Mateo 25:46 - ONUGBÙ NYƐNYÃ VUVƆ

⁴⁶ “Ɔkɛlɛ la ba shɛ avɛ ede tsoku batɔtɛtɛta mabeke mabeke mɛ, pɔ banɔnɛna na ba vɛ ɛkpã mabeke mabekemɛ.”

Mateo 25:46 Referans Kwoze

Yohanɛsɛ 3:36

Anɔ nɛ gɛ ayɛkɛ Eyi nɛ abhaŋa ɛkpã mabeke lɛ yɛ ahwɛ, pɔ anɔ nɛ gɛ adɛ yɛkɛ Eyi atɛ bamɔ ɛkpã, alasɛ Kpaya obulo ɔwɔ yɛ abha.”

Yohanɛsɛ 5:29

klɛ ba be koeyi— bagɛ babhɛtɛ kibui dzyɔgo ba ba lɔ aza nɛ kpã, klɛ bagɛ babhɛtɛ kibui zizi ba ba lɔ sɛ tɛ bebu balɛ pɔ.

Tɛbubukasɛ 21:8

Pɔ efufluni, gɛ ataa yɛkɛaŋa, bagɛ abhɛtɛ atsɔbui, bagɛ eyianɔ, bagɛ abhɛtɛ azhuzhɔlɛbui, bagɛ abhɛtɛ ihuiebui, bagɛ akpɛ kɛtɔkpuesi kɔ kɛdɔbhubhɔ anɛ betroni—balɛ ɛzakɔ nɛ ba za kɛvɔ gɛ tã nɛ kɛlɛ aklãgbu. Kɛɛnɛ kɛlɛ nu butsi bhla.”

Tɛbubukasɛ 20:15

Onu gɛ ba dɛ mɔ anɔ teli kinyi nɛ ɛkpã keplukpa nɛ mɛ, ba ba yɛkɔ yɛ atɛ̃ akpɛ kifuivɔ nɛ mɛ.

2 Tɛsolonianɛ 1:9

Ba ba tɛta butɔ akɔa lɛ nɛ butsyrɔ gɛ tɛ ba beke klɛ be be bua lɛ akpɛ kide nɛ ɔkɛlɛ gɛ Apalete nɛ alɛ nɛ yɛ kemi bukusi nɛ mɛ

Romanɛ 6:23

Alasɛ buzizi kɛbhɛ kɛlɛ nu butsi, pɔ Kpaya kɛdɔkukɔ kɛlɛ nu ɛkpã gɛ tɛ ba beke nɛ bulɔ Apalete Yesu Kristom.

Romanɛ 5:21

sɛ tɛ, ansɛ gɛ buzizi ŋa kabha nɛ butsi mɛ, kana ke eshutukubui didi tsyɛ aba ŋa kabha ganɔ tɛnɛnam sɛ tɛ ɛkpã mabeke mabeke lɛ ba ganɔ Yesu Kristo bulɔ Apalete nɛa bha.

Tɛbubukasɛ 20:10

Klɛ ɔfufɔɛkpã, nɛ gɛ ɔwɛa lɛ, ba yɛkɔ ɔlɛ atɛ̃akpɛ kɛklãgbui fui vɔ gɛ tã nɛ mɛ, ɔkɛlɛ gɛ ba yɛkɔ ayakpamaga anɛ itro batɔnu nɛ atɛ̃a kpɛ. Ba ba nyagbã nɛ balɛ elishi anɛ kemuze ɔvɛnɔ mabeke mabeke mɛ.

Mateo 25:41

“Ɔkɛlɛ aba ɖɔ tsre bagɛ bedzi yɛ kɛbɛtɛkpɛ nɛ mɛ asɛ, ‘Nɔ shɛ nɛ mɛ ɔbha, wɔnɔa gɛ ba ɖɔɛ bui akpɛ, ayɛkɔ tɛ̃a kpɛ kifu gɛ tɛba ni di mɛ gɛ ba bala elu kɔ ɔfufɔɛkpã nɛ ɛlɛ baxwɛdɛ.

Axwɛwɛwa 24:15

klɛ kabha yɛyɛkɛŋa lɛ mɛ ahwɛ nɛ Kpayam anasɛ banɔa nɛ, sɛ tɛlulɔ ba za kɔ banɔ dzyɔgo anɛ atɔkpum gɛganɛ elete.

1 Yohanɛsɛ 2:25

Klɛ kɛnɛ nɛ aɖɔlu kɔ lɔ—ɛkpã mabekemabeke kuratsyɛ.

Galatianɛ 6:8

Anɔ nɛ gɛ aɖa kɛdɔ tɛ kɛku yɛ nahwɛ awɔ̃ nɛ yɛ anɔdzyrame buzizi zɛzamɛmɛ, bulɛ mɛ ebe tsu butsi, anɔ nɛ gɛ aɖa dɔ tɛ kɛku Ɔfufɔɛ awɔ̃, Ɔfufɔɛ lɛ nɛ mɛ ebe tsu ɛkpã mabeke mabeke.

