Mateo 23:23 - ONUGBÙ NYƐNYÃ VUVƆ

²³ “Butɔ kɔ wɔnɔ, ɛshãdɔkasɛ anɛ Farisianɛ, wɔnɔ betroni! Nɔɔ kɔ wɔnɔ kɛdɔ huhuhu tirikpo nɛ kɛfɔ mɛ—aduve, dzakanɛ anɛ ɔsã. Pɔ nɔ shɛnahwɛ ɔshã anɛ ebui gɛganɛ nɛ mɛ—tɛnɛna, eshutukubui didi nɛ tɛyɛyɛkɛŋa. Nɔ tɔ bhɛtɛ kidegba yɛ, klɛ nɔ gɛ tɔ shɛnahwɛ kɛku nɛ tsyɛ shu.

Mateo 23:23 Referans Kwoze

Luka 11:42

“Butɔ kɔ wunɔ Farisianɛ, alasɛ nɔ kɔ Kpaya kɛdɔ tirikpo nɛ kɛfɔnɛmɛ nɛ wunɔ ehoeyi anɛ buya mɛdɔ, pɔ nɔ shɛnahwɛ kibui gbɛagba nɛ Kpaya bui dɛdɛmɛnɔ lu. Nɔ tɔ yɛkɔ kɛgɔgɔɛ nɛ ɔkpɛ tɛbhɛbhɛtɛmɛ tɛ nɔ tɛ shɛnahwɛ kɛ tɛtɔpu nɛ tsyɛ shu.

Mateo 9:13

Pɔ nɔ vɛ tɛ nɔ dɔ pɛɛ kibui nɛe si onu: ‘Ɛpɛɛ eshutukubui didi, ganɛ busoyiyi.’ Alasɛ ɛdɛ ba kɔ badzyɔgo nɛ tɛkukulu, pɔ kɔ bezizi.”

Luka 18:12

Ɛnyaonugbu ɔgɔnɛ torikpo anya tabha, klɛ ɛkɔ tirikpo nɛ kɛfɔ nɛ gɛ lɛ mɛ ahwɛ.’

Mateo 12:7

Otɔsɛ no nu ebuia nɛ kesi, ‘Ɛlɛ kɔ eshutukubui, ganɛ kɛdɔ kukɔ,’ anlo nɔ gɛ tɔ bu bagɛ kɛpɔ ma balɛ shu nɛ kɛpɔ flogo.

Mateo 23:13

“Butɔ kɔ wɔnɔ, ɛshãdɔkasɛ anɛ Farisianɛ, wɔnɔ betroni! Nɔ da owũsise bukusiɔŋakɔ nɛ ɔkpɛ banɔa. Wɔnɔ nahwɛ no to tsoku, klɛ nɔ tɔ kɔ bagɛ ba pɛa sɛ be tsoku nɛ tsyɛ etsoku.