Mateo 22:13 - ONUGBÙ NYƐNYÃ VUVƆ

¹³ “Ɔkɛlɛ Ekusi nɛ etsre bagɛ ba dɛ axwɛ nɛ asɛ, ‘Nɔ nya yɛ ɛtsrɛ anɛ ɛhwɛ, tɛ nɔ yɛkɔ yɛ ɔtɛ̃ɛ kpɛ ɔtɔ, nɛ otumu nɛ mɛ, ɔkɛlɛ gɛ iyuyo nɛ eletɛtã aba za.’

Mateo 22:13 Referans Kwoze

Mateo 8:12

Pɔ ba ba yɛkɔ bagɛ ba kpasɛ bukusiɔŋakɔ nɛesi nɛ atɛa kpɛ ɔtɔ, nɛ otumu mɛ, nɛ ɔkɛlɛ gɛ iyuyo nɛ eletɛtã aba za.”

Mateo 25:30

Klɛ tɛ ɔyɛkɔ axwɛdɛ zhuzhɔlɛa lɛlɛ nɛ ɔtɛɛ kpɛ ɔtɔ nɛ otumu mɛ, ɔklɛ gɛ iyuyo nɛ eletɛtã alɛ.’

2 Petro 2:17

Banɔa nɛ be nu kizi gɛ buni ma kɛlɛ mɛ klɛ be nu ɔmunɔ gɛ kɛlɛɛ fu. Otumu tutuɔdɛ ba bala lu kɔ alɛ.

2 Petro 2:4

Alasɛ onugɛ Kpaya adɛ yɛkɔ etsye yɛ baxwɛdɛ gɛ ba bhɛtɛ ebuikpã, pɔ asɛsɛ alɛ nɛ kifu mɛ, akpɛ alɛ buɖɛ nɛ otumu ozi mɛ tɛ ba be klu kebhui nɛ alɛ,

2 Tɛsolonianɛ 1:9

Ba ba tɛta butɔ akɔa lɛ nɛ butsyrɔ gɛ tɛ ba beke klɛ be be bua lɛ akpɛ kide nɛ ɔkɛlɛ gɛ Apalete nɛ alɛ nɛ yɛ kemi bukusi nɛ mɛ

Luka 13:28

“Ɔkɛlɛɔlɛ iyuyo nɛ eletɛtã ba za ɔkɛlɛ, kibenɔ gɛ nɔ mɔ Abraham, Isaka anɛ Yakobo anɛ batɔnu petee anɛ Kpaya bukusiɔŋakɔ nɛ mɛ, pɔ wunɔnɛhwɛ ba be bunɔ atɛ̃.

Mateo 24:51

Ebe bhui yɛ akpɛ bupɛpɛpɛ mɛ klɛ aba kɔ yɛ kɛxwɛ nɛ betroni nɛ shi, nɛ ɔkɛlɛ gɛ iyuyo nɛ eletɛtã alɛ.

Mateo 13:50

klɛ la ba yɛkɔ balɛ atɛ̃akpɛ kifu gɛganɛ nɛ mɛ, ɔkɛlɛ gɛ iyuyo nɛ eletɛtã aba za.

Mateo 13:42

Ba ba yɛkɔ balɛ ada tɛɛ̃ akpɛ kifu gɛganɛm, ɔkɛlɛ gɛ iyuyo nɛ eletɛtã aba za.

Tɛbubukasɛ 21:27

Kɛdɔnyɛdɔ gɛ dɔɛbo nɛ tɛ ba tsoku ɔlɛm di, ɔdɔgɔsɛ anɔnyanɔ gɛ abhɛtɛ awɛ̃ɛbui pɛ awɛanɔ, pɔ bagɛ balɛ enyi la ŋlɔmɛ akpɛ Obhoshieyi nɛ ɛkpãeplukpa nɛm ko.

Yuɖa 1:13

Be nu axuiabha alɛɛ gɛganɛ, bee bu balɛ kɛwɛ̃fɔ; awũwɛ gɛ aanyɔ afla, gɛ ba bala otumu tutu dɛ nɛ akɔ denɔ ɔtsɔ̃ nɛ ɔvɛnɔ.

Yuɖa 1:6

Klɛ kpayaxwɛdɛ nɛ gɛ ba dɛ nyɛna balɛ kabhaŋɛŋa ɛzakɔ nɛm evunɔ pɔ pɛ ba shɛnahwɛ balɛ nahwɛ bapa nɛ shu—balɛlɛ nɛ evu akpɛ otumu mɛ, gɛ akpɛ buɖɛ gɛ ba za vɛnɔ xũii kɔ kebhuikuklu nɛ Kiwigbla nɛa bha.

Axwɛwɛwa 7:54

Gɛ be nu ebuia nɛ denɔ Stefano ɔkɔ nɛɛ bamɔ oblo klɛ la tã ele nɛ akpɛ yɛ.

Mateo 13:30

Nɔ kɔ kɛlɛ nɛ tɛwa nɛ petee she ketsu ɔdɔ na nɔ alɛ ɔpɔkɔ. Nɛ kibe lɛ mɛ ɛba tsre baxwɛwa nɛ sɛ: Putɔnɔ no xogo tɛwa tɛ nɔ nya kɛlɛ kɔ tɛ pupɔɛ, klɛ tɛ no xogo amɔ nɛ tsyɛ ɔyɛkɔ bɔ kpɛ mɛ owule nɛ mɛ.’ ”

Mateo 12:29

“Ɔyɛkɔ plɛnɔ, kɛlɛ anɔ teli ebe tsoku anɔ gɛganɛ bupa mɛ ko pɛ aba yalɛ yɛ kɛnɔmɛdɔ ashɛ̃nɔ gɛ odinu sɛ ebhuso anɔ gɛganɛ nɛ nu nya lu? Kɛlɛ flogo pɛ aba na zuru nɛ bupa nɛ mɛ.

Axwɛwɛwa 21:11

Gɛ ebe ku blɔ bha, ayɛkɔ Paolo ɔdzadi, klɛ ayɛkɔ anya yɛnɛahwɛ ɛtsrɛ nɛ ɛhwɛ klɛ aɖɔ asɛ, “Ɔfufɔɛ Dzyɔgo nɔ ɖɔ sɛ, ‘Kana Yuɖanɛ nɛ Yerusalɛm aba nya ɔdzadi elete klɛ la ba yɛkɔ akpɛ ahwɛ kɔ bagɛ be di nu Yuɖanɛ.’ ”

Yohanɛsɛ 21:18

Itsre wɔ bui gbɛagba sɛ kɛbelɛlɛ nɛ gɛ odzi anuvɔ, wɔnahwɛ onyumu kɛdɔ klɛ okoeyi ɔvɛ ɔkɛlɛ gɛ ɔpɛɛ, pɔ kibenɔ gɛ obo she obɔ bu wɔ ɛhwɛ klɛ anɔ bhlatɔ abe nyumu kɛdɔ kɔ wɔ klɛ aba gbanɛ wɔ avɛnɔ ɔkɛlɛ gɛ ɔdɛ pɛɛ sɛ tɛ ɔvɛ.”