Mateo 21:23 - ONUGBÙ NYƐNYÃ VUVƆ

²³ Yesu etsoku busɔlɛvu nɛ kibee, klɛ, gɛ aza kasɛ dɔ, kpayaɔzakɔanɔ anɛ beshishe kɔ banɔ nɛ ba tɔnɔ yɛ aba. Be bisi asɛ, “Kabhaŋɛŋa ɖueɖu mɛ ɔɔbhɛtɛ ebuia nɛ petee?” “Klɛ anee gɛ akɔ wɔ kabhaŋɛŋɛa nɛɛ di?”

Mateo 21:23 Referans Kwoze

Axwɛwɛwa 4:7

Ba gbanɔ Petro anɛ Yohanɛsɛ amɛna balɛ amɛ klɛ ba kpa lɛ ebui bisi asɛ: “Ganɔ kemi ɔdɔgɔsɛ ane kinyim nɔ bhɛtɛ kibui nɛ?”

Luka 19:47

Kibenyɛbe akasɛ kɛdɔ nɛ buvu nɛ mɛ. Pɔ banɔ gbɛgbla, ɛshã badɔkasɛ nɛ banɔ nɛ gɛ balɛ banɔ nɛ nu ba pɛɛ sɛ tɛ be yi yɛ.

Mateo 26:55

Nɛ kibe lɛ nɛ mɛ Yesu etsre banɔɛza nɛ asɛ, “Iputɔ kɔ kititi lulɔ banɔ teli, so pɛɛ nɔ yɛkɔ bupamɛ anɛ busukpogunu pɛ no bo vu mɛ? Ɛza busɔlɛevu nɛ mɛ kibenyɛbe ɛɛkasɛdɔ, klɛ no di vu mɛ odi.

Axwɛwɛwa 7:27

“Pɔ anyɛ nɛ gɛ ye tu yadzya nɛɛ etii Mose avɛnɔ kɛwã klɛ aɖɔ asɛ, ‘Ane gɛ edzu wɔ sɛ tɛ ɔŋa lɔa bha tɛ ozo klu bubhui nɛ bulɔ?

Mateo 21:24

Yesu ebui lɛ nu asɛ, “Mɛ tsyɛ ba bisi nɔ kibui tirikpo. Onu gɛ noo bui lɛ nu ɔkɔ mɛ, ɛba tsre nɔ kabhaŋɛŋa nɔɔ nɛ mɛ gɛ ɛbhɛtɛ ebuia nɛɛ.

Mateo 24:1

Yesu ashɛ̃ nɛ busɔlɛvu nɛm pɛ agaa vɛ klɛ yɛ badɔkpasɛ na ba tɔnɔ yɛ klɛ ba baka yɛ buvu nɛ bui.

Luka 20:1

Kiwui tirikpo gɛ Yesu àkasɛ dɔ nɛ Kpaya busɔlɛvu ka nɛ mɛ klɛ aɖɔɛ̀ kibui dzyɔgo, Kpaya ɔzakɔ banɔ, ɛshãbadɔkasɛ anɛ banɔ shishe gɛ ba ba yɛ ɔbha.

Mateo 20:4

Klɛ etsre balɛ asɛ, ‘Wɔnɔ tsyɛ nɔ vɛ tɛ nɔ dɔ wa kɛxwɛ nɛ mɛ buya nɛ mɛ, tɛ ɛba buya kɛbhɛ nɔɔ nɛ gɛ dzyenɔ nɛ ɛkɔ nɔ.’