Mateo 24:14 - ONUGBÙ NYƐNYÃ VUVƆ

¹⁴ Klɛ ba ba ɖɔ bukusiɔŋakɔ kibui nɛ akana kanɔ nɛ mɛ petee ansɛ kibuimɔɖɔ kɔ amadi nɛ petee, klɛ flogo pɛ obekekɔ nɛ ɔbɔ ba.

Mateo 24:14 Referans Kwoze

Tɛbubukasɛ 14:6

Ɔkɛlɛ mɛ ɛmɔ kpayaxwɛdɛ bhlatɔ gɛ epruru gɛ adɛ vɛ kɛlɛ mɛ fanɔ, klɛ evunɔ ɛkpã mabeke mabeke anɛ kibuidzyɔgo sɛ tɛ aɖɔɛ lɛ etsre bagɛ be tsri kesukpa nɛa bha— kɔ kɛmadigbla kanyaka, amadibhli, bunuhu anɛ banɔ nɛ petee.

Romanɛ 10:18

Pɔ ibisi sɛ: Be di nu kibui? Kɛgba be nui lɛ asɛ: “Balɛ oli nɛm oti yi ɔvɛ kesukpa nɛa bha petee, balɛ ebuiɖuɖɔ la vɛ kanɔ nɛ ibekekɔ.”

Luka 24:47

klɛ kitemɛ tsyitsyina nɛ ebuizizi tsyitsye, ba baɖɔ nɛ yɛ nyimɛ kɔ amadi nɛ petee, kesikpɛkpɛ nɛ Yerusalɛm.

Koloseanɛ 1:23

onugɛ nɔ za wɔnɔ tɛyɛyɛkɛŋa abha, nɔ kpɛ kɛdɔesi nɛ́ tɛgɛganɛ, nɔ ti koeyi nɛ kidzoenudidi gɛ nɔ nyana nɛ kibui dzyɔgo nɛ mɛ. Kɛnɛ kɛlɛ nu kibui dzyɔgo gɛ nɔ nu klɛ kidzi kɛgɛ ba ɖɔ kɔ kɛdɔnyɛdɔ gɛ kɛ lɛ owũsise nɛesi, klɛ Mɛ, Paolo, ɛba dzi axwɛdɛ.

Mateo 10:7

Onu gɛ nɔɔ vɛ, nɔ ɖɔ kibui nɛ ɔsɛ, ‘Owũsise bukusi nɛ tɛ tsuba.’

Mateo 9:35

Yesu aga ɛma anɛ ɛmabhli nɛ petee mɛ, aakasɛ dɔ nɛ ixogokɔevu nɛ mɛ, klɛ aaɖɔ kibui dzyɔgo nɛ edenɔ bukusiɔŋakɔ nɛ shu klɛ eebeke banyanyanya nɛ banɔ mɛ.

Koloseanɛ 1:6

gɛ kɛ ba kɔ nɔ. Nɛ kanɔ petee mɛ kibui dzyɔgoɛ nɛ kiyu eyuyu klɛ kishe, anasɛ gɛ kɛbhɛtɛ nɛ wɔnɔɛ shi, dɛnɔ kiwui nɛ gɛ no nui lɛ klɛ nɛ nu Kpaya eshutukubui didi nɛ kɛlɛ gbam petee.

Mateo 24:6

No bo nu buyu anɛ buyutɛta kɛdɔ, pɔ no di klɛ ɔkɔ sɛ kɛtɛ hwanɛ nɔ. Alasɛ tɛ ebuia nɛ aba kɛlɛ mɛ, pɔ tɛbibeke nɛ mɛ lɛ gɛ baa ba.

Mateo 4:23

Yesu aga nyɔ ekoeyi nɛ Galelia, anɛ kɛdɔkɛkasɛ nɛ balɛ oxogokɔevu nɛm, kibui dzyɔgo nɛ tɛɖuɖɔ denɔ bukusiɔŋakɔ nɛ shu, klɛ ebeke banya nyaanya nɛ banɔ mɛ.

Axwɛwɛwa 17:6

Pɔ gɛ ba dɛ mɔa lɛ nɛɛ, bede vu Yasɔn nɛ tɛgbɛgbam anɛ badzya teli ayɛkɔa lɛ avɛnɔ ɔmagbla nɛ mɛ banɔ shishe nɛ ogugu kpɛkpɛ sɛ: “Banɔa nɛ gɛ ba mɛna butɔ nɛ kanɔ nɛ mɛ petee atsya balɛ be yi ɔkɛ̃ tsyɛ ɔtsɔ̃ naa,

Tɛbubukasɛ 3:10

Nɛ kibe lɛ gɛ ɔtɛ nyɛna mɛ tɛtutrɔ nɛ mɛ ovunɔ kɛdzyɛɛ so, mɛ tsyɛ ɛba nyɛna wɔ shɛnɔ nɛ ɔɖa nɛ mɛ gɛ ɔbɔ ba kɔ kebhui kuklu nɛ kanɔ nɛ petee tɛ ba yɛkɔ efeke bagɛ balɛ kesukpa nɛa bha nɛ edi.

