Mateo 25:34 - ONUGBÙ NYƐNYÃ VUVƆ

³⁴ “Ɔkɛlɛ Ekusi nɛ ebe tsre ɛgɛ li kɛŋa nɛ mɛ asɛ, ‘Nɔ ba, wɔnɔ bagɛ mɛ Aka nɛ atɛ yula, nɔ yɛkɔ wɔnɔ ɔŋakɔ, gɛ bukusiɔŋakɔ nɛ gɛ ba bala lu kɔ nɔ denɔ kanɔ nɛ kesikpɛkpɛ.

Mateo 25:34 Referans Kwoze

Yakobo 2:5

Nɔ tatɔ, madzyalɛ gɛ ɛɖɔ mɔ: Kpaya edi kulu bagɛ be nu betsyutsyuini nɛ ebu nɛ banɔ amɛ nɛ kanɔa nɛm sɛ tɛyɛyɛkɛŋa ehoeyi aza balɛ ahwɛ klɛ tɛ ba ba mɔ ɔŋakɔ nɛ bukusi nɛm gɛ aɖɔ asɛ aba kɔ bagɛ ba ɖɔɛ nɛ dza?

Tɛbubukasɛ 21:7

Aanɔ nɛ gɛ aŋɛabha aba mɔ ɔŋakɔ nɛ anɛ nɛ peteem, klɛ ɛba dzi yɛ Kpaya klɛ ebe dzi mɛ eyi.

Tɛbubukasɛ 13:8

Banɔ nɛ petee ga lɛ kesukpa nɛabha na ba kpɛ kɛtɔkpuesi kɔ agavuga— banɔ nɛ petee enyi nɛ gɛ ba dɛ ŋlɔmɛ akpɛ ɛkpã keplukpa nɛ gɛ enu Obhoshieyi nɛa yɛ gɛ be yi denɔ kanɔ nɛ tɛbhɛbhɛtɛ be nɛ mɛ.

Mateo 20:23

Yesu etsre alɛ asɛ, “Nɔ bɔ na kantse nu wɛ̃ kɛgba, pɔ mɛ kɛŋa mɛ anɛ kɛbɛtɛkpɛ mɛ zɛza ganɛ mɛ ba kɔ kɛlɛ. Ɛzakɔɛ lɛ nɛ lɛ kɔ bagɛ mɛ Aka abala elu kɔ ɔklɛ.”

Tɛbubukasɛ 17:8

Agavuga nɛ gɛ ɔmɔ, atɛ za di, ɔtsɔ̃ ama, klɛ ebe de Ogloboglobokɔ ekoeyi klɛ aba vɛ kɔ le zi. Kesukpa nɛabha banɔ gɛ balɛ enyi la dɛ ŋlɔmɛ akpɛ ɛkpãeplukpa nɛ mɛ denɔ kanɔ nɛ tɛbhɛbhɛtɛ be, kɛ ba bhɛtɛ alɛ bi onu gɛ bamɔ agavuga, alasɛ atɛ za edi, ɔtsɔ̃ ama, klɛ otsi aba ba.

Hebriuanɛ 4:3

Ɔtsɔ nɛ bulɔ agɛ tɛyɛkɛŋa butsoku bumoene mɛ, anasɛ gɛ Kpaya aɖɔ, “Kɛlɛso ibui lɛ ɖɔ nɛ mɛ oblom ganɔ kɛdɔtɛtanɔ mɛ, ‘Beti be tsoku mɛ bumoene nɛ mɛ di.’ ” Klɛ tsyɛ yɛ kɛxwɛwɛwa tɛ beke denɔ kanɔ tɛbhɛbhɛtɛ be ke.

Luka 12:32

No ti sifu, bagɛha bhli, alasɛ kɛku wɔ Aka awɔ̃ sɛ tɛ akɔ wɔ bukusiɔŋakɔ.

Hebriuanɛ 11:16

Kɛlɛ mazalɛmɛ, bedidzo nu kɔ ɔma dzyɔgo—owũsise ɔyɛ. Kɛlɛso kɛwɔɛ̃ ti ku Kpaya sɛ tɛ beklu yɛ asɛ balɛ Kpaya, alasɛ eŋuse ɔma gbɛgbla elu kɔalɛ.

1 Kɔrintioanɛ 15:50

Ɛbu tsre nɔ, badzya mɔ, sɛ ishuidzya anɛ dzyosu ba tɛ ba ŋa Kpaya bukusiɔŋakɔ, ɔdɔgɔsɛ kɛgɛ ba zi nɛ ba ŋa kɛgɛ tɛ ba zi.

