Ba bhɛtɛ kɛgɛ wɔ kemi nɛ tɛpɛpɛ nɛ tɛ trɔ lu kukuuku sɛ kɛ ba kɛlɛ mɛ.

Axwɛwɛwa 2:23

Anɔa nɛɛ bayɛkɔ yɛ akpɛahwɛ kɔ nɔ ganɔ Kpaya tɛtɛtrɔ nɛ kibuititi kpɛ otugbam, klɛ wɔnɔ, ganɔ atɔkpumgɛganɛ banɔ tɛpɛplɛnɔm nɛɛ, no yi yɛ ganɔ yɛ tɛkpɛkplasɔ butsiosi shu.

Yohanɛsɛ 19:28

Kɛlɛede, gɛ be nyi sɛ kibuinyɛbui beke, klɛ sɛ tɛ Kpayaplukpa nɛ bɛlɛ mɛ, Yesu aɖɔ sɛ, “Oniwɛ ɔta mɛ.”

Yohanɛsɛ 19:24

Baɖɔ tsee ɛhaglɔ sɛ, “Nɔ tɛ kɔlɔ tsyuɛ̃ yɛ. Nɔ kɔlɔ bisi dɔ agɛ yɛabha lɛ dɔ yɛ ayɛkɔ.” Kɛnɛ kɛ bɛlɛmɛ sɛ kpayakeplukpa nɛ bui bɛlɛmɛ gɛ kɛɖɔ sɛ, “Ba yɛkɔ mɛ kɛdɔ kpɛkpɛ akpɛ aglɔmɛ klɛ bawlãkɛ mɛdɔ kpɛkpɛ dzidze.” So kɛnɛ keyutugbani nɛ abhɛyɛ.

Mateo 26:31

Ɔkɛlɛ Yesu etsre yɛ badɔkpasɛ nɛ asɛ, “Elishia nɛ mɛ, wɔnɔ petee no bo si ɔlɔ mɛ, alasɛ kɛŋlɔ̃mɛ li sɛ: “ ‘Ɛba hu ibhoshi agbɛgbanɔ nɛɛ dɔ, klɛ ibhoshiha nɛ petee ba hle.’