Mateo 20:28 - ONUGBÙ NYƐNYÃ VUVƆ

²⁸ anasɛ gɛ Anɔdzyrame yɛ Eyi nɛ adɛ ba sɛ tɛ ba dɛ axwɛ akɔ yɛ, pɔ aba sɛ tɛ aba dɛ axwɛ, tɛ ayɛkɔ yɛ ɛkpã nɛ abuya anasɛ kɛbhɛ nɛ banɔɛ tɔkpu.”

Mateo 20:28 Referans Kwoze

Hebriuanɛ 9:28

so Kristo akɔ yɛ be yi yɛ bu yi trukpo sɛ tɛ ebu banɔ gelee ebuizizi nalɛ shu, klɛ azia ba bubhla, ganɛ sɛ tɛ aba bhɛtɛ kibuinyɛbui denɔ ebuizizi shu, pɔ amɛna ishu bhubhuiyɛkɛ kɔ bagɛ be po yɛ.

Luka 22:27

So ane gɛ enu agbɛgbladɛ, agɛ alɛ kɛdɔnɔŋakɔ pɛnɔ agɛ adɛ axwɛ? Anɛ agɛ alɛ kɛdɔ nɛ ɔŋakɔ? Pɔ ɛlɛ wunɔɛshi anasɛ agɛ adɛ axwɛ.

Titusɛ 2:14

gɛ ayɛkɔ yɛ shu akɔ nɛ bulɔɛ tɔkpu sɛ tɛ ebu lɔ edenɔ kɛtɔkpum gɛganɛ petee mɛ tɛ epulu banɔ nɛ gɛ enu yɛnahwɛ ayɛ nɛ akɔ shu, gɛ ba pɛa sɛ tɛ ba bhɛtɛ kɛgɛ nu kɛdzyɔgo.

1 Petro 3:18

Alasɛ Kristo etsi kɔ kizizi butsi tirikpo ko, kɔ banɔ dzyɔgo anɛ be zizi tɛ agbanɛ nɔ avɛnɔ Kpaya kɔ. Be yii yɛ nɛ ishuidzya mɛ pɔ ba bhɛtɛ yɛ alɛ nɛ ɛkpã ganɔ ɔfufɔɛ abha,

1 Timotio 2:6

gɛ ayɛkɔ yɛshu etsye ansɛ kɛbhɛ bubuya nɛ banɔdzyrame nɛ petee tɔkpu—gɛ ki dzi kibuimɔɖɔ nɛ kɛlɛ be dzyɔgo mɛ.

Tɛbubukasɛ 1:5

anɛ denɔ Yesu Kristo ɔkɔ, gɛ yɛ enu ebuimɔɖɔ kɛgbɛagbayɛ, eyitutɔpu nɛ gɛ ba mɔ denɔ bekpu nɛ mɛ, anɛ agɛ yɛ aŋa bekusi nɛa bha anɛ kesukpa nɛa bha. Kɔ agɛ yɛa dɛmɛ lɔɛ bui klɛ ebu lɔ edenɔ bulɔ buzizi mɛ ganɔ yɛ dzyosu mɛ,

2 Kɔrintioanɛ 8:9

Alasɛ nɔ nyi bulɔ Apalete Yesu Kristo kɛdɔkukɔ, sɛ nɛlɛmɛ aba mɔ ehueyi, pɔ nɛ bulɔɛ tɔkpu ebe dzi kitsyutsyuikpɛ̃, so tɛ ganɔ yɛ butsyutsyuikpɛ̃ mɛ nɔ bɔ dzi ehueyilete.

Hebriuanɛ 5:8

Kɛlɛlɛmɛ sɛ edzi eyi, akpasɛ batɔtɛta denɔ yɛ butɔ gɛ atɔ nɛ mɛ

1 Petro 2:24

Kristo nahwɛ ayɛkɔ bulɔ ebuizizi nɛ akpɛ ishuidzya mɛ nɛ osi nɛ shu, sɛ tɛ bu ba tsi kɔ kizizi klɛ bu za nɛ ɛkpã kɔ kɛdzyɔgo bhɛbhɛtɛ, yɛ apɔ la kɔ sɛ bunya koeyi nɛ bulɔ shuimɛ.

