Mateo 25:40 - ONUGBÙ NYƐNYÃ VUVƆ

⁴⁰ “Ekusi nɛ ebe bui lɛ nu asɛ, ‘Ítsre nɔ kɛgba sɛ, kɛdɔnyɛdɔ nɔ bhɛtɛ kɔ anɔ bhli kanyaka nɛ madzyalɛa nɛ mɛ, mɛ nɔ bhɛtɛ kɔ.’

Mateo 25:40 Referans Kwoze

Mateo 10:42

Klɛ onu gɛ anɔ teli aakɔ beyibhlianɛ ɔmayɛ teli buni yuyɔ kantse sɛ enu mɛ adɔkpasɛ so, itsre nɔ kɛgba sɛ, yɛ tsyɛ atɛ ba lɛla yɛ kɛbhɛ.”

Marko 9:41

Itsre nɔ kibuigba sɛ, anɔnyanɔ gɛ akɔ nɔ buniatse nɛ mɛ kinyi mɛ sɛ no nu Kristo ayɛ so, yɛ ahwɛhuhu nɛ atɛba lɛla.

1 Petro 1:22

Ɔtsɔnɛ gɛ nɔ tɛ plu shu ɔganɔ batɔ tɛta kɔ kibui gbɛagba sɛ tɛ nɔ yɛkɛ tɛdɛdɛmɛnɔ mumɔ kɔ wũnɔ adzyalɛ, tɛdɛdɛmɛnɔ nɛ ɔhaglɔ globoo, denɔ idzyi nɛ mɛ.

Galatianɛ 5:6

Alasɛ nɛ Kristo Yesu mɛ bebhui bunyɛnyɛ kɔ wɔ pɛnɔ bedi bhui bunyɛnyɛ kɔ wɔ kɛdi nu kibuinyɛbui. Kɛlɛ tirikpo gɛ klu bui kɛlɛ nu tɛyɛyɛkɛŋa gɛ kɛ waɛxwɛ ganɔ tɛdɛdɛmɛ abha.

Galatianɛ 5:22

Pɔ Ɔfufɔɛ nɛ eyuyu ɔlɛ nu tɛdɛdɛmɛ nɛ anɔ, same, ishuyuyɔ, tɛdɛdɔfɔ̃, ɛyɛmɛyɛyɔ, kɛdzyɔgo bhɛbhɛtɛ tɛyɛyɛkɛŋa,

Mateo 10:40

Aanɔ nɛ gɛ aayɛkɛ wɔnɔ mɛ ayɛkɛ, klɛ agɛ aayɛkɛ mɛ ayɛkɛ anɔ nɛ gɛ akpɛ mɛ.

Mateo 18:10

“Di kɛlɛ ɔkɔ sɛ no ti di bunuvɔɛ bhlia nɛ ɔmɛayɛ kanyaka bhliyii. Alasɛ itsre nɔ sɛ balɛ baxwɛdɛ nɛ owũsise naa mɔ mɛ Aka nɛ owũsise nɛ amɛ kibenyɛbe.

1 Yohanɛsɛ 4:20

Onugɛ anɔ teli aɖɔ sɛ, “Ɛdɛmɛ Kpaya bui,” pɔ egu yɛ adzya, enu otro lete. Alasɛ anɔnyanɔ gɛ adɛ dɛmɛnɔ adzya, gɛ amɔ, atɛ bana Kpaya gɛ yɛ ata mɔ mɛ bui adɛmɛnɔ.

Hebriuanɛ 6:10

Kpaya edinu anɔ gɛ ata bhɛtɛ ebui nɛ alɛ ɔzakɔ, atɛ ba dzɛkɛ wɔnɔ kɛxwɛwuwa nɛ yɛ tɛɖɛɖɔ gɛ nɔ kasɛ yɛ anasɛ gɛ nɔ plɛnɔ yɛ banɔ nɛ gɛ nɔ kɔ tsri lɛabha plɛnɔ alɛ.

Efesoanɛ 5:30

alasɛ bunu banɔ terikpo nɛ yɛ shuidzya mɛ.

Galatianɛ 5:13

Wɔnɔ, madzyalɛ, be klu sɛ tɛ nɔ za ishuahwɛ. Pɔ nɔ tɛ yɛkɔ wɔnɔ shu ahwɛzɛza ɔzɔ bhɛtɛ ebuizizi, kɛlɛ ɔzakɔ nɔ dɛ axwɛ kɔ ɔhaglɔɛ nɛ tɛdɛdɛmɛ nɛ anɔ.

Romanɛ 8:29

Alasɛ banɔ nɛ gɛ Kpaya enyi putɔnɔ atɛ bhɛtɛ alɛ sɛ tɛ ba za Yɛeyi nɛ tɛzɛzam, sɛ tɛ ebe dzi amumɔtutɔpu nɛ badzya gelee shi.

Mateo 28:10

Ɔkɛlɛ Yesu etsre balɛ asɛ, “No to si fu. Nɔ vɛ tɛ no do tsre madzyalɛ nɛ ɔsɛ ba tɔnɔ avɛ Galelia, ɔkɛlɛ la ba mɔ mɛ.”

Mateo 25:34

“Ɔkɛlɛ Ekusi nɛ ebe tsre ɛgɛ li kɛŋa nɛ mɛ asɛ, ‘Nɔ ba, wɔnɔ bagɛ mɛ Aka nɛ atɛ yula, nɔ yɛkɔ wɔnɔ ɔŋakɔ, gɛ bukusiɔŋakɔ nɛ gɛ ba bala lu kɔ nɔ denɔ kanɔ nɛ kesikpɛkpɛ.

2 Kɔrintioanɛ 4:5

Alasɛ bu tɛɖɔ kibui denɔ bulɔnahwɛ shu, pɔ Yesu Kristo anasɛ Apalete, klɛ bulɔnahwɛ anasɛ wunɔ axwɛdɛ nɛ Yesu tɔkpu.

Yohanɛsɛ 20:17

Yesu aɖɔ sɛ, “Tɛ nyɛna mɛ, alasɛ ɛka tsodzi vɛ Aka nɔ kɔ. Kɛlɛɔzakɔ, vɛ madzya lɛ nɛ ɔkɔ tɛ otsre alɛ sɛ, ‘Itsodzi vɛ́ mɛ Aka anɛ̀ wunɔ Aka, mɛ̀ Kpaya anɛ̀ wunɔ Kpaya nɔ kɔ.’ ”

Mateo 25:39

Kibe ɖueɖu mɛ bu mɔ wɔ pɛ ɔɔnya ɔdɔgɔsɛ ɔza buvu pɛ bu ba mɔ wɔ di?’

Mateo 25:45

“Ɛbe bui lɛ nu asɛ, ‘Itsre nɔ kɛgba sɛ, kɛdɔnɔ nɛ gɛ nɔ dɛ bhɛtɛ kɔ anɔ bhli tsyɛ nɛ banɔa nɛ mɛ, nɔ dɛ bhɛtɛ kɔ mɛ naa lɛlɛ.’

Luka 19:38

“Baba ysula kɔ ekusi gɛ aba nɛ Apalete nɛ nyimɛ!” “Ishuyuyɔ ba nɛ Yɛ ɔzakɔ klɛ nɛ otugba vɛvɛ kɔ Kpaya nɛ owũsise.”

Tɛbubukasɛ 17:14

Ba ba ta keyu nɛ Obhoshieyi, pɔ Obhoshieyi nɛ ɔbɔ ŋa balɛa bha alasɛ yɛ enu bapalete nɛ Apalete anɛ bekusi nɛ Ekusi—klɛ ɔyɛkɔ plɛnɔ yɛ le kulu, bagɛ bebu anɛ bagɛ ayɛyɛkɛŋa nɛ kedeazɛza.”

Tɛbubukasɛ 19:16

Nɛ yɛ awidzidze anɛ yɛ kɛtsrɛta nɛ shu kinyii nɛ ŋlɔmɛ tsri ɔkɛlɛ sɛ: bekusi nɛ ekusi anɛ bapalete nɛ apalete.