Mateo 24:30 - ONUGBÙ NYƐNYÃ VUVƆ

³⁰ “Nɛ kibe lɛ nɛ mɛ Anɔdzyrame yɛ Eyi nɛ kɛdɔmumɔ nɛ ba wɛ̃ nɛ owũsise, klɛ amadi petee nɛ kesukpa nɛa bha na be tsishu. Ba ba mɔ Anɔdzyrame yɛ Eyi nɛ ɔmunɔ nɛ mɛ gɛ ede owũsise nɛ aaba, nɛ kemi anɛ ishubhubhui gbɛgbla mɛ.

Mateo 24:30 Referans Kwoze

Tɛbubukasɛ 1:7

Di! aaba nɛ ɔmunɔ, klɛ kɛwɔ̃hũ nyɛwɔ̃hũ ba mɔ yɛ, bagɛ ba shɔ yɛ dɔ nɛ tsyɛ, klɛ banɔ nɛ petee nɛ kesukpa nɛa bha nɛ ba za anhũdzɛdzam ɔkpɛ yɛ so. So kana kɛ ba za! Tɛlɛbɛlɛm.

Axwɛwɛwa 1:11

Banɔ nɛ asɛ, “Galelianɛ mɔ, kide no li kititi nɛ ɔkɛŋ pɛ no zoo di kɛlɛm ana? Yesua nɛ gɛ ba yɛkɔ ashɛ̃nɔ avɛnɔ owũsise nɛ wɔnɔ ɔbha, ebe tsodzi aba ansɛ kana gɛ nɔ mɔ yɛ gɛ ashɛ̃ avɛ owũsise.”

Mateo 26:64

Yesu ebu aɖɔ asɛ, “Ee, kɛlɛ ansɛ gɛ ɔɖɔ, pɔ itsre nɔ petee sɛ: Nɛ otugba mɛ nɔ bɔ mɔ Anɔdzyrame yɛ Eyi nɛ gɛ ezhidzi Agbɛgbladɛ nɛ kɛŋa mɛ gɛ aga ɔmunɔm aaba denɔ owũsise.”

Luka 21:27

Nɛ kibelɛlɛ nɛ mɛ ba ba mɔ Anɔdzyrame Yi gɛ àba nɛ ɔmunɔ nɛ mɛ, nɛ́ kemi nɛ̀ ishudɛdanɛ gbɛgbla mɛ.

Mateo 24:3

Gɛ Yesu ezhidzi Olivɛ butu nɛa bha, yɛ badɔkpasɛ nɛ aba yɛ ɔbha nɛ tɛkpukpum. Klɛ ba ɖɔ asɛ, “Tsre lɔ, ” “kibe ɖueɖu mɛ kibui nɛ ba ba kɛlɛ mɛ, klɛ kide gɛ ba dzi wɔ tɛbɛba nɛ kɛdɔmumɔ nɛ kibe nɛ tibibeke mɛ?”

2 Tɛsolonianɛ 1:7

klɛ aba kɔ wɔnɔagɛ nɔ tɔ nɛ bumuene, klɛ kɔ bulɔ tsyɛ. Kibui nɛ ba ba kɛlɛ mɛ nɛ kibe lɛ gɛ be be bu Apalete Yesu nɛ akasɛ denɔ kifu ɔlɛklɛmɛ nɛ mɛ nɛ owũsise ɔplɛnɔ yɛ kpaya baxwɛdɛ gɛganɛ.

Marko 13:26

“Nɛ kibee lɛ nɛ mɛ banɔ aba mɔ Anɔdzyrame yɛ Eyi nɛ gɛ aaba denɔ ɔmunɔ nɛ mɛ nɛ kemi gɛganɛɛ nɛ same mɛ.

Luka 22:69

Pɔ denɔ ɔtsɔ ɔvɛnɔ, Anɔdzyrame Yi aba za Kpaya gbɛgbla nɛ kɛŋa nɛ mɛ.”

Marko 13:4

“Tsre bulɔ, kibee nɔ nɛ gɛ ebuia nɛ aba ba klɛ mɛ? Klɛ kide gɛ ba dzi kɛdɔmumɔ sɛ, kibe nɛ kɛna gɛ ebuia nɛ aba ba klɛ mɛ?”

Mateo 24:37

Anasɛ gɛ kɛza nɛ Nowa kibe, kana kɛba za nɛ Anɔdzyrame yɛ Eyi nɛ tɛ bɛ ba mɛ.

Mateo 24:39

klɛ be di ti kibuinyɛbui denɔ kɛ gɛ baa ba nɛ shu, ɔdɔ nanɔ kibe lɛ gɛ buni nɛ ba gbɛgba klɛ bu yɛkɔ balɛ petee ashɛ̃nɔ. Kana kɛba za nɛ Anɔdzyrame yɛ Eyi nɛ tɛ bɛba mɛ.

Tɛbubukasɛ 12:1

Kɛdɔmumɔ gbla gɛ bhɛtɛ bi kɛwɛ̃ nɛ owũsise: adzɛ gɛ ba yɛkɔ kiwi enyumu akɔ ansɛ kɛpɔtɛ, ɔplɛnɔ wele nɛ yɛ butsrukpɔe si klɛ awɛ̃wɛ̃ lɔfɔntabha bukusikutu tsri yɛ ada mɛ,