Mateo 25:32 - ONUGBÙ NYƐNYÃ VUVƆ

³² Amadi nɛ petee le be xogo nɛ yɛ amɛ, klɛ aba tsya banɔ nɛ mɛ ansɛ gɛ ibhoshi agbɛgbanɔ aba tsya ibhoshi ebu nɛ bepidzya nɛɛ shi.

Mateo 25:32 Referans Kwoze

Mateo 13:49

Kana kɛba za nɛ kibe bibeke nɛ mɛ. Kpaya baxwɛdɛ na ba ba klɛ le be bu atɔkpum gɛganɛ elete nɛ badzyɔgo nɛ shi

2 Kɔrintioanɛ 5:10

Alasɛ bulɔ petee bu ba wɔ̃ɛ nɛ Kristo kebhuikuklu kegbu nɛ amɛ, sɛ tɛ anɔ kanyaka aba yɛkɛ kɛgɛ lɛ kɔ yɛ kibelɛlɛ nɛ gɛ aza ishuidzya mɛ, kɛbadzi kɛdzyɔgo pɛnɔ kizizi.

Mateo 3:12

Yɛ, kawɛ̃sa nɛ kalɛ yɛ ahwɛmɛ, klɛ ebe ŋuse yɛ kedzripi, aba yalɛ yɛ agɔnɛ nɛ ada kpɛ owulem klɛ aba pɔɛ tɛhwɛ nɛ kifu gɛ tɛ ba ni di mɛ.”

Yohanɛsɛ 10:14

“Mɛ nu ibhoshi agbɛgbanɔ dzyɔgo, inyi mɛ ibhoshi klɛ mɛ ibhoshi nɛ nyi mɛ—

1 Kɔrintioanɛ 4:5

Kɛlɛso tɛ klu kebhui nɛ kɛdɔnyɛdɔ flogo gɛ kibe nɛ ba na, za po ɔdɔtɔnɔ kibe gɛ Apalete aba ba. Ebe bu amɛna ɔtɔ kɛgɛ be kpu nɛ otumui mɛ klɛ abe bu eyinɔ kɛgɛ kpasɛ Anɔdzyrame idzyi mɛ. Kibe lɛlɛ anɔnyanɔ aba yɛkɛ yɛ kabhakpɛkpɛ denɔ Kpaya kɔ.

Romanɛ 2:16

Kibui nɛ ba ba kɛlɛm nɛ kiwi nɛa bha gɛ Kpaya ebe kuluebhui nɛ banɔ nɛ ebuikpukpu ganɔ Yesu Kristoa bha, anasɛ gɛ mɛ kibuidzyɔgo nɛ buɖɔ.

Romanɛ 2:12

Banɔ nɛ petee gɛ ba bhɛtɛ kɛgɛ ma ɔshã nɛ mɛ, ba ba lɛla nɛ ɔshã nɛm maza maza, klɛ banɔ petee gɛ ba bhɛtɛ buzizi nɛ ɔshã nɛesi, ɔshã nɛ obo kuluebhui nɛ balɛ.

Yohanɛsɛ 10:27

Mɛ ibhoshi nɛ nu mɛ olimɛ, ɛnyi lɛ klɛ lɛ za mɛede.

Mateo 28:19

Kɛlɛ so, nɔ vɛ tɛ nɔ dɔ bhɛtɛ amadi nɛ petee tɛ le dzi badɔkpasɛ, tɛ nɔ kpɛ buni kɔ banɔ nɛ Aka anɛ Eyi nɛ nyi mɛ anɛ Ɔfufɔɛ dzyɔgo,