Mateo 25:41

“Ɔkɛlɛ aba ɖɔ tsre bagɛ bedzi yɛ kɛbɛtɛkpɛ nɛ mɛ asɛ, ‘Nɔ shɛ nɛ mɛ ɔbha, wɔnɔa gɛ ba ɖɔɛ bui akpɛ, ayɛkɔ tɛ̃a kpɛ kifu gɛ tɛba ni di mɛ gɛ ba bala elu kɔ ɔfufɔɛkpã nɛ ɛlɛ baxwɛdɛ.

Tɛbubukasɛ 19:16

Nɛ yɛ awidzidze anɛ yɛ kɛtsrɛta nɛ shu kinyii nɛ ŋlɔmɛ tsri ɔkɛlɛ sɛ: bekusi nɛ ekusi anɛ bapalete nɛ apalete.

1 Kɔrintioanɛ 2:9

Pɔ, anasɛ gɛ ba ŋlɔmɛ lu: “Kɛwɔ̃hu kanyaka dɛ mɔ, batɔ kanyaka dɛ nu, kɛdɛ ba anɔnyanɔ kɛtɔkpui mɛ kɛ gɛ Kpaya abhɛtɛ elu kɔ ba gɛ ba dɛmɛnɔ nɛ yɛ”—

Mateo 25:21

Yɛ apalete nɛ asɛ, ‘Wɔ naa bhɛtɛ, axwɛdɛ dzyɔgo gɛ ba ba yɛkɛ wɔa bha ŋa! Ɔza tɛyɛyɛkɛ ŋa mɛ nɛ kɛdɔ bhli nɛ gɛ ɛkɔ wɔ, ɛba yɛkɔ wɔ idzu ebui anɛ kɛdɔ gelee nu. Ba tɛ ɔbɔ mɔ same ɔplɛnɔ wɔ apalete!’

Mateo 19:29

Klɛ anɔnyanɔ gɛ atɛ shɛ alɔ bapa, yɛadzyalɛ, yɛadalɛ, yɛaka, yɛeni, yɛeyialɛ, yɛ kaya akpɛ mɛ so, aba yɛkɛ kɛdɔɛ lɛ nɛ ɛzakɔ kɛfɔɛfɔ klɛ aba mɔ ɛkpã gɛ ɛtɛ ba beke.

Mateo 13:35

So kana ebui nɛ gɛ baɖɔ aganɔ atɔnu nɛa bha nɛ aba ba kɛlɛ mɛ asɛ: “Ɛba danɛ mɛ onugbu nɛ akpalɛ, Ɛba ɖɔ ebui kpukpu nɛ gɛ ekpu denɔ kanɔ nɛ kesi kpɛkpɛ.”

1 Petro 3:9

Nɔ tɛ yɛkɔ kibui kpã ɔbuya kɛbhɛ kɔ kibui kpã bhɛbhɛtɛ pɛnɔ tɛkukla kɔ tɛkukla, pɔ nɛ̀ tɛ yuyula, alasɛ kɔ kɛnɛ be klu nɔ sɛ tɛ nɔ bɔ yɛkɛ tɛyuyula kededɔ.

2 Timotio 2:12

onu gɛ bu dzrɔ nɛ kɛlɛ shu, bu ba ŋa kabha nɛ yɛ tsyɛ. Onu gɛ bu shɛ̃nahwɛ yɛ shu, yɛ tsyɛ aba shɛ̃nahwɛ bulɔ shu;

Galatianɛ 5:21

anɛ kawɔ̃kpɛ, tɛbubuku, samezizi mumɔ anɛ ebuibhltɔ bhɛbhɛtɛ nɛ̀ alɛlɛ nɛɛ di. Ɛkpɛ nɔ ɔshã, anasɛ gɛ ɛtɛkpɛ nɔ bafla, sɛ bagɛ ba za ɛkpãɛ nidi ba tɛba mɔ ɔzakɔ nɛ Kpaya kusi ɔŋa kɔ.

