Mateo 23:26 - ONUGBÙ NYƐNYÃ VUVƆ

²⁶ Farisianɛ awɔ̃hũpu elete! No bhuso kantse anɛ kesugba nɛ mɛ butsi ko kede nɛ tsyɛ ebe bhui.

Mateo 23:26 Referans Kwoze

Yakobo 4:8

Tsuobunɔ Kpaya klɛ yɛ tsyɛ ebe tsuebunɔ nɔ. No plu wɔnɔ ahwɛ, wɔnɔ bagɛ abhɛtɛ buzizi, tɛ no xule nɔ idzyim, wɔnɔ atɔkpum tabha-elete.

2 Kɔrintioanɛ 7:1

Mɛ ɛbhɛalɛ, Nɛ kibelɛlɛ gɛ atɔnu alɛ bulɔ ahwɛ, mɛ ɔbhɛya lɛ mumɔa, nɔ kɔ lɔ plu bulɔnahwɛshu denɔ kɛdɔnyɛdɔ gɛ kɛba tutru lɔ shuidzya anɛ ɔfufɔɛ, sɛ tɛ bu za amɛ bhubhui mɛ kɔ Kpaya.

Hebriuanɛ 10:22

nɔ kɔlɔ tsobunɔ Kpaya nɛ idzyi dzyɔgo anɛ́ tɛyɛyɛkɛŋa petee, nɛ kibe lɛ mɛ gɛ ba wanya kɛdɔnɔ nɛ gɛ ba pulu bulɔ idzyi nɛ bu nɛ kɛpɔŋɛŋa kɛtɔkpum bhɛbhɛtɛ anɛ bulɔ ishuidzya nɛ tɛpupulu nɛ buni gɛ bhui.

Mateo 12:33

“Dzu osi dzyɔgo, klɛ ɔlɛ eyuyu nɛ tsyɛ ebe dzi adzyɔgo, tɛ dzu osi kpã, klɛ ɔlɛ eyuyu nɛ tsyɛ ebe dzi akpã, alasɛ osi ɔlɛ eyuyu nɛ la ba yɛkɔ akpɛ ɔlɛ kɛxawũ nɔ.

Luka 6:45

Anɔ dzyɔgo edenɔ kɛdɔ dzyɔgo amɛna nɛ kɛdzyɔgo gɛ abala nɛ yɛ idzyi mɛ, klɛ anɔ zizi amɛna kɛdɔ zizi gɛ kɛnu kizizi gɛ abala nɛ yɛ idzyi mɛ. Alasɛ kɛ gɛ dɛ idzyi kɛlɛ onugbu ɔɖɔ.

Mateo 14:8

Nɛ adzɛnuvɔɛ nɛ yeni nɛ tɛpɛpɛ nu, aɖɔ asɛ, “Bhui Yohanɛsɛ Enikpɛ nɛ tɔkpu ɔtrɔ kɛtɛa bha kɔ mɛ nɛ ɔkɛ̃.”

Marko 7:4

Onu gɛ bee de kedzim pɛ baa ba, beeke plu ishu ba tɛ ŋa kɛdɔ. Klɛ ba ka nyɛna begu kpi mɛ evunɔ, ansɛ buntse, butsukpu anɛ bunieplui mɛ tɛtsitsi).

Luka 11:39

Ɔkɛlɛ Apalete nɛ etsre yɛ asɛ, “Ɔtsɔnɛ ɔkɛlɛ, wɔnɔ Farisianɛ no tsi bũtse nɛ busugba nɛede, pɔ wunɔ kɛmɛ nɛ mɛ kɛyuku nɛ kɛdɔ gbɛgbla pɛpɛɛ anɛ kɛtɔkpu mɛ gɛganɛ.