Mateo 21:31 - ONUGBÙ NYƐNYÃ VUVƆ

³¹ “Nɛ beyi tɛabha nɛ shi, eɖueɖu ya bhɛtɛ aka nɛ tɛ pɛpɛɛ?” Be bui lɛ nu asɛ, “Eyi tutɔpu.” Yesu etsre alɛ asɛ, “Itsre nɔ kɛgba sɛ, badɔdzyɔ anɛ badzɛ zhuzhɔlɛ nee tsoku kpyakusiɔŋakɔ nɛ mɛ aalɔ nɔ.

Mateo 21:31 Referans Kwoze

Luka 7:29

(Banɔ nɛ petee, badɔdzyɔ nɛ tsyɛ, kɛbe nɛ gɛ benu Yesu ebui nɛ, ba trɔ alɛabha sɛ Kpaya edzo alɛ nu adzyɔgo, alasɛ Yohanɛsɛɛ yɛ akpɛ buni kɔ alɛ.

Mateo 7:21

“Ganɛ anɔnyanɔ gɛ eekulu mɛ asɛ, ‘Apalete, Apalete,’ yɛ ebe tsoku bukusi ɔŋakɔ nɛ owũsise, pɔ aanɔ nɛ gɛ aabhɛtɛ atrɔ mɛ Aka nɛ gɛ alɛ owũsise nɛ tɛpɛpɛa bha.

2 Petro 3:9

Apalete ata gbɛede kɔ yɛ ebui bhɛbhɛtɛ gɛ aɖɔlu nɛ shu, anasɛ gɛ beteli nu kedegbɛgba nɛesi. Yɛ dzyi ayɔ nɛ wunɔ shu, ata pɛɛ sɛ anɔnyanɔ etsi, pɔ anɔnyanɔ aba tsyinaɛtemɛ.

Romanɛ 5:20

Ba yɛkɔ ɔshã nɛ aba ta sɛ tɛ buzizi nɛ ba wua bha. Pɔ ɔkɛlɛ gɛ buzizi nɛ buu wua bha, eshutukubui didi nɛ eke wuabha dɛa na,

Romanɛ 3:19

Ɔtsɔ̃ bu nyi sɛ kibuinyɛbui gɛ ɔshã nɛ ɔɔɖɔ, lɔɔ ɖɔ tsre bagɛ ba kpasɛ ɔlɛesi, sɛ tɛ onugbu kanyaka ba da ɔlɛ klɛ kanɔ nɛ petee ke be bu ishunu nɛ Kpaya amɛ.

Mateo 20:16

“So agugɔɛ nɛ ebe dzi atutɔpu, klɛ atutɔpu nɛ ebe dzi agugɔɛ.”

Axwɛwɛwa 17:30

Nɛ atiti mɛ Kpaya ada awɔ̃hũ akpɛ kibui mati mati lɛlɛ nɛ di, pɔ ɔtsɔ̃ nɛɛ akɔ ɔshã sɛ banɔ nyanɔ nɛ ɔkɔnyɔkɔ be tsyinɛtem.

Luka 19:22

“Yapaletenɛ aɖɔsɛ, ‘ɛbe kulu kebhui nɛ wɔ nɛ wɔnahwɛ kibui nɛ gɛ ɔɖɔ nɛ shu, axwɛdɛ kɛtɔkpu mɛ gɛganɛ anɔ wɔ nu! Onyi sɛ, anɔ gɛganɛ mɛ nu, ɛyɛkɔ kɛdɔ nɛ ɔkɛlɛ gɛ ɛdɛ lu klɛ ɛbu kɛdɔ nɛ ɔkɛlɛ gɛ ɛdɛ ɖa?

Luka 15:10

Nɛ kidzo lɛlɛ nɛabha, itsre nɔ sɛ, samemumɔ aba za Kpaya axwɛdɛ amɛ nɛ ezizi terikpo gɛ etsyina temɛ.”

Mateo 18:3

Klɛ aɖɔ asɛ: Itsre nɔ kɛgba sɛ, odɛ nu sɛ no tsyina klɛ nodzi ansɛ banuvɔ bhli, nɔ tɛ bɔ na owũsise bukusiɔŋakɔ nɛ mɛ tsoku odi.

Mateo 12:50

Alasɛ ananyanɔ gɛ abhɛtɛ Maka nɛ owũsise nɛ tɛpɛpɛɛ yɛ enu badzya, mada anɛ meni.”

Mateo 9:9

Gɛ Yesu aba shɛ edenɔ ɔkɛlɛ, amɔ anɔ teli gɛ be kulu asɛ Mateo gɛ ezhedzi badɔdzyɔ kɛkpako nɛ mɛ. Yesu etsre yɛ asɛ, “Za mɛe de,” klɛ Mateo evualɔ klɛ atɔnɔ yɛ.

Mateo 6:5

“Klɛ kibe nɔɔ nɛ gɛ ɔsɛ okulukpaya, tɛbhɛtɛ ansɛ gɛ itroelete nɛ baa bhɛtɛ, alasɛ balɛ nɛɛ ba pɛɛa sɛ tɛ ba za kititi nɛ oxogokɔevu nɛm, anɛ edzogbla nɛa bha sɛ tɛ banɔ ba mɔ balɛ. Itsre nɔ kɛgba sɛ, balɛ nɛɛ di na tɛ yɛkɛ balɛ ahwɛhuhu nɛ petee.

Mateo 5:18

Itsre nɔ kɛgba, ɔdɔnanɔ kibe lɛ gɛ owũsise anɛ kesukpa kaa lɛla, kɛdɔ ŋuŋlɔmɛ bhli dɛ, kɛdɔŋlɔmɛshi kɛdɔfuflɔ̃ bhli, ganɔ kidzo nyɛdzoa bha nɛ tɛ baa lɛla nɛ Ɔshã nɛm ɔdɔnanɔ kibe lɛ gɛ kibuinyɛbui kɛ bɛɛ lɛm beke.

Mateo 5:46

Onu gɛ ɔɔɖɔ bagɛ baa ɖɔ wɔ, kide ɔbɔ mɔ nɛ kɛlɛ mɛ? Sɛ badɔdzyɔ nɛ tsyɛ baa bhɛtɛ ana?

Mateo 21:30

“Ɔkɛlɛ aka nɛ atɔnɔ eyi bhla nɛ avɛ klɛ ede tsre yɛ tsyɛ kibui lɛ. Yɛ tsyɛ asɛ, ‘Ɛba vɛ, aka,’ pɔ adɛ vɛ.

Yohanɛsɛ 3:3

Nɛ kɛlɛesi bubu Yesu ebuaɖɔ sɛ, “Itsre wɔ gbɛagba sɛ, anɔnyanɔ atɛ ba mɔ Kpaya Bukusiɔŋakɔ nedi odunu sɛ be tsodzinɛ yɛ amɔ́.”

Yohanɛsɛ 3:5

Yesu ebui lɛ nu asɛ, “Itsre wɔ kɛgbɛagba sɛ, anɔnyanɔ atɛ be tsoku Kpaya bukusiɔŋakɔ odɛ nu sɛ be ditsodzi yɛ amɔ nɛ́ buni nɛ̀ Ɔfufɔɛ.