Mateo 21:28 - ONUGBÙ NYƐNYÃ VUVƆ

²⁸ “Wɔnɔ kɛtɔkpu nɛ mɛ sɛ kɛlɛ? Anyɛ teli aza gɛ beyianyɛ tɛabha za yɛahwɛ. Atɔnɔ atutɔpu nɛ avɛ asɛ, ‘Eyi, vɛ tɛ ɔdɔ wa kɛxwɛ nɛ vãyɛ̃ buya nɛ mɛ obo.’

Mateo 21:28 Referans Kwoze

1 Kɔrintioanɛ 15:58

Kɛlɛso, mɛ badzya mumɔa, nɔ za nɛ awɔ̃ gɛganɛ. Nɔ tɛkɔ kɛdɛnyɛdɔ ge nɔ. Kibenyɛbe nɔ yɛkɔ wunɔ ishu kɔ bui bhɛbhɛtɛ kɔ Apalete nɛ kɛxwɛ, alasɛ nɔ nyi sɛ wɔnɔ kɛxwɛwɛwa anɛ́ Apalete nɛ mɛ kɛtɛ ba dzi kɛkpɛkpa.

1 Kɔrintioanɛ 10:15

Ɛɖɔaɖɔ kɔ banɔ gɛ be nyibui, wunɔ nawhwɛ nɔ vɛ ishu mɛ nɛ kɛgɛ ɛɖɔ nɛ shu.

Mateo 20:1

Yesu avɛ kɛlɛa bha sɛ, “Alasɛ owũsise bukusiɔŋakɔ nɛ ɔlɛ ansɛ kesukpaelete teli gɛ alɔ kɛvulɔ pinii avɛ sɛ tɛ ada pɛɛ banɔ tɛ ba da wa kɛxwɛ kɔ yɛ nɛ buya mɛ.

Marko 13:34

Edzi ansɛ anyɛ teli gɛ ekoeyi aavɛ, klɛ ayɛkɔ yɛ bupa nɛ akpɛ yɛ baxwɛdɛ nɛ ahwɛ, akanyaka nɛ yɛ kɛxwɛ, klɛ etsre agɛ eli kedunu na sɛ epo ɔkɛlɛ.

Luka 13:4

Pɛnɔ banɔ lɔfɔnɛtɛasɔɛ gɛ buvu ɔɖɛɖamakɔ nɛ tsrabu alɛ gɛ betsi nɛ Siloamɛ—nɔ yɛkɔ sɛ ba baŋaɛpɔ gelee dɛ bagugɔɛ gɛ ba lɛ Yerusalɛm?

Mateo 21:33

“Nɔ tatɔ nɛ kɛkpalɛ bhlatɔɛ nɛ tsyɛ: Kesukpaelete teli aza gɛ adɛ vãyɛ̃ buya. Abhɔ kidri akana buya, ebu wãyɛ̃ kizi nɛ bɔlɛ mɛ klɛ edzu opokɔvu nɛ buya nɛ mɛ. Klɛ ayɛkɔ buya nɛ akpɛ ahwɛ kɔ bayadɛ teli klɛ aga ɛdzo.

Mateo 17:25

Ebui lɛ nu asɛ, “Ee, aakɔ,” Kibe lɛ gɛ Petro ebe tsoku bupa nɛ mɛ, Yesu yɛ eputɔ aɖɔa ɖɔ. Ebisi asɛ, “Simɔnɛ wɔ kɛtɔkpum sɛ kɛlɛɛ?” “Ba ne ahwɛ kesukpa bha bekusi nɛ ba yɛkɛ kadzyɔ nɛ ɖutɛɛ—balɛ naɛhwɛ beyi pɛnɔɔ banɔ bhlatɔ ahwɛ?”

Mateo 22:17

Tsre lɔ ɔtsɔ̃, kidee gɛ nu wɔɛ yɛ? Kɛbɔ sɛ ba dzyɔ kɛdɔ kɔ Kaɛza pɛnɔɔ kɛmɛtã?”

Mateo 21:27

So, be bui lɛ etsre Yesu asɛ, “Bu ti nyi.” Klɛ Yesu asɛ, “Klɛ mɛ tsyɛ tɛ ba tsre nɔ kabhaŋɛŋa nɔɔ nɛ shu gɛ ɛga pɛ ɛbhɛtɛ ebuia nɛ.”

Mateo 21:29

Eyi nɛ asɛ, ‘Ɛtɛɛ vɛ,’ pɔ kɛlɛe de mɛ ebe tsyina yɛ kɛtɔkpum klɛ avɛ.