Efesoanɛ 1:7

Nɛ yɛ mɛ bu mɔ tɛbhubhuiyɛkɛ ganɔ yɛ dzyosu nɛ mɛ, ebuikpã tsyitsye, anɛ Kpaya kedziŋɛŋa kɛdɔkukɔ mɛ

Marko 14:24

Etsre alɛ asɛ, “Mɛ onugbu nyɛnya dzyosu nɛ naa, gɛ be bu abalɛ lu kɔ banɔ gelee.”

Mateo 26:28

Mɛ dzyosu nɛ naa nɛ onugbunyɛnya mɛ nɛ wɔnɔ, gɛ ba yɛkɔ balɛ esi kɔ banɔ gelee kɔ balɛ buzizi tɛyɛyɛkɔ tsye.

Efesoanɛ 5:2

klɛ nɔ za nɛ kpã nɛ anɔɛbui dɛdɛmɛ mɛ, anasɛ gɛ Kristo adɛmɛ bulɔɛ bui klɛ ayɛkɔ ishu akɔ nɛ bulɔɛ tɔkpu anasɛ kɛdɔ lɛlɔ̃ huhu gɛ ayɛkɔ etsye Kpaya.

Galatianɛ 3:13

Kristo ebu lɔ denɔ kibuiɖɛɖɔ kpɛ anɔ nɛ ɔshã nɛ mɛ gɛ lɔ mɛna kibuiɖɛɖɔ kpɛ anɔ kɔ lɔ, alasɛ ba ŋlɔmɛ elu asɛ: “Kibuiɖɛɖɔ kpɛ anɔ kɛ nu anɔnyanɔ gɛ ba kpɛ kihuioli kɔ yɛ nɛ osi shu.”

Romanɛ 4:25

Ba yɛkɔ yɛ akpɛ ahwɛ kɔ butsi nɛ bulɔ buzizi nɛ tɔkpu klɛ be feke yɛ amɛna ɛkpãm kɔ bulɔ tɛdɛdanɛ.

1 Yohanɛsɛ 2:2

Yɛ ayɛkɔ ishu etsye kɔ bulɔ ebuizizi, klɛ ganɛ bulɔ tite pɔ kɔ kanɔ nɛ petee buzizi.

Hebriuanɛ 2:10

Nɛ banɔ gelee mɛmɛna nɛ yɛshu bhubhui mɛ, kɛpɛ̃ kɔ Kpaya sɛ, kɔ agɛ anɛ ganɔ agɛ yɛabha ba bhɛtɛ kɛdɔnyɛdɔ, kɛkɔsɛ Kristo edzi tɛyɛyɛkɛ dzyɔgo ganɔ butɔ mumɔe mɛ.

Yohanɛsɛ 10:15

anasɛ gɛ Aka nɛ nyi mɛ klɛ inyi Aka—klɛ ɛyɛkɔ mɛ kpã kɔ ibhoshi.

Mateo 8:20

Yesu ebu lɛ nu sɛ, “Ayakpamkudzɔgɛ nɛ mɔ ɛlɛ okukɔ klɛ kɛlɛɛm buzhuɔɛ nɛ tsyɛ mɔ bulɛ evu, pɔ Anɔdzyrame yɛ Eyi nɛ aka mɔ ɔkɛlɛ gɛ ebe lu yɛ tɔkpu.”

Mateo 20:27

klɛ aanɔ nɛ gɛ apɛa sɛ tɛ edzi atutɔpu, alasɛ tɛ edzi wɔnɔ axwɛdɛ,

Marko 10:45

Alasɛ Anɔdzyrame yɛ Eyi nɛ krua tsyɛ adɛ ba sɛ tɛ anɔ aba dɛ kɛxwɛ akɔ yɛ, pɔ yɛ aba sɛ tɛ aba dɛ kɛxwɛ, tɛ ayɛkɔ yɛ ɛkpã nɛ abuya kɛbhɛ nɛ banɔ gelee tɔkpu.”