Mateo 23:15 - ONUGBÙ NYƐNYÃ VUVƆ

¹⁵ “Butɔ kɔ wɔnɔ, ɛshãdɔkasɛ anɛ Farisianɛ, wɔnɔ betroni! Nɔɔ ga kidzo nɛ kesukpa anɛ aƒu abha sɛ tɛ no tsyina anɔ terikpo, klɛ onu gɛ eedzi wɔnɔ mɛayɛ teli beke, nɔ bɔ bhɛtɛ yɛ aba tsɔmɔ ɛzakɔ tɛbha dɛ ansɛ kifu mabeke mabeke mɛ eyi nɛ gɛ no nu.

Mateo 23:15 Referans Kwoze

Efesoanɛ 2:3

Bulɔ petee tsyɛ bu tɛza balɛ shi nɛ kibe tili, klɛ bu kpɛ bulɔ buzizi ɛkpã tɛpɛpɛɛ nɛabha klɛ bu lɛ kɛlɛ tɛpɛpɛede nɛ bulɔ atɔkpuimɛ. Anasɛ bagugɔɛ, nɛ tɛmumɔe mɛ bulɛ kɔ butɔ.

Axwɛwɛwa 13:43

Gɛ be hle busɔlɛha nɛ beke, Yuɖanɛ gelee anɛ bagɛ tsyina etsoku Yuɖaɔha nɛm na za Paolo anɛ Banabasɛ ede, gɛ ba za ɖɔ kaɖɔ nɛ balɛ klɛ be tsrea lɛ asɛ ba vɛ kɛlɛa bha nɛ Kpaya ɛyamyuyɔ nɛm.

Axwɛwɛwa 13:10

“Wɔ, ɔfufɔɛkpã nɛ yɛeyi onu, klɛ ɔlɔ kititi nɛ kibui dzyɔgo kanyakaɛ di shu! Wɔ oyuku nɛ anɔ wɛwɛ edidedi anɛ kɛtɔkpum kpã. Klɛ so ɔtɛ bɔ zukɔlɔ Apalete nɛ edzo dzyɔgo nɛ bu tsyina?

Axwɛwɛwa 14:2

Pɔ Yuɖanɛ nɛ gɛ adɛ pɛa sɛ tɛ ba yɛkɛ aŋa nɛ de feke bagɛ edi nu Yuɖanɛ nɛ edzu klɛ zi kɛtɔkpum kɔa lɛ sɛ tɛ ba lɔ kititi nɛ bagɛ ayɛkɛ aŋa nɛ shu.

Yohanɛsɛ 8:44

Wunɔ aka, gɛ enu Abɔnsam, ye yialɛ nɔ nu klɛ nɔ pɛɛ sɛ tɛ nɔ bhɛtɛ ɔtrɔ wunɔ aka tɛpɛpɛɛ nɛabha. Enu akpɛnɛ denɔ kesikpɛkpɛ nɛ ke, kibui gbɛagba ma yɛ ahwɛ, alasɛ kibui gbɛagba ma yɛ mɛ. Kibenɔ nɛ gɛ ehu otro, ehu yɛ epi bunuhu, alasɛ enu otroelete klɛ yɛ enu itro lete petee aka.

Galatianɛ 6:12

Bagɛ ba pɛɛ asɛ tɛ beku awɔ̃ nɛ kede bui mɛ ba la wlãnkɛ sɛ tɛ be bhui bunyɛnyɛ kɔ nɔ. Kɛ dɔ tirikpo shu so gɛ babhɛtɛ lɛ kɛlɛ nu sɛ ba dɛ pɛɛ sɛ tɛ ba kpatɔnɔ alɛ nɛ Kristo yɛ butsiosi nɛ shu.

