Mateo 25:21 - ONUGBÙ NYƐNYÃ VUVƆ

²¹ Yɛ apalete nɛ asɛ, ‘Wɔ naa bhɛtɛ, axwɛdɛ dzyɔgo gɛ ba ba yɛkɛ wɔa bha ŋa! Ɔza tɛyɛyɛkɛ ŋa mɛ nɛ kɛdɔ bhli nɛ gɛ ɛkɔ wɔ, ɛba yɛkɔ wɔ idzu ebui anɛ kɛdɔ gelee nu. Ba tɛ ɔbɔ mɔ same ɔplɛnɔ wɔ apalete!’

Mateo 25:21 Referans Kwoze

Mateo 25:23

“Apalete nɛ asɛ, ‘Ɔnaa bhɛtɛ, axwɛdɛ dzyɔgo gɛ ba ba yɛkɛ wɔa bha ŋa! Ɔza tɛyɛyɛkɛ ŋam nɛ kɛdɔ bhli nɛ gɛ ɛkɔ wɔ, ɛba yɛkɔ wɔ idzu ebui anɛ kɛdɔ gelee nu. Ba tɛ ɔbɔ mɔ same ɔplɛnɔ wɔ apalete!’

Luka 16:10

“Agɛ yɛ abha lɛ yɛkɛŋa nɛ kɛdɔ bhliyi mɛ ba bayɛkɛ yɛ kabhaŋa nɛ kɛgbɛagba mɛ tsyɛ, klɛ agɛ batɛ bayɛkɛ yɛ abhaŋa nɛ kibhliyi mɛ batɛ bayɛkɛ yɛabha ŋa nɛ kɛgbɛgbla mɛ tsyɛ.

Yohanɛsɛ 12:26

Anɔ nɛ gɛ aba dɛ xɔɛ kɔ mɛ alasɛ tɛ aza mɛede, ɔkɛlɛ gɛ ɛlɛ, mɛ axwɛdɛ nɛ tsyɛ ɔkɛlɛ aba za. Mɛ Aka aba kpɛ agɛ adɛ xwɔɛ kɔ mɛ nɛ nyi nɛabha.

2 Timotio 2:12

onu gɛ bu dzrɔ nɛ kɛlɛ shu, bu ba ŋa kabha nɛ yɛ tsyɛ. Onu gɛ bu shɛ̃nahwɛ yɛ shu, yɛ tsyɛ aba shɛ̃nahwɛ bulɔ shu;

Tɛbubukasɛ 3:21

Aanɔ nɛ gɛ aŋɛabha, ɛba kɔ yɛ kidzo sɛ tɛ aza mɛ kegbu nɛa bha plɛnɔ mɛ, ansɛ kana gɛ ɛŋɛabha klɛ mɛ zhiza Maka kegbu nɛa bha plɛnɔ yɛ.

Yohanɛsɛ 14:3

Klɛ onugɛ ɛvɛ klɛ ɛda bala ɔzakɔ kɔ nɔ, Ɛba tsodzi ba klɛ ɛba gbanɛ nɔ vɛnɔ tɛ nɔ dɔ za mɛ ɔbha tɛ wunɔ tyɛ nɔ za ɔkɛlɛ gɛ ɛlɛ.

Yohanɛsɛ 17:24

“Aka, ɛpɛɛ sɛ bagɛ ɔkɔmɛ sɛ tɛ baza mɛ ɔbha nɛ ɔkɛlɛ gɛ ɛlɛ, klɛ tɛ ba mɔ kabhaŋɛŋa, kɛbhaŋɛŋa nɛ gɛ ɔkɔ mɛ alasɛ ɔdɛmɛnɔ mɛ flogo gɛ kanɔ bhɛbhɛtɛ ka kpɛesi.

Tɛbubukasɛ 2:10

Ti si kifu nɛ butɔ nɛ gɛ ɔbɔ mɔ. Itsre wɔ, ɔfufɔɛkpã nɛ ɔbɔ yɛkɔ wɔnɔ beteli ɔkpɛ buvu sɛ tɛ lo feke nɔ odi, klɛ nɔ bɔ tɔ nɛ tɛkpɛkpatɔnɔ mɛ nɛ ewi lɔfɔ mɛ. Nɔ za tɛyɛyɛkɛŋa mɛ, ɔyɛkɔ ɔdɔ nanɔ butsi fãa, klɛ mɛ ba kɔ wɔ ɛkpã kabhaŋɛŋa kikutu.