Luka 16:26

Klɛ kɛnɛ petee ede, nɛ bulɔ nɛ wɔɛ shi ozi gbɛgbla toli bhui bulɔ nɛ wɔɛ shi, sɛ tɛ bagɛ ba pɛɛ sɛ tɛ ba zɛ odenɔ ɔkɛnɛ aba wunɔ bha atɛ ba na, pɛnɔ anɔ aba na tsɔkɛ denɔ wunɔ ɔbha aba bulɔ ɔbha.

Yohanɛsɛ 17:2

Alasɛ wɔ ɔkɔ yɛ kabhaŋɛŋa nɛ banɔ nɛ petee abha sɛ tɛ aba kɔ ɛkpã mabeke banɔ petee gɛ ɔyɛkɔ kpɛ ahwɛ kɔ yɛ.

Mateo 19:29

Klɛ anɔnyanɔ gɛ atɛ shɛ alɔ bapa, yɛadzyalɛ, yɛadalɛ, yɛaka, yɛeni, yɛeyialɛ, yɛ kaya akpɛ mɛ so, aba yɛkɛ kɛdɔɛ lɛ nɛ ɛzakɔ kɛfɔɛfɔ klɛ aba mɔ ɛkpã gɛ ɛtɛ ba beke.

Mateo 13:43

Klɛ badzyɔgo nɛ ba ba tã ansɛ kiwi nɛ balɛ Aka nɛ bukusiɔŋakɔ. Anɔɔ nɛ gɛ batɔ alɛ yɛ, tɛ enu.

Yuɖa 1:21

Nɔ nyɛna wɔnɔ shu ɔkpɛ Kpaya anɔ ɖuɖɔm nɛ kibe lɛ mɛ gɛ no dzi ozo po ApaleteYesu Kristo eshutukubui didi sɛ tɛ amɛna nɔ kɔ ɛkpã gɛ tɛ ba beke di.

Mateo 19:16

Ɔtsɔ̃ nɛɛ anyɛ teli aba tɔnɔ Yesu klɛ ebisi asɛ, “Adɔkasɛ, kibui dzyɔgo ɖueɖu kɛlɛ lɛ sɛ ɛbhɛtɛ tɛ ɛmɔ ɛkpã gɛ ɛtɛba beke di?”

Mateo 25:45

“Ɛbe bui lɛ nu asɛ, ‘Itsre nɔ kɛgba sɛ, kɛdɔnɔ nɛ gɛ nɔ dɛ bhɛtɛ kɔ anɔ bhli tsyɛ nɛ banɔa nɛ mɛ, nɔ dɛ bhɛtɛ kɔ mɛ naa lɛlɛ.’

Yohanɛsɛ 4:14

pɔ anɔ nɛ gɛ awɔ̃ɛ buni gɛ ɛba kɔ yɛ oniwɛ ɔtɛɔ ta yɛ. Kɛgbɛagba, buni nɛ gɛ ɛba kɔ yɛ bu badzi buni tɛtade tisimɛ gɛ bu baza yɛ shu mɛ ɔdɔtɔnɔ ɛkpã mabeke mabeke mɛ.”

Yohanɛsɛ 5:24

“Itsre nɔ kɛgbɛagba, ànɔ nɛ gɛ enu mɛ ebui klɛ ayɛkɛ agɛ akpɛ mɛ nɛabha ŋa ɛkpã mabeke lɛ yɛ ahwɛ klɛ beti be bhui kɛpɔ akɔ yɛ, adɔfla butsi avɛ ɛkpãmɛ.

Yohanɛsɛ 6:27

Nɔ tɔwa kɛxwɛ kɔ kɛŋɛŋa gɛ kɛ bazi, pɔ nɔ pɛɛ kɛdɔ ŋɛŋa gɛ kɛbakɔ ɛkpã mabeke gɛ Anɔdzyrame Yi aba kɔ nɔ. Nɛ yɛabha Aka Kpayɛa atrɔ ahwɛ.”

Yohanɛsɛ 6:40

Alasɛ Maka yɛ tɛpɛpɛɛ kɛlɛ nu sɛ anɔnyanɔ gɛ edi Eyi klɛ ayɛkɛ yɛ abhaŋa aba mɔ ɛkpã gɛ tɛ ba beke, klɛ ɛba nyɛmɛ yɛ kpɛ kabha nɛ kiwui gugɔɛ nɛabha.”

Axwɛwɛwa 13:46

Ɔkɛlɛ Paolo anɛ Banabasɛ ebu etsrea lɛ nɛ kifu masimasim asɛ: “Alasɛ tɛ bu ɖɔ Kpaya kibui nɛ tsre nɔ putɔnɔ. Gɛ no ti gbe lɛ klɛ nɔ dɛ mɔ nɔ shu sɛ nɔ na kɔ ɛkpã mabeke mabeke nɛɛ, ɔtsɔ̃ nɛɛ bu tsyina tɔ bagɛ edi nu Yuɖanɛ.

Axwɛwɛwa 13:48

Gɛ bagɛ edi nu Yuɖanɛ ne nu kibui nɛɛ, ba mɔ same klɛ ba yɛkɛ Apalete nɛ bui, klɛ bagɛ balɛ petee be klua kɔ ɛkpã mabeke mabeke na yɛkɛaŋa.