Mateo 25:31 - ONUGBÙ NYƐNYÃ VUVƆ

³¹ “Onu gɛ Anɔdzyrame yɛ Eyi nɛ aaba nɛ yɛ ishu bhuibhui mɛ, pɛ yɛ baxwɛdɛ nɛ peteea lɛ aplɛnɔ yɛ, ebe zhiza yɛ bukusiegbu nɛa bha nɛ owũsise nɛ ishu bhuibhui mɛ.

Mateo 25:31 Referans Kwoze

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.

Mateo 19:28

Yesu etsrea la sɛ, “Itsre nɔ kɛgba nɛ sɛ, nɛ kibe lɛ gɛ bebe tsodzini kɛdɔnyɛdɔ abhɛtɛ kɛ vuvɔ, gɛ Anɔdzyrame yɛ Eyi nɛ ebe zhi aza yɛ bukusiegbu gɛ kalɛ shu adanɛ nɛa bha, Wɔnɔa gɛ ɔlɛ mɛe de tsyɛ obo za bukusigbu lɔfɔnɛtubha nɛa bha, ozo klu bubhui nɛ Izraɛl amadi lɔfɔntabha.

Mateo 16:27

Alasɛ Anɔdzyrame yɛ Eyi nɛ aba ba nɛ Yaka ishu bhubhui mɛ nɛ yɛ baxwɛdɛ, klɛ aba buya kɛbhɛ kɔ anɔnyanɔ nɛ kana gɛ awa kɛxwɛ nɛ nu.

Marko 8:38

Onu gɛ mɛ anɛ kibui nɛ ba ku anɔ teli kɛwɛ̃, nɛ aglɔbui anɛ buzizi kanɔa nɛ mɛ, klɛ anɔɔ nɛ tsyɛ ebe ku Anɔdzyrame yɛ Eyi nɛ kɛwɛ̃ onu gɛ ebe ku nɛ yɛ Aka nɛ kabhakpɛkpɛ mɛ ɔplɛnɔ kpayaxwɛdɛ nɛ gɛ balɛ shu bhui.”

Yuɖa 1:14

Ɛnɔkɛ, egigenemi denɔ Aɖamu abha, aɖɔɛbuielu denɔ banɔa nɛ shu asɛ: “Di, Apalete nɛ aaba nɛ yɛ banɔ nɛ gɛ balɛ shu bhui nɛ akpã akpã mɛ

Yohanɛsɛ 1:51

Kɛlɛ azaɖɔ sɛ, “Itsre nɔ kibui gbɛagba sɛ nɔ bɔ mɔ owũsise lɔ bɔ danɛ klɛ Kpaya yɛ baxwɛdɛ ba baza ewu klɛ baza ezhi aba nɛ Anɔdzyrame Yi nɛabha.”

Luka 9:26

Onugɛ anɔ teli kɛwɔɛ̃ ku yɛ nɛ mɛ nɛ̀ mɛ ebui, Anɔdzyrame yɛ Eyi ebe si yɛ wɔɛ̃ kibe lɛ gɛ aba nɛ yɛ kabhakpɛkpɛ anɛ Aka nɛ̀ kabhakpɛkpɛ anɛ baxwɛdɛnɛ gɛ balɛ shu bhui.

Tɛbubukasɛ 20:11

Ɔkɛlɛ mɛ mɔ kekeusigbu gbɛgbla fufu tieli anɛ anɔ nɛ gɛ edzia lɛa bha. Kesukpa anɛ owũsise ɔshɛ nɛ yɛ amɛ, klɛ ɔkɔnyɔkɔ ɔdɔɔ za kɔa lɛ.

Tɛbubukasɛ 3:21

Aanɔ nɛ gɛ aŋɛabha, ɛba kɔ yɛ kidzo sɛ tɛ aza mɛ kegbu nɛa bha plɛnɔ mɛ, ansɛ kana gɛ ɛŋɛabha klɛ mɛ zhiza Maka kegbu nɛa bha plɛnɔ yɛ.

Marko 14:62

Yesu ebui lɛ bunu asɛ, “Mɛnu Kristo.” “Klɛ nɔ bɔ mɔ Anɔdzyrame yɛ Eyi nɛ gɛ ezhiedzi Agbɛgbladɛ nɛ kɛŋam gɛ aaba denɔ ɔmunɔ nɛ mɛ nɛ owũsise.”

Mateo 26:64

Yesu ebu aɖɔ asɛ, “Ee, kɛlɛ ansɛ gɛ ɔɖɔ, pɔ itsre nɔ petee sɛ: Nɛ otugba mɛ nɔ bɔ mɔ Anɔdzyrame yɛ Eyi nɛ gɛ ezhidzi Agbɛgbladɛ nɛ kɛŋa mɛ gɛ aga ɔmunɔm aaba denɔ owũsise.”

Hebriuanɛ 1:8

Pɔ denɔ yɛ Yi nɛ shu aɖɔ sɛ, “Wɔ bukusiɔŋakɔ, O Kpaya, bu ba za mabeke nɛ mabeke, klɛ kɛdzyɔgo bhɛbhɛtɛ ba dzi osivuvu nɛ wɔ bukusiɔŋakɔ.

1 Tɛsolonianɛ 4:16

Alasɛ Apalete nɛ nahwɛ ebe zhi ede owũsise aba, nɛ tɛxũxlɔ̃nɔ gɛganɛ, nɛ axwɛdɛgbla ogugu anɛ Kpaya kɛdɔkuklua xũlɛ̃, klɛ bagɛ be tsi nɛ Kristo mɛ be be bhuso lɔ.

Axwɛwɛwa 1:11

Banɔ nɛ asɛ, “Galelianɛ mɔ, kide no li kititi nɛ ɔkɛŋ pɛ no zoo di kɛlɛm ana? Yesua nɛ gɛ ba yɛkɔ ashɛ̃nɔ avɛnɔ owũsise nɛ wɔnɔ ɔbha, ebe tsodzi aba ansɛ kana gɛ nɔ mɔ yɛ gɛ ashɛ̃ avɛ owũsise.”

Luka 22:69

Pɔ denɔ ɔtsɔ ɔvɛnɔ, Anɔdzyrame Yi aba za Kpaya gbɛgbla nɛ kɛŋa nɛ mɛ.”

Mateo 25:6

“Nɛ elishi nɛ shitibha ogugu oyi sɛ, ‘Adzɛenyine nɛ naa! No koeyi ɔba tɛ nɔ bɔ tsyanɛ yɛ mɔ!’

1 Tɛsolonianɛ 3:13

Kɔ yɛ agɛganɛ wɔnɔ idzyi sɛ tɛ kɛpɔ tɛ za nɔ shu tɛ wɔnɔ shu bhui nɛ bulɔ Kpaya anɛ Aka nɛ amɛ kibe lɛ gɛ bulɔ Apalete Yesu aba ba nɛ yɛ banɔ gɛ balɛ shu bhui nɛ petee.

Hebriuanɛ 9:28

so Kristo akɔ yɛ be yi yɛ bu yi trukpo sɛ tɛ ebu banɔ gelee ebuizizi nalɛ shu, klɛ azia ba bubhla, ganɛ sɛ tɛ aba bhɛtɛ kibuinyɛbui denɔ ebuizizi shu, pɔ amɛna ishu bhubhuiyɛkɛ kɔ bagɛ be po yɛ.