Mateo 23:8 - ONUGBÙ NYƐNYÃ VUVƆ

⁸ “Pɔ ama sɛ be kulu nɔ asɛ ‘Adɔkasɛ,’ alasɛ Apalete terikpo ko yɛ alɛ wɔnɔ ahwɛ klɛ wɔnɔ petee no nu badzya.

Mateo 23:8 Referans Kwoze

Yakobo 3:1

Madzyalɛ mɔ, ganɛ wɔnɔ banɔ gelee balɛ alɛ asɛ tɛ ba bhɛtɛ shu ansɛ badɔkasɛ, alasɛ no nyi ɔsɛ bulɔa gɛ bu kasɛ kɛdɔ nɛɛ, be be kule bhui nɛ lɔ gɛganɛɛ ɔyɛkɔdɛ.

1 Petro 5:3

tɔ ŋa bukusi nɛ bagɛ lɛ wɔesi, pɔ odzi kɛdɔ gɛ bamɔabhɛtɛ kɔ Ibhoshiha.

Luka 22:32

Pɔ iklukpaya nɛ wunɔɛ tɔkpu, Simɔn, sɛ tɛ wɔ tɛyɛyɛkɛŋa tɛ wɔlɛ. Klɛ kibenɔ gɛ otsodzi otsyina ɔtɔ mɛ, kpɛ wɔ adzyalɛ nɛ kemi.”

Mateo 23:10

Ɔdɔgɔsɛ kɛ za sɛ tɛ be kulu wɔ asɛ ‘adɔkasɛ,’ alasɛ Adɔkasɛ terikpo yɛ alɛ wɔnɔ ahwɛ, gɛ enu Kristo.

Mateo 17:5

Nɛ kibe lɛ gɛ Petro ekedza ɖɔ kaɖɔ, ɔmunɔ fufu toli ɔbɔ kana balɛ ɔtsya, klɛ olim toli oyi denɔ ɔlɛ mɛ sɛ, “Meyi naa, gɛ ɛdɛmɛ yɛ bui; yɛmɛ mɛ mɔ amɛ zhizhiesi. Nɔta yɛa tɔ!”

Tɛbubukasɛ 1:9

Mɛ, Yohanɛsɛ, wɔnɔ adzya anɛ apɛplɛnɔ nɛ butɔ anɛ bukusiɔŋakɔ anɛ tɛdudɔfɔ̃ kitekpɛkpɛ gɛ le nu bulɔa yɛ nɛ Yesu mɛ, gɛ aza Patmosɛ kenimokpo nɛa bha ɔkpɛ Kpayɛbui nɛ tɛmumɔɖɔ nɛ Yesu shu so.

Tɛbubukasɛ 22:9

Pɔ etsrem asɛ, “Tɛ bhɛtɛ lɛ! Mɛ tsyɛ nu axwɛwa plɛnɔ wɔ anɛ wɔadzyalɛ batɔnu anɛ bagɛ ba nyɛna keplukpɛa nɛm ebui nɛ evunɔ. Kpɛtɔkpuesi kɔ Kpaya!”

Tɛbubukasɛ 19:10

Nɛ kɛɛ nɛ nɛ shu ɛwɔlɛdɔ yɛ butsrukpɔ nu sɛ tɛ ɛkpɛ kɛtɔkpuesi kɔɛ. Pɔ aɖɔ etsre mɛ asɛ, “Tɛ bhɛtɛ lɛ! Mɛ tsyɛ nu wɔhayɛ axwɛdɛ plɛnɔ wɔ nɛ wɔadzyalɛ gɛ ba nyɛna ebui nɛ gɛ ba mɔa ɖɔ nɛ Yesu shu nɛ mɛ evunɔ. Kpɛ kɛtɔkpuesi kɔ Kpaya! Alasɛ ebui nɛ gɛ ba mɔa ɖɔ nɛ Yesu shu nɛ enu kibuiɖuɖɔlu ɔfufɔɛ.”

Efesoanɛ 3:15

denɔ agɛ yɛ kɔ yɛ bupa petee nɛ owũsise anɛ kesukpa gɛ bebu yɛ kɛnyi nɛ denɔ.

2 Kɔrintioanɛ 4:5

Alasɛ bu tɛɖɔ kibui denɔ bulɔnahwɛ shu, pɔ Yesu Kristo anasɛ Apalete, klɛ bulɔnahwɛ anasɛ wunɔ axwɛdɛ nɛ Yesu tɔkpu.

2 Kɔrintioanɛ 1:24

Ganɛ sɛ bu trɔ wunɔ tɛyɛyɛkɛŋa abha, pɔ bu wɛxwɛ nɛ nɔ kɔ wunɔ same, alasɛ tɛyɛyɛkɛŋa mɛ nɔ lɛ gɛganɛ.

Mateo 26:49

Yuɖasɛ aga tɔnɔ Yesu nɛ ɔklɛ, klɛ asɛ, “Adɔkasɛ, Ɛsɛnɛ wɔ!” klɛ emini yɛ onugbu.

Mateo 10:25

Abɔ kɔ adɔkpasɛ sɛ tɛ aza ansɛ yɛ adɔkasɛ, tɛ axwɛdɛ tsyɛ aza anasɛ yɛ apalete. Onu gɛ bee kulu apaka nɛ asɛ Ɔfufɔɛkpã ekusi, klɛ le be kulu yɛ bupa mɛanɛ!

Mateo 23:7

ba pɛɛ tɛsɛsɛnɔ denɔ banɔ ɔkɔ nɛ budzi mɛ tɛ beze kulua lɛ asɛ ‘Adɔkasɛ.’

Mateo 26:25

Ɔkɛlɛ Yuɖasɛ nɛ gɛ abaa ga yɛesi na ɖɔ asɛ, “Kɛlɛ ganɛ mɛ, Adɔkasɛ?” Yesu ebu lɛ nu asɛ, “Ee, wɔ bɔ ga mɛesi.”

Marko 9:5

Petro etsre Yesu asɛ, “Adɔkasɛ, kɛpɛ sɛ bu ba ɔkɛ̃. Kɔ lɔ dzu bugba tɔta nɛ ɔkɛ̃, wɔayɛ tierikpo, Mose yɛayɛ tierikpo, anɛ Eliya yɛayɛ tierikpo.”

Marko 10:51

Yesu ebisi yɛ asɛ, “Kide wɔ sɛ ɛbhɛtɛ kɔ wɔ?” Anhũ pupuelete na sɛ, “Adɔkasɛ! Ɛpɛɛ sɛ tɛ ɛmɔ.”

Marko 11:21

Petro abaka klɛ etsre Yesu asɛ, “Adɔkasɛ, di! Kabhɔ nɛ gɛ ɔɖɔɛbuiɔkpɛ nɛ ke tsi!”

Marko 14:45

Yuɖasɛ aga tɔnɔ Yesu tsiɔɔ̃, klɛ eklu yɛ asɛ, “Adɔkasɛ!” klɛ amukɔ yɛ onugbu.

Yohanɛsɛ 1:38

Gɛ Yesu etsyina di ɛbha, amɔ sɛ batɔ nɛ yɛ klɛ ebisi alɛ sɛ, “Kide nɔ pɛɛ?” Ba ɖɔ sɛ, “Rabbi” (kɛlɛesi klɛnu sɛ Adɔkasɛ), “fakɔ wɔ lɛ?”

Yohanɛsɛ 1:49

Ɔkɛlɛ Nataniɛl ebu aɖɔ sɛ, “Rabbi, wɔ nu Kpaya yɛ Yi, wɔ nu Ekusi nɛ Izraɛl.”

Yohanɛsɛ 3:2

Aba Yesu ɔbha elishi teli klɛ aɖɔ sɛ, “Rabbi, bunyi sɛ wɔnu adɔkasɛ gɛ ede Kpaya kɔ. Alasɛ anɔnyanɔ atɛ bana ebuiyinɔanɔ kɛdɔmumɔ nɛ gɛ ɔbhɛtɛ nɛ abhɛtɛ, onugɛ Kpaya ama plɛnɔ yɛ.”

Yohanɛsɛ 3:26

Ba ba Yohanɛsɛ ɔkɔ klɛ betsre yɛ asɛ, “Adɔkasɛ, anyɛ alɛlɛ gɛ aza wɔ bha nɛ Yɔdan kapɛ bhla—agɛ yɛ shu wɔ ɖɔaɖɔ denɔ—ɔtsɔ̃, akpɛ buni kɔ banɔ, klɛ anɔnyanɔ avɛ yɔ kɔ.”

Yohanɛsɛ 4:31

Kibelɛlɛ yɛ badɔkpasɛ nɛ tsre yɛ asɛ, “Adɔkasɛ, pɛɛ kɛdɔ tili ɔŋa.”

Yohanɛsɛ 6:25

Gɛ ba da mɔ yɛ nɛ kɛvɔ nɛapɛ bhla, be bisi yɛ asɛ, “Adɔkasɛ, kibeɖuweɖu ɔboku ɔkɛ̃ nɛ?”

Yohanɛsɛ 9:2

Yɛ badɔkpasɛ nɛ bisi yɛ asɛ, “Adɔkasɛ, ane yɛ bhɛbhɛtɛ kizizi, anyɛa pɛnɔ yɛ ni nɛ yɛ aka?”

Yohanɛsɛ 11:8

Yɛ badɔkpasɛ baɖɔ sɛ, “Pɔ Adɔkasɛ, kiwũe kadze gɛ Yuɖanɛ ba pɛɛ asɛ tɛ behu wɔ aklãgbu, klɛ pɔ ɔkɔ tsodzi ɔvɛ ɔkɛlɛ?”

Yohanɛsɛ 20:16

Yesu aɖɔ sɛ, “Maria.” Etsyina tɔ yɛ klɛ akpɛ ogugu gɛganɛ eklu yɛ nɛ Aramik bunuhu mɛ sɛ, “Rabboni!” (kɛlɛesi klɛ nu sɛ Adɔkasɛ).

Filimɔnɛ 1:16

ansɛ anɔ gɛ etie dzi anɔdzidzi, pɔ aba pɛ̃ dɛ anɔdzidzi, aba za ansɛ adzya gɛ ɔɖɔ. Enu anɔ ɖuɖɔ kɔ mɛ pɔ ɔzɔ ɖɔ yɛ ɔdɛ mɛ, ansɛ anyɛ klɛ ansɛ adzya na nɛ Apalete nɛ mɛ.