Mateo 24:45

“Kɛlɛ anee yɛ enu axwɛdɛ gɛ tɛyɛyɛkɛŋa lɛ yɛahwɛ klɛ enyi bui, gɛ yɛahwɛ apalete nɛ ayɛkɔ baxwɛdɛ nɛ akpɛ nɛ yɛ bupa nɛ mɛ sɛ tɛ aza kɔa lɛ kɛŋɛŋa nɛ ɔɖɔ dzyɔgo nɛ mɛ?

Filipianɛ 1:23

Ɛwɔ kɛdɔ tɛbha nɛ shi: Ɛpɛɛ sɛ tɛ ɛshɛ klɛ tɛ ɛvɛ da za Kristo ɔbha, gɛ kɛlɛ lɛ nɛ pɛ̃ kɔ mɛ dɛ;

Tɛbubukasɛ 7:17

Alasɛ Obhoshieyi nɛ bukusiegbu nɛ shitɛbha nɛ obo dzi balɛ agbɛgbanɔ; aba gbanɔa lɛ avɛnɔ beni lulu gɛ koeyi nɛ tisi mɛ ɔbha. Klɛ Kpaya ebe tsru ɛwɔ̃mɛ nyɛ wɔ̃mɛ ebu nɛ balɛ anhũ mɛ.”

Romanɛ 2:29

Ao, anɔ enu Yuɖaeyi gɛ onu nɛ kɛmɛ mɛ; klɛ bunyɛnyɛ bhubhui nu bunyɛnyɛ bhubhui kɔ idzyi, ganɔ Ɔfufɔɛ mɛ, ganɛ ganɔ ɔshãeplukpam. Anɔa lɛlɛ nɛ di nɛ kabhakpɛkpɛ nɛ di de banɔ ɔkɔ, pɔ kide Kpaya ɔkɔ.

Luka 12:44

Itsre nɔ kibui gbɛagba, aba yɛkɔ axwɛdɛ alɛlɛ edzu yɛ axwɛ nɛ petee nu.

Mateo 25:46

“Ɔkɛlɛ la ba shɛ avɛ ede tsoku batɔtɛtɛta mabeke mabeke mɛ, pɔ banɔnɛna na ba vɛ ɛkpã mabeke mabekemɛ.”

Mateo 24:47

Itsre nɔ kɛgba sɛ, aba yɛkɔ yɛ edzu yɛ kɛnɔmɛdɔ petee nu.

Tɛbubukasɛ 21:7

Aanɔ nɛ gɛ aŋɛabha aba mɔ ɔŋakɔ nɛ anɛ nɛ peteem, klɛ ɛba dzi yɛ Kpaya klɛ ebe dzi mɛ eyi.

Hebriuanɛ 12:2

Nɔ kɔ lɔ yɛkɔ bulɔ awɔ̃hu trɔ Yesu abha, yɛ lu tɛyɛyɛkɛŋa nɛesi klɛ abhɛtɛ lɛ kɛna. Gɛ enyi same nɛ gɛ alɛ otugba kɔ yɛ so, evu idzyi akpɛte amɔ butɔ nɛ butsiosi shu, klɛ ayɛ kɛ ɔlɛ kɛwɔɛ̃, klɛ ada za Kpaya kegbu nɛ kɛŋa nɛ mɛ.

2 Kɔrintioanɛ 10:18

Alasɛ ganɛ anɔ nɛ gɛ akpɛ yɛ shu nɛabha yɛ abha la trɔahwɛ, pɔ anɔ nɛ gɛ Apalete akpɛ nɛabha.

1 Kɔrintioanɛ 4:5

Kɛlɛso tɛ klu kebhui nɛ kɛdɔnyɛdɔ flogo gɛ kibe nɛ ba na, za po ɔdɔtɔnɔ kibe gɛ Apalete aba ba. Ebe bu amɛna ɔtɔ kɛgɛ be kpu nɛ otumui mɛ klɛ abe bu eyinɔ kɛgɛ kpasɛ Anɔdzyrame idzyi mɛ. Kibe lɛlɛ anɔnyanɔ aba yɛkɛ yɛ kabhakpɛkpɛ denɔ Kpaya kɔ.

2 Kɔrintioanɛ 5:9

So bu yɛkɔ trɔ bulɔ shu sɛ bu babhɛtɛ tɛ kiku yɛ awɔ̃, kɛbɛlɛmɛ sɛ kepi lɔ lɛ nɛ ishuidzya mɛ pɛnɔ bu koeyi nɛ lɛ mɛ.

1 Timotio 3:13

Bagɛ ba dɛxwɛ mɔmɔ nɛ aba mɔ ɔzakɔ dzyɔgo nɛ kidzoenudidi gbla nɛ balɛ tɛyɛyɛkɛŋa nɛ Kristo Yesu mɛ.