Mateo 23:37 - ONUGBÙ NYƐNYÃ VUVƆ

³⁷ “O Yerusalɛm, Yerusalɛm, wɔ gɛ oyi batɔnu klɛ ohu bagɛ ba sɛsɛ wɔ nɛ aklãgbu, klɛ pɛɛ mɛ ɛdɛ pɛɛ sɛ tɛ ɛxogo weyialɛ, ansɛ gɛ ɔkukɔni oxogo akukɔɛyi akpɛ ɔlɛ busɛ mɛ, pɔ nɔ dɔɔ dɛmɛ.

Mateo 23:37 Referans Kwoze

Mateo 23:30

Klɛ nɔ ɖɔ sɛ, ‘Otɔsɛ bu za lɔ za nɛ baka shishe nɛɛ be, bu gɛ ta plɛnɔa lɛ nɛ batɔnu nɛ dzyosu bɛ balɛe si mɛ.’

Mateo 22:3

Akpɛ yɛ baxwɛdɛ nɛ bagɛ ekulu akɔ adzɛgbɛgbanɔɛ wi nɛe si asɛ ba ga ba, pɔ ba dɛ dɛmɛ aba.

Mateo 5:12

Nɔ mɔ same tɛ nɔ wɔ, alasɛ wɔnɔɛ bhɛ tri nɛ owũsise, alasɛ kidzoe lɛ nɛ dia bha ke la ga pɛ ba kpatɔnɔ batɔnu nɛ gɛ eputɔ kɔ nɔ.

1 Tɛsolonianɛ 2:15

gɛ be yi Apalete Yesu anɛ batɔnu klɛ ba kɛka lɔ tsyɛ ebu eyinɔ. Be di ku Kpaya awɔ̃ klɛ ba yɛkɔ ebla nɛ anɔnyanɔ

Mateo 22:6

Bagɔgɔɛ nɛ be vu yɛ baxwɛdɛ, ba dɛ bhɛtɛ alɛ mɔmɔ klɛ be yi alɛ.

Tɛbubukasɛ 17:6

Ɛmɔ sɛ adzɛ nɛɛ ebuku nɛ banɔnɛna dzyosu, banɔ nɛ gɛ amɔ ebuiaɖɔ nɛ Yesu shu. Gɛ ɛmɔ yɛ nɛɛ, kɛ bhɛtɛ mɛ bi piim.

Luka 15:28

“Adzya shishe nɛ amɔ oblo klɛ asɛ atɛ ka vɛ bupa nɛ mɛ. So yɛ aka atɔnɛ avɛ ada kpɛ kɛtɔkpuesi kɔ yɛ.

Mateo 23:31

Kɛlɛ so no bu ishuipɔ wɔnɔ sɛ no nu bagɛ be yi batɔnu nɛ ɛyameyia lɛ.