Mateo 24:24 - ONUGBÙ NYƐNYÃ VUVƆ

²⁴ Alasɛ itro be Kristo nɛ itro batɔnu nɛ ba ba wɛ̃ klɛ ba ba bhɛtɛ kɛdɔmumɔ gbɛgbla nɛ ebui gɛ abhɛtɛ bi sɛ tɛ ba yɛkɔ awɛɛ bagɛ be klu nɛ tsyɛ—onu gɛ kɛ ba kɛlɛ mɛ ana.

Mateo 24:24 Referans Kwoze

Marko 13:22

Alasɛ Kristo itroayɛ anɛ batɔnu itroa yɛ nɛ be koeyi klɛ ba baa bhɛtɛ ebuimumɔ anɛ ebuiyiyinɔ anɔ, sɛ tɛ ba yɛkɔ awɛɛ bagɛ be kulu, onu gɛ kɛɛ ba za bɔbɔɛbɔɛ.

Mateo 24:11

klɛ itro batɔnu gelee ba baa wɛ̃ klɛ la ba wɛɛ banɔ gelee.

Mateo 7:15

“No lu awɔ̃ nɛ itro batɔnu. Baa ba wɔnɔ amɛ nɛ ibhoshi buplukpa kɛdɔnyunyumu mɛ, pɔ nɛ kɛmɛ, be nu ayakpam bukudzɔgɛ tsutsɔmɔ.

Mateo 24:5

Alasɛ banɔ gelee ba baa ba nɛ mɛ kinyi mɛ, aza ɖɔ asɛ, ‘mɛ nu Kristo,’ klɛ ba baa wɛɛ banɔ gelee.

2 Petro 3:17

Kɛlɛso, ɛbhɛya mumɔa, nɛ kɛbelɛlɛ nɛ gɛ nɔ tɛ ti kibuinɛ, nɔ zanawɔ̃ sɛ tɛ banɔ gɛ ba taa bhɛtɛ ɔshã abha na ba ga kitoa bha agbanɔ nɔ nɛ wɔnɔ ɔzakɔ dzyɔgo.

Tɛbubukasɛ 19:20

Pɔ be vu agavuga, ɔplɛnɔ otro atɔnu nɛ gɛ abhɛtɛ ebuimumɔ nɛ gɛ abhɛtɛ bi nɛ yɛ nu. Ɔyɛkɔ plɛnɔ ebui mumɔa nɛɛ alɛ ayɛkɔ awɛ bagɛ ba yɛkɛ agavuga nɛ ebi pɛ ba kpɛ kɛtɔkpuesi kɔ yɛ abhubhɔ. Ba yɛkɔ batɛabha nɛ atɛ̃ elulu akpɛ kɛklãgbui fui vɔ nɛ mɛ.

1 Yohanɛsɛ 5:18

Bu nyi sɛ anɔnyanɔ gɛ ba mɔ nɛ Kpaya mɛ ata za lɛabha abhɛtɛ kibui kpã, agɛ yɛ la mɔ nɛ Kpaya mɛ akpɛ buka akana yɛ, klɛ ɔfufɔɛ kpã nɛ lɔ tɛ bɔ bhɛtɛ yɛ kizizi.

2 Timotio 2:19

Pɔ, Kpaya kesikpɛkpɛ nɛna nɛ keli gɛganɛɛ, gɛ ba da kɛlɛ adɛda nɛ gɛ ba ŋlɔmɛ atrɔ yɛabha sɛ: “Apalete nɛ enyi bagɛ be nu yayɛalɛ,” klɛ, “Anɔnyanɔ gɛ ebu Apalete nɛ nyi aɖɔ, alasɛ tɛ etsodzi nɛ kɛtɔkpu mɛ gɛganɛe de.”

Yohanɛsɛ 6:39

Klɛ kɛɛ nɛ kɛlɛ nu agɛ akpɛ mɛ nɛ tɛpɛpɛɛ, sɛ ɛtɛ lɛla bagɛ balɛ petee akɔ mɛ, pɔ tɛ ɛnyɛmɛ alɛ nɛ kiwui gugɔɛ nɛabha.

Yohanɛsɛ 6:37

Banɔ nɛ petee gɛ Kpayɛa akɔmɛ ba baba mɛ ɔkɔ, klɛ anɔnyanɔ gɛ aba mɛ ɔkɔ ɛtɛ ba kɛkɛ yɛ.

1 Petro 1:5

ganɔ agɛ tɛyɛyɛkɛŋaɛ abha Kpaya kemi kakpɛ buka kpɛ ɔdɔtɔnɔ kibe nɛ gɛ tɛbhubhuiyɛkɛ kɔ ba kɛlɛ nu tɛbubukasɛ nɛ kibe gugɔɛ nɛabha.

Galatianɛ 4:15

Kide kɛlɛba nɛ wɔnɔ same petee gɛ nɔ mɔ nɛ shu? Ɛba na ɖɔ sɛ, onugɛ nɔ bɔ bhɛtɛ ana, nɔ tɔkpa wɔnɔ aŋɔhu nɔbu klɛ nɔ tɔ kɔ alɛ ɔkɔ mɛ.

Romanɛ 12:18

Kɛɛ baza bubuɔɛbɔɛ, nɛ kɛ lɛ nɛ gɛ kɛ lɛ nɛ wɔkɔ, za ishuyuyɔm nɛ anɔnyanɔ.

Axwɛwɛwa 20:16

Paolo atɛ trɔ sɛ aba za kenia bha opupum ada fla Efesos sɛ tɛ ete de zi kibe nɛ Asia kɛdɔ nɛm, alasɛ anawɔ̃ sɛ tɛ ede ku Yerusalɛm, onu gɛ kɛ ba dɔ nɛ Pentekoste kiwi nɛa bha.

Mateo 22:14

“Alasɛ be kulu banɔ gelee, pɔ tɛashɛ̃ ko be bu nɛ balɛ mɛ.”

Mateo 24:22

Otɔsɛ ganɛ bubhui le bhui ewi alɛ nɛa bha agɔ, anɔnyanɔ agɛ ta fla gɔ, pɔ nɛ agɛ be ti bu kɔ lɔ nɛ so, ewi alɛlɛ nɛa bha aba tsɛ.

Mateo 24:25

Di, ɛtɛ tsre nɔ kpɛ otugba.

Mateo 24:31

Klɛ aba kpɛ yɛ baxwɛdɛ nɛ buxulɔ̃ɛ bubɔ gɛganɛɛ kɛdɔ kukulu, klɛ be be xogo yɛ banɔ nɛ gɛ ebu nɛ alɛ talɛ̃ nɛ mɛ, denɔ owũsise nɛ obekekɔ ɔyɛkɔ vɛnɔ ɔgɔgɔɛkɔ.

Luka 18:7

Klɛ ɔyɛkɛŋa sɛ Kpaya atɛ bamɛna kebhuikuklu dzyɔgo kɔ yɛ banɔ kuklu, gɛ ba kpɛ ogugu kɔ yɛ kelizɛza anɛ elishi? Aba za eze di alɛ ana ko?

Yohanɛsɛ 4:48

Yesu etsre ye asɛ, “Odi nu sɛ nɔ mɔ ebui nɛ gɛ eyinɔanɔ anɛ ebui gɛ abhɛtɛbi, nɔ tɛ bɔ yɛkɛŋa.”

1 Yohanɛsɛ 2:18

Banuvɔ mumɔa, ɔɖatɛta gugɔɛ mɛ na nɛ, klɛ anasɛ gɛ nɔ tɛ nu sɛ otrokristo aba, ɔtsɔ̃nɛ kuratsyɛ otrokristo atɛ ba. Kana lɔ nyi kɛ nu ɔɖatɛta gugɔɛ.

1 Yohanɛsɛ 2:22

Ane yɛ enu otroelete? Enu anɔ nɛ gɛ adaɛda sɛ Yesu enu Kristo. Anɔ alɛlɛ nɛ di yɛ nu otrokristo—yɛ adaɛda nɛ Aka anɛ̀ Eyi nɛ shu.