Mateo 25:1 - ONUGBÙ NYƐNYÃ VUVƆ

¹ “Nɛ kibe lɛ nɛ mɛ owũsise bukusiɔŋakɔ nɔ bɔ za ansɛ badzɛ lɔfɔ gɛ ba yɛkɔ balɛ bakanɛgbɛ pɛ be koeyi avɛ sɛ tɛ ba da tsyanɔ adzɛenyine.

Mateo 25:1 Referans Kwoze

Tɛbubukasɛ 19:7

Nɔ kɔ lɔ wɔ tɛ bu mɔ same klɛ tɛ bu kpɛ yɛ nɛa bha! Alasɛ Obhoshieyi nɛ gbanɔwi nɛ tɛ ba, klɛ yɛedzini nɛ atɛ bala yɛ shu elu.

Tɛbubukasɛ 21:9

Kpayaxwɛdɛ tɛegene nɛ ɔmɛayɛ teli gɛ evunɔ busugba tugene nɛ gɛ yuku nɛ batɔ tiegene nɛ aba klɛ aɖɔ etsrem asɛ, “Ba, ɛba kasɛ wɔ adzɛ nɛ gɛ bakpɛ bunuwã, gɛ enu Obhoshieyi nɛ yɛedzini.”

Tɛbubukasɛ 21:2

Ɛmɔ Ishubhuibhui Ɔmagbla, gɛ onu Yerusalɛm vuvɔ, gɛ ozhide Kpaya ɔkɔ nɛ owũsise ɔɔba, gɛ ba bala kɔ ɔlɛ ansɛ adzɛ pupudi gɛ ba kpɛ bunuwã gɛ ba bala yɛ akɔ yɛenyine.

Yohanɛsɛ 3:29

Anyɛedzini enu adzɛnyine nɛ́ ayɛ. Ɔbhɛya nɛ gɛ alɛ adzɛnyine nɛ shu epo klɛ atatɔ nɛ yɛ klɛ eyuku nɛ same kɛbelɛlɛ gɛ enu adzɛnyinɛ nɛ kaɖɔɖuɖɔ. Same alɛlɛ enu mayɛ, klɛ ɔtsɔ̃nɛ kɛna.

Mateo 13:24

Yesu aza kpɛ kɛkpalɛ bhlatɔ akɔa lɛ asɛ: “Owũsise bukusiɔŋakɔ nɛ ɔsɔnɔ ansɛ anɔ gɛ avɛ yɛ buya mɛ klɛ ada hwɛ kɛdɔeyi dzyɔgo.

Tɛbubukasɛ 14:4

Balɛ enu banɔ nɛ gɛ be di zi ishu nɛ badzɛ, alɛasɛ balɛ ba nyɛna shu klɛ balɛ shu bhui. Ba za Obhoshieyi nɛede nɛ ɔkɔnyɔkɔ gɛ lɔ vɛ. Be dzi balɛ ebu denɔ banɔ mɛ klɛ ba yɛkɔa lɛ akɔ ansɛ isieyuyu tutɔpu kɔ Kpaya anɛ Obhoshieyi.

Titusɛ 2:13

nɛ kibe lɛ gɛ bu dzi zi po kidzoenudidi yuyula, nɛ bulɔ Kpaya gbla anɛ Yesu Kristo Agɛ ayɛkɛ kɔ lɔ, nɛ tɛwɛwɛ̃,

Mateo 22:2

“Owũsise bukusiɔŋakɔ nɛ odzi ansɛ gɛ ekusi abala adzɛ ɔgbanɔkɔ akɔ yɛ eyianyɛ.

2 Timotio 4:8

Ɔtsɔ̃ nɛɛ tɛzɛzamnɛna kikutu nɛ lɛ kɛdɔ ɔbalakɔ kɔ mɛ, gɛ Apalete, ebhuiklu nɛna, nɛ aba yɛkɔ akɔ mɛ nɛ kiwi lɛ nɛa bha—klɛ ganɛ kɔ mɛ tite, pɔ kɔ banɔ nɛ petee gɛ bee di kidzoenu kɔ yɛ tɛwɛ̃wɛ̃ nɛ tsyɛ.

Mateo 3:2

klɛ aaɖɔ asɛ, “Tsyinaɛtem, alasɛ owũsise bukusiɔŋakɔ nɛ otsobunɔ.”

1 Kɔrintioanɛ 11:2

Ɛkpɛ nɔ nyinɛabha gɛ nɔ baka mɛ bui nɛ kɛkanyaka mɛ klɛ mɛ nyɛna kɛdɔkɛkasɛ nɛ mɛ vunɔ, anasɛ gɛ ɛyɛkɔ kpɛ nɔ ahwɛ.

Mateo 20:1

Yesu avɛ kɛlɛa bha sɛ, “Alasɛ owũsise bukusiɔŋakɔ nɛ ɔlɛ ansɛ kesukpaelete teli gɛ alɔ kɛvulɔ pinii avɛ sɛ tɛ ada pɛɛ banɔ tɛ ba da wa kɛxwɛ kɔ yɛ nɛ buya mɛ.

Mateo 13:47

Kana ke, owũsise bukusiɔŋakɔ nɛ odzi ansɛ kenimdzikle gɛ ba tɛa kpɛ kɛvɔm pɛ ebu akpã edidedi.

Mateo 13:38

Buya nɛ mɛ bulɛ nu kanɔ nɛ mɛ, klɛ eyi dzyɔgo nɛ alɛ nu bukusiɔŋakɔ nɛ mɛ bee yi. Tɛwa nɛ klɛ nu ezizi nɛ yeyialɛ,

Tɛbubukasɛ 4:5

Denɔ kegbu nɛa bha nɛɛ owũsisefu ɛmuɛ tili de, ili mɛ anɛ subhalɛlɛ. Nɛ bukusiegbu nɛ otugba, kanɛgbɛ tiegene dzi aza tã. Balɛ nu Kpaya ɛfufɔɛ tigene.

2 Kɔrintioanɛ 11:2

Ɛwlãnkɛ abha nɛ wunɔɛ tɔkpu nɛ Kpaya. kabhawuwlãnkɛ. Ɛɖɔ anyɛ terikpo bui lu kɔ wɔ, kɔ Kristo, sɛ tɛ ɛba yɛkɔ wɔ kɔ yɛ anasɛ adzɛ gɛ etinyi anyɛ.

Mateo 9:15

Yesu ebui lɛ nu asɛ, “Klɛ adzɛenyine befu ebe ze bi yɛ nɛ kibe lɛ gɛ alɛ balɛ ɔbha? Kibe tili baa ba gɛ ba ba nyɛna adzɛenyine nɛ agbanɔ ashɛ̃nɔ nɛ balɛ ɔbha, ka ba nya onugbue.

Mateo 5:16

Kana kidzoɛ lɛ nɛa bha ke, nɔ kɔ wɔnɔ kifu nɛ deke nɛ banɔa mɛ, sɛ tɛ bamɔ wɔnɔ kibuigba bhɛbhɛtɛ klɛ tɛ ba kpɛ wɔnɔ Aka nɛa bha nɛ owũsise.

Axwɛwɛwa 20:8

Bakanɛgbɛ gele aza kabhavu nɛm nɛ ɔklɛ gɛ buu tsya kɛtɔkpu.

Mateo 13:31

Yesu aza kpɛ kɛkpalɛ bhlatɔ asɛ: “Owũsise bukusiɔŋakɔ nɛ odzi ansɛ eyixwɛtsɛ, gɛ anɔ teli ada ɖa nɛ yɛ buya mɛ.

Mateo 25:7

“Ɔkɛlɛ badzɛ nɛ gɛ ti nyianyɛ ne vualɔ klɛ le deke balɛ bakanɛgbɛ.

Yohanɛsɛ 18:3

Kɛlɛso Yuɖasɛ aba buya lɛlɛ nɛ mɛ, agbanɛ keyutugbani nɛ baxwɛwa denɔ kpayaɔzakɔanɔ gbla anɛ Farisianɛ ata shu. Be vunɔ ɛbɛya, bakanɛgbɛ ne keyuitadɔ.

Tɛbubukasɛ 8:10

Kpayaxwɛdɛ tramɛ nɛ abɔ yɛa xũlɛ̃, klɛ kɛwũwɔɛ gbla tili, gɛ tã ansɛ ɔbɛya, ɔwɔlɛ denɔ owũsise nɛ ɔbɔ dɔ bunikekpu nɛ petee mɛa pɛ zɛzɛ nɛ bupɛ tuta mɛ nɛ beni nɛ gɛ yi koeyi nɛ tisi mɛ—