Axwɛwɛwa 20:25

“Ɔtsɔ̃ nɛɛ, inyi sɛ wɔnɔ mɛayɛ nyɔmɛayɛ gɛ ɛɖɔ bukusi ɔŋakɔ kibui nɛ tsre na za ba mɔm.

Mateo 24:3

Gɛ Yesu ezhidzi Olivɛ butu nɛa bha, yɛ badɔkpasɛ nɛ aba yɛ ɔbha nɛ tɛkpukpum. Klɛ ba ɖɔ asɛ, “Tsre lɔ, ” “kibe ɖueɖu mɛ kibui nɛ ba ba kɛlɛ mɛ, klɛ kide gɛ ba dzi wɔ tɛbɛba nɛ kɛdɔmumɔ nɛ kibe nɛ tibibeke mɛ?”

Tɛbubukasɛ 16:14

Be nu satana ɛfufɔɛ gɛ bhɛtɛ ebui gɛ abhɛtɛbi, klɛ le koeyi tɔnɔ kanɔ mɛ bekusi nɛ petee, tɛ be xogoa lɛ akɔ keyu nɛ Kpaya Gbɛgbladɛ nɛ kiwigbla nɛa bha.

Luka 4:5

Abonsam nɛ agbanɛ yɛ ewunɔ avɛ ɔɖɛɖama ɔkɔ klɛ ɔkɛlɛ nɛ ko akasɛ yɛ kanɔmɛ bukusi petee.

Axwɛwɛwa 1:2

ɔkɔ dɔ nanɔ kiwi lɛ nɛ gɛ ba yɛkɔ yɛ avɛnɔ owũsise, nɛ kibe lɛ nɛ gɛ aɖɔ kɛxwɛ nɛ gɛ ba baa wa nɛ ganɔ Ɔfufɔɛ Dzyɔgo nɛa bha nɛ etsre yɛ banɔkpɛkpɛ gɛ eklu.

Axwɛwɛwa 11:28

Balɛ ɔmayɛ teli, gɛ be klu asɛ Agabus nɛ alɔ klɛ ganɔ Ɔfufɔɛ mɛ, aɖɔ elua sɛ bubhɛ tsutsɔmɔ tuli badɔ gɛ buba yɛkɛ Roma kanɔ nɛm petee. (Kibui nɛ bɛlɛm nɛ Klauɖius bukusi ŋabe.)

Mateo 18:19

“Ɛkaa ɖɔ sɛ, onu wɔnɔ tɛabha teli nɛ kesukpa nɛa bha nɔ dɛmɛ ɔtrɔ kɛdɔnyɛdɔa bha pɛ no bisi, mɛ Aka nɛ owũsise aba bhɛtɛ kɛlɛ akɔ nɔ.

Luka 2:1

Nɛ kibelɛlɛ Kaezaro Augusto akpɛ ɔshã sɛ ba kla banɔ nɛ Rɔma ɛma petee mɛ.

Marko 13:10

Klɛ alasɛ tɛ baɖɔ Kibui Dzyɔgo nɛ akpɛ otugba nɛ amadi nɛ petee mɛ.

Axwɛwɛwa 17:31

Alasɛ atɛ trɔ kiwi nɔ nɛ gɛ ebe klu kebhui nɛ kanɔ nɛ kɛgbam ganɔ anɔ nɛ gɛ eti bu nɛa bha. Atɛ trɔ kɛklãgbu nɛ ebuia nɛa bha kɔ banɔ nyanɔ ganɔ yɛ tɛfifeke denɔ butsi mɛ.”

Axwɛwɛwa 19:27

Ganɛ blɔ kedzi tɛzizi shu ko kifu lɛ, pɔ ɔyɛkɔ plɛnɔ nɛ obudidzɛ gbla Artemisɛ busɔlɛvu nɛ shu tsyɛ ba zi, klɛ nɛ obudidzɛ nɛ nahwɛ gɛ ba kpɛ kɛtɔkpue si kɔ nɛ Asia nɛ kanɔm petee ishubhubhui gbɛgbla nɛ ba xule.”

Hebriuanɛ 1:6

Klɛ ɔyɛkɔ plɛnɔ, gɛ Kpaya amɛna yɛyi tɛtɔpu nɛ kanɔ nɛ mɛ, aɖɔ sɛ, “Nɔ kɔ Kpaya baxwɛdɛ petee ba dɛ axwɛ kɔ yɛ.”

Hebriuanɛ 2:5

Ganɛ kpayaxwɛdɛ lakɔ kabhaŋɛŋa kanɔ gɛ ka tɛ ba, gɛ kalɛ shu aɖɔ lɔ ɖɔ.