1 Kɔrintioanɛ 6:9

Nɔ tinyi sɛ kɛtɔkpumɛ gɛganɛelete atɛ ba ŋa kededɔ nɛ Kpaya kusiɔŋa kɔ? Nɔ tɛkɔ la wɔɛ nɔ: Aglɔbui bhɛbhɛtɛ pɛnɔ obudisɔlɛ pɛnɔ ɔmɛmɛdɛdɛ pɛnɔ ɔhaglɔ shudɛdɛ pɛnɔ anyɛ anɛ anyɛ tɛzɛza

Luka 19:38

“Baba ysula kɔ ekusi gɛ aba nɛ Apalete nɛ nyimɛ!” “Ishuyuyɔ ba nɛ Yɛ ɔzakɔ klɛ nɛ otugba vɛvɛ kɔ Kpaya nɛ owũsise.”

Mateo 5:19

Anɔnyanɔ gɛ ebule ɔshã nɛ obhliyi ɔkɔ toli klɛ akasɛ banɔ bhlatɔ tsyɛ asɛ ba bhɛtɛ ana, be be kulu yɛ ebhliyia dɛ nɛ bukusiɔŋakɔ nɛm nɛ owũsise, pɔ aanɔ nɛ gɛ aabhɛtɛ klɛ aakasɛ ɛshãɛ nɛɛ, be be kulu yɛ asɛ agbɛgbla nɛ owũsise bukusiɔŋakɔ.

Mateo 3:2

klɛ aaɖɔ asɛ, “Tsyinaɛtem, alasɛ owũsise bukusiɔŋakɔ nɛ otsobunɔ.”

Tɛbubukasɛ 5:10

Ɔbhɛtɛ balɛ sɛ tɛ be dzi bukusiɔŋakɔ nɛ kpayanɔ sɛ tɛ ba dɛ kɛxwɛ kɔ bulɔ Kpaya, klɛ la ba ŋa bukusi nɛ kesukpa nɛa bha.”

1 Petro 1:9

alasɛ nɔ yɛkɛ wũnɔ tɛyɛyɛkɛŋa bhɛ, wũnɔ atɔwui tɛbhubhuiyɛkɛ.

Hebriuanɛ 9:26

Kɛlɛalɛ Kristo agɛ ta mɔ butɔ ebe gelee odenɔ kanɔ kesikpɛkpɛ. Pɔ ɔtsɔnɛ aba bu ba tirikpo kɔ lɔ petee nɛ kanɔ bibeke ewia nɛ mɛ tɛ ayɛkɔ yɛshu egu bugu tɛ ebu ezizi nɛ atɛ̃.

2 Timotio 4:8

Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.

1 Tɛsolonianɛ 2:12

balɛ kemikpɛkpɛ, ishumyuyɔ klɛ etsre nɔ asɛ tɛ nɔ za nɛ ɛkpã gɛ ku Kpaya awɔ̃, gɛ eekulu nɔ akpɛ yɛ bukusiɔŋakɔ nɛ ishubhubhui nɛ mɛ.

Romanɛ 8:17

Ɔtsɔ̃ nɛɛ, onu gɛ buu nu banuvɔ, klɛa lɛ bu nu beyi gɛ aba ŋa Kpaya ɔzakɔ, Kpaya ɔŋakɔeyi anɛ ɔŋakɔeyi plɛnɔ Kristo, onu gɛ kɛɛ lɛ lɛm sɛ bu plɛnɔ nɛ yɛ batɔ́ nɛ mɛ sɛ tɛ bulɔ tsyɛ ba za yɛ ishu bhuibhui nɛ mɛ plɛnɔ yɛ.

Axwɛwɛwa 15:18

gɛ la lɛ tɛtitim kibe gelee.

Axwɛwɛwa 3:26

Gɛ Kpaya efeke yɛ axwɛdɛ nɛ, ebhuso yɛ asɛsɛ wɔnɔ sɛ tɛ aba yula nɔ ganɔ wɔnɔ tɛ tsyitsyina anɛ wɔnɔ atɔkpum edzokpã nɛa bha.”

Yohanɛsɛ 19:15

Pɔ ba kpɛ ogugu asɛ, “Yɛkɔɛ ɔshɛ̃ nɔ! Yɛkɔɛ ɔshɛ̃ nɔ! Kplayɛ ɔsɔ!” Pilatio ebisi alɛ sɛ, “Ɛkpla wɔnɔ ekusi nɛ sɔ dza?” Kpayaɔzakɔ banɔkusi nɛ aɖɔ sɛ, “Ekusi kanyaka ama lɔ ahwɛ pɔ Kaizaro.”

Yohanɛsɛ 12:13

Bayɛkɔ inuwãmɔɛ klɛ bavɛ sɛ tɛ ba da tsyanɛ yɛ, nɛ egugu sɛ, “Hosanna!” “Tɛyuyula kɔ anɔ nɛ gɛ aba nɛ Apalete nɛ nyimɛ!” “Tɛyuyula kɔ Izraɛlanɛ Ekusi!”

Yohanɛsɛ 1:49

Ɔkɛlɛ Nataniɛl ebu aɖɔ sɛ, “Rabbi, wɔ nu Kpaya yɛ Yi, wɔ nu Ekusi nɛ Izraɛl.”

Luka 11:28

Ebuilɛnu asɛ, “Bayula bagɛ be nu Kpaya bui klɛ ba bhɛtɛ atrɔ kɛlɛ abha.”

Marko 10:40

pɔ tɛ ɔza mɛ kɛŋa mɛ nɛ kɛbɛtɛkpɛ mɛ xũ nɛ, ganɛ mɛ ba kɔ kɛlɛ. Ɛzakɔɛ lɛ nɛ lɛ kɔ bagɛ ba bala ɛlɛ elukɔ.”

Mateo 27:37

Nɛ yɛ kɛtɔkpu, ba ŋlɔ̃mɛ atrɔ asɛ: Yesu, Yuɖanɛ ekusi nɛ naa.

Mateo 25:23

“Apalete nɛ asɛ, ‘Ɔnaa bhɛtɛ, axwɛdɛ dzyɔgo gɛ ba ba yɛkɛ wɔa bha ŋa! Ɔza tɛyɛyɛkɛ ŋam nɛ kɛdɔ bhli nɛ gɛ ɛkɔ wɔ, ɛba yɛkɔ wɔ idzu ebui anɛ kɛdɔ gelee nu. Ba tɛ ɔbɔ mɔ same ɔplɛnɔ wɔ apalete!’

Mateo 21:5

“Tsre Zayɔnɛ Adzɛnuvɔɛ nɔ sɛ, ‘Di, wɔ ekusi na ba wɔbha, adɔfɔɔ̃ klɛ etsri kitukuaga nɛa bha, nɛ agaeyi nɛa bha, gɛ enu kitukuagaeyi.’ ”

Efesoanɛ 5:5

Alasɛ nɛ kibui nɛ shu nɔ bɔ yɛkɛŋa sɛ: Ebui manamana, ebui mabhuimabhui, kɛdɔ gbɛgbla pɛpɛɛ anɔ— anɔa nɛdi enu obudi elete—atɛ ba mɔ ɔŋakɔ nɛ Kristo anɛ Kpaya bukusi ɔŋa kɔ.

Mateo 25:40

“Ekusi nɛ ebe bui lɛ nu asɛ, ‘Ítsre nɔ kɛgba sɛ, kɛdɔnyɛdɔ nɔ bhɛtɛ kɔ anɔ bhli kanyaka nɛ madzyalɛa nɛ mɛ, mɛ nɔ bhɛtɛ kɔ.’

Marko 10:17

Gɛ Yesu agaa vɛ, anyɛ teli aba tɔnɔ yɛ klɛ ezhiakpla nɛ yɛ otugba. Ebisi asɛ, “Adɔkasɛ Dzyɔgo,” “kidee mɛ ɛba bhɛtɛ pɛ ɛba mɔ ɛkpã gɛ tɛ ba beke?”

Luka 11:50

Kɛlɛso tɛmumɔɛ nɛ banɔ ba be bisi denɔ balɛ ahwɛ mɛ batɔnu petee dzyosu gɛ bezi denɔ kanɔ nɛ kesikpɛkpɛ,

Yohanɛsɛ 17:24

“Aka, ɛpɛɛ sɛ bagɛ ɔkɔmɛ sɛ tɛ baza mɛ ɔbha nɛ ɔkɛlɛ gɛ ɛlɛ, klɛ tɛ ba mɔ kabhaŋɛŋa, kɛbhaŋɛŋa nɛ gɛ ɔkɔ mɛ alasɛ ɔdɛmɛnɔ mɛ flogo gɛ kanɔ bhɛbhɛtɛ ka kpɛesi.

Hebriuanɛ 1:14

Kpayaxwɛdɛ ganɛ bukpɛ la kpɛ alɛ sɛ tɛ ba dɛ axwɛ nɛ ɔfufɔɛ kɔ bagɛ ba ba mɔ tɛyɛyɛkɛ kɔ?