Galatianɛ 4:17

Banɔ alɛlɛ ba pɛɛ asɛ tɛ baŋa wɔnɔ abha, pɔ ganɛ kɛdzyɔgoɛ mɛ. Kɛ gɛ ba pɛɛ kɛlɛ nu sɛ tɛ ba pɔ nɔ nɛ bulɔɛ shi, so tɛ nɔ yɛkɛ balɛ abhaŋa.

Mateo 5:22

Pɔ itsre nɔ sɛ, anɔnyanɔ gɛ amɔ oblo nɛ yɛadzya be be kulu kebhui nɛ yɛ. Ɔyɛkɔplɛnɔ anɔnyanɔ gɛ ebe tsre yadzya sɛ, ‘Ɔmɛtã kɔ kɛdɔnyɛdɔ,’ ebe bu shu nu nɛ Bebhuiklu naa mɛ. Pɔ anɔ nɛ gɛ aaɖɔ sɛ, ‘Wɔ agã onu!’ ebe tsoku butɔm anɛ kifu mabeke mabekem.

Axwɛwɛwa 17:13

Kibe lɛ nɛ gɛ Yuɖanɛ nɛ ga lɛ Tesalonika nɛ benu asɛ kana Paolo ada ɖɔ Kpaya kibui nɛ Bɛrea nɛɛ, batɔnɔ avɛ ɔklɛ tsyɛ, klɛ bada kpɛ banɔɛza nɛ bunuhu anɛ puipui.

Axwɛwɛwa 14:19

Ɔkɛlɛ Yuɖanɛ teli de Antiɔkɛ anɛ Ikonio aba klɛ ba ba wɛ̃ banɔɛza nɛ etsyina. Be hu Paolo aklãgbu klɛ be he yɛ ebu avɛnɔ ɔmagbla nɛede, be di asɛ etsi.

Axwɛwɛwa 2:10

Frigia anɛ Pamfilia, Egibte anɛ Libia bupɛ nɛm gɛ ebunɔ Sirene ɔbha, befu nɛ gɛ ede Roma

Axwɛwɛwa 6:5

Tɛtɛtrɔɛ nɛ ku banɔɛha nɛ petee awɔ̃. Be bu Stefano, gɛ enu anyɛ teli gɛ eyuku nɛ Ɔfufɔɛ Dzyɔgo anɛ tɛyɛyɛkɛŋa, ɔplɛnɔ Flipo, Prokorusɛ, Nikanɔ, Timɔnɛ, Parmenasɛ, anɛ Nikolasɛ gɛ ede Antiɔkɛ, pɛ ebe tsyina edzi Yuɖaɔha mɛ anɔ.

Mateo 5:29

Onu gɛ wɔ kɛŋamɛ wɔ̃hũ nɛ kɔ sɛ ɔbhɛtɛ buzizi, kpɛɛ lɛ obu tɛ ɔyɛkɔ tɛɛ̃. Kɛpɛ kɔ wɔ sɛ tɛ wɔ shu nɛ ɔkɔ toli ɔpɔ tɛ̃ dɛ sɛ tɛ ba yɛkɔ wɔ anɔosi nɛ petee ada tɛ̃a kpɛ kifu gɛ tɛ baa ni di mɛ.

Mateo 3:7

Pɔ gɛ amɔ Farisianɛ anɛ Sarusianɛ gɛ baa ba ɔkɛlɛ gɛ aakpɛ buni, etsre alɛ asɛ, “Wɔnɔ atagblashã yam banɔ! Anee ye tsre nɔ sɛ no si ɔlɔ butɔ nɛ gɛɛ ba?

Mateo 23:13

“Butɔ kɔ wɔnɔ, ɛshãdɔkasɛ anɛ Farisianɛ, wɔnɔ betroni! Nɔ da owũsise bukusiɔŋakɔ nɛ ɔkpɛ banɔa. Wɔnɔ nahwɛ no to tsoku, klɛ nɔ tɔ kɔ bagɛ ba pɛa sɛ be tsoku nɛ tsyɛ etsoku.