Mateo 23:34 - ONUGBÙ NYƐNYÃ VUVƆ

³⁴ Kɛlɛ so ɛsɛsɛ nɔ batɔnu anɛ bebuinyi anɛ badɔkasɛ. Balɛmɛayɛ teli no bo yia lɛ klɛ nɔ bɔ kplalɛɔsɔ; be teli nɔ bɔ tua lɛ nɛ wɔnɔ ixogokɔevu nɛ mɛ klɛ nɔ bɔ kpatɔnɔ alɛ denɔ ɔmam ɔvɛnɔ ɔmam.

Mateo 23:34 Referans Kwoze

Mateo 13:52

Aɖɔ etsre alɛ asɛ, “Kɛlɛ so ɔshãdɔkasɛ kanyaka gɛ ba kasɛ dɔ edenɔ owũsise bukusiɔŋakɔ nɛ shu asɔnɔ ansɛ apalete gɛ ebu yɛ kɛkesrɔdɔ vuvɔ nɛ kɛkuku nɛ edenɔ yɛ kɛdɔ ɔbalakɔ.”

Koloseanɛ 1:28

Bu ɖɔ yɛ kibui kana, butsrenɔ klɛ bukasɛ anɔnyanɔ kɛdɔ nɛ kibuinyinyi petee mɛ, sɛ tɛ bu ba kɔ anɔnyanɔ tɛ edzi adzyɔgo nɛ Kristo mɛ.

Axwɛwɛwa 13:1

Nɛ Antiɔkɛ busɔlɛ mɛha nɛ mɛ batɔnu anɛ badɔkasɛ aza: Banabasɛ, Simeɔnɛ gɛ be klua yɛ sɛ Anɔtutu, Lusiusɛ gɛ ede Sirene, nɛ Manaɛn (edzi anɔ gɛ be he aplɛnɔ Heroɖesɛ gɛ edzi ekusi) nɛ Saolo.

Mateo 10:23

Kibe lɛ gɛ bakpatɔnɔ nɔ nɛ ɔkɔtoli, no si ɔvɛ ɔkɔ bhlatɔ. Itsre nɔ kɛgba sɛ, nɔ tɛ bɔ ga Izraɛl ɛma nɛ mɛ beke flogo pɛ Anɔdzyrame yɛ Eyi nɛ aba ba.

Tɛbubukasɛ 11:10

Bagɛ balɛ kesukpa nɛabha na ba dɔa lɛ afla klɛ la ba ŋa kiwi ganɔ kɛdɔ kukɔ ɔhayɛ, alasɛ batɔnu tɛabha na tɛ nyagbã nɛ bagɛ balɛ kesukpa nɛabha.

Hebriuanɛ 11:37

Be hu alɛ aklãgbu, bayɛɛ alɛ mɛ akpɛ bupɛ tubha nɛ kapamɛ be yialɛ nɛ bupamɛ. Ba gafla nɛ ibhoshieplukpa anɛ bepidzyaplukpa mɛ, ba tɔ, ba kpatɔnɔ alɛ, klɛ ba vɔa lɛ—

1 Kɔrintioanɛ 3:10

Nɛ Kpaya kɛdɔkukɔ gɛ akɔ mɛ, idzu buvu nɛ kesi kpɛkpɛ dzyɔgo anasɛ evudzu gɛ avɛ otugba, klɛ anɔ teli tsyɛ èdzu atrɔ bulɛabha. Pɔ akanyaka nɔ edishuabha nɛ bulɛ tɛdzudzu.

1 Kɔrintioanɛ 2:6

Pɔ, bu ɖɔ, kibuinyinyi ɔklasɔ nɛ beshishe nɛ shi, pɔ ganɛ agɔa nɛ mɛ kibuinyinyi ɔdɔgɔsɛ agɔa nɛ mɛ baga ŋɛabha, gɛ ba ta ba kibuinyɛbui ɔbha.

Axwɛwɛwa 15:32

Yuɖasɛ anɛ Silasɛ gɛ balɛ nahwɛ ne nu batɔnu so nɛɛ, baɖɔ kaɖɔ gelee ayɛkɔ akpɛ badzya nɛ kite anɛ bugɛganɛ nɔ.

Axwɛwɛwa 14:19

Ɔkɛlɛ Yuɖanɛ teli de Antiɔkɛ anɛ Ikonio aba klɛ ba ba wɛ̃ banɔɛza nɛ etsyina. Be hu Paolo aklãgbu klɛ be he yɛ ebu avɛnɔ ɔmagbla nɛede, be di asɛ etsi.

Axwɛwɛwa 12:2

Akɔ Yakobo gɛ enu Yohanɛsɛ yadzya, le yi nɛ ɛhɛ.

Axwɛwɛwa 11:27

Nɛ kibe lɛ nɛ mɛ nɛ batɔnu teli ba lɔ denɔ Yerusalɛm avɛ Antiɔkɛ.

Axwɛwɛwa 5:40

Anyɛ nɛ kaɖɔ na wa kɛxwɛ nɛ balɛ shu. Be klu banɔkpɛkpɛ nɛ amɛna klɛ le tua lɛ nɛ eshi. Klɛ la kpɛa lɛ ɔshã sɛ ba ta ɖɔaɖɔ nɛ Yesu kinyim, klɛ la shɛnahwɛ balɛ shu pɛ ba shɛ.

Axwɛwɛwa 1:8

Pɔ nɔ bɔ yɛkɛ kemi onu gɛ Ɔfufɔɛ Dzyɔgo nɛ ɔɔba wɔnɔa bha, klɛ no bo dzi mɛ bebuimɔɖɔ nɛ Yerusalɛm, klɛ nɛ Yuɖia petee anɛ Samaria, ɔyɛkɔ ɔdɔnanɔ kesukpa nɛ ibekekɔ.”

Yohanɛsɛ 20:21

Yesu aza ɖɔ sɛ, “Nɔ lɛ mɔmɔ! Anasɛ gɛ Aka na kpɛ mɛ, ɛkpɛ nɔ tsyɛ.”

Yohanɛsɛ 16:2

Ba be bu nɔ nɛ oxogokɔvu nɛ mɛ, kɛgbɛagba, kibe ba gɛ anɔnyanɔ gɛ eyi nɔ aba yɛ kɔ sɛ adɛ xwɛ kɔ Kpaya.

Luka 24:47

klɛ kitemɛ tsyitsyina nɛ ebuizizi tsyitsye, ba baɖɔ nɛ yɛ nyimɛ kɔ amadi nɛ petee, kesikpɛkpɛ nɛ Yerusalɛm.

1 Tɛsolonianɛ 2:16

sɛ tɛ be xe lɔɛ dzo tɛ bu tɛ mɔ kaɖɔɛ ɖɔ nɛ bagɛ be di nu Yuɖanɛ sɛ tɛ ba ba mɔ tɛbubu. Ganɔ kidzoe nɛa bha be xogo balɛ ebuizizi nɛ ɔdɔ tɔnɔ alɛ ɔwɔkɔ. Kpaya obulo nɛ ɔtɛ ba balɛa bha nɛ kidegba.

Mateo 23:31

Kɛlɛ so no bu ishuipɔ wɔnɔ sɛ no nu bagɛ be yi batɔnu nɛ ɛyameyia lɛ.