Mateo 25:35 - ONUGBÙ NYƐNYÃ VUVƆ

³⁵ Alasɛ bubhɛ yim klɛ nɔ kɔ mɛ kɛdɔ mɛ ŋa, oniwɛ ɔtam klɛ nɔ kɔ mɛ kɛdɔ tili mɛ wɛ̃, idzi efu klɛ no kulu mɛ ɔmɛna wɔnɔ mɛ,

Mateo 25:35 Referans Kwoze

Hebriuanɛ 13:16

Klɛ tɛ dzɛkɛ kɛdɔ dzyɔgo bhɛbhɛtɛ shu lu klɛ tɛ ɔkɔ wɔhaglɔɛ dɔ, alasɛ buguɛ nɛdi bulɛ ku Kpaya awɔ̃.

Yakobo 1:27

Busɔlɛ nɛ gɛ Kpaya bulɔ Aka nɛ adɛmɛ asɛ bɔlɛ shu bhui klɛ kɛpɔ ma bɔlɛ shu, bɔlɛ nu sɛ: tɛ odi batsyavi anɛ bagɛ be tsianyɛ nɛabha nɛ balɛ ebui nɛ gɛ atrɔ balɛa bha nɛm klɛ tɛ ɔnyɛna ishu tɛ kanɔ nɛm kibo nɛ tɛ la wɔ.

Romanɛ 12:13

Shɛ̃nahwɛ kɛdɔ shu ɔkɔ Kpaya banɔ nɛ gɛ ba pɛ dɔ. Yɛkɔ ɛyamyuyɔ ɔkpɛ tɛbhɛbhɛtɛm.

Romanɛ 12:20

Nɛ kɛlɛa pɛ bhla, “Onu bubhɛ buyi agɛ adɛ pɛ wɔ, kɔ yɛ kɛdɔa ŋa; onu gɛ oniwɛ̃ ɔta yɛ, kɔ yɛ kɛdɔ tilia wɛ̃. Nɛ kɛnɛ tɛbhɛbhɛtɛ mɛ, kinu sɛ obu afuɔɛ gɛ atã ɔtrɔ yɛa da mɛ.”

Hebriuanɛ 6:10

Kpaya edinu anɔ gɛ ata bhɛtɛ ebui nɛ alɛ ɔzakɔ, atɛ ba dzɛkɛ wɔnɔ kɛxwɛwuwa nɛ yɛ tɛɖɛɖɔ gɛ nɔ kasɛ yɛ anasɛ gɛ nɔ plɛnɔ yɛ banɔ nɛ gɛ nɔ kɔ tsri lɛabha plɛnɔ alɛ.

Filimɔnɛ 1:7

Wɔ tɛɖuɖɔ nɛ kɔ mɛ same piim kemikpɛkpɛ, alasɛ wɔ, adzya, ɔkpɛ kpaya banɔ nɛ idzyi same.

1 Timotio 5:10

klɛ be nyi yɛ mɔmɔ nɛ yɛ ebui dzyɔgo shu, ansɛ beyi nyunyunɔ, anɔkɔdidi, butsrukpɔ puplu kɔ banɔnɛna, tɛpɛplɛnɔ kukɔ bagɛ be ku butɔ mɛ klɛ ayɛkɔ yɛ shu akpɛ ebui dzyɔgo kanyaka tɛbhɛbhɛtɛ mɛ.

Efesoanɛ 4:28

Anɔ nɛ gɛ ezuru ete zuru, pɔ awa kɛxwɛ, ayɛkɔ yɛ ɛhwɛ aza bhɛtɛ kɛdɔ dzyɔgo tili nɔ, tɛ amɔ kɛdɔ tili tɛ aba ya kɔ anɔ nɛ gɛ apɛɛ dɔ.

Romanɛ 16:23

Gaiusɛ, gɛ yɛ anɔyɛyɛkɛ mɛ nɛ busɔlɛha nɛ ɔkɛ nɛ mɔ same nɔ, asɛnɛ nɔ asɛsɛ. Ɛrastusɛ, gɛ enu anɔ nɛ gɛ edi ɔmagbla nɛ axwɛ nɛa bha, anɛ bulɔadzya Kwatusɛ ba sɛnɛ nɔ asɛsɛ.

Axwɛwɛwa 16:15

Kibe lɛ gɛ yɛɛnɛ yɛ bupa nɛ petee ba yɛkɛ bunikpɛkpɛ beke nɛɛ eklu lɔ avɛnɔ yɛ bupa mɛ. Ɔkɛlɛ aɖɔ asɛ, “Onu gɛ nɔ mɔ mɛ ansɛ anɔ gɛ ayɛkɛ Apalete nɛa bha aŋa nɛɛ,” “klɛ ba tɛ nɔ bɔ za mɛ ɔkɔ.”

Axwɛwɛwa 11:29

Badɔkpasɛ, akanyaka nɛ yɛ tɛzɛzam nu, na trɔ sɛ ba ba kɔ balɛ adzyalɛ nɛ ga lɛ Yuɖia nɛ tɛpɛplɛnɔ.

Axwɛwɛwa 10:31

klɛ aɖɔ sɛ, ‘Kɔneliusɛ, Kpaya eti nu wɔ yɛ tɛkukulu klɛ abaka wɔ kɛdɔkukɔ kɔ betsyuitsyuini.

Axwɛwɛwa 4:32

Bagɛayɛkɛaŋa nɛ petee ba za nɛ idzyi anɛ kɛtɔkpum tirikpo. Anɔnyanɔ edi klu kɛnɔmɛdɔ kanyaka sɛ yɛnahwɛ yɛ, pɔ ba ma kɛdɔnyɛdɔ gɛ za balɛ ahwɛ nɛ ɔhaglɔ.

Yohanɛsɛ 13:29

Gɛ Yuɖasɛ yɛ abala kɔba nɛ so, be teli ba yɛkɔɛ lɛ sɛ, Yesu etsre yɛ asɛ tɛ ada dzi kɛdɔ nɛ gɛ kɛlɛ shu xwɛ gɛ ba bawa nɛ Kiwui nɛ mɛ, pɛnɔ ada kɔ betsutsukpɛ̃ kɔba teli.

Luka 11:41

Pɔ yɛ kɔ kɛ gɛ kpasɛ kesugba nɛmɛ ɔkɔ betsyuitsyuini klɛ kɛdɔnyɛdɔ shu ba bhui kɔ wɔ.

Marko 14:7

Betsyutsyuini nɛ xũ nɛ balɛ wɔnɔ ɔbha kibenyɛbe, gɛ nɔ bɔ plɛnɔa lɛ onu gɛ nɔɔ pɛɛ. Pɔ mɛ ɛtɛ ba za wɔnɔ bha kibenyɛbe.

Mateo 26:11

Betsyutsyuini nɛ xũa lɛ wɔnɔ bha kibenyɛbe, mɛ pɔ nɛɛ nɔ tɛ bɔ mɔ mɛ kibenyɛbe nɛ wɔnɔ ɔbha.

Mateo 25:40

“Ekusi nɛ ebe bui lɛ nu asɛ, ‘Ítsre nɔ kɛgba sɛ, kɛdɔnyɛdɔ nɔ bhɛtɛ kɔ anɔ bhli kanyaka nɛ madzyalɛa nɛ mɛ, mɛ nɔ bhɛtɛ